Akgtum invitación nema nakatlawaniyaw
1. ¿Tuku kilhtamaku natsukuyaw makgpitsiyaw invitación xla asamblea regional?
1 Komo nakatlawaniyaw lu kgama liwat kiʼamigoskan o kimparienteskan chu lhuwa kilhtamaku chu tumin xlimaxtuw, lu xatapaxuwan xkawaniw. Nachuna, lhuwa kilhtamaku limaxtukanit tuku nakinkamasiyanikanan kʼasamblea regional. Akxni akgtutu semanas tsankga xlakata natawila lanka tamakxtumit, Jehová nakinkamaxkiyan talakgalhaman xlakata nakawaniyaw amakgapitsin latamanin pi nakinkatatamakxtumikgoyan. ¿Tuku nakinkamakgtayayan xatapaxuwan natlawayaw?
2. ¿Tuku natlawa pi tlakg namakgmastayaw invitaciones?
2 Komo liwana nalakapastakaw la nakinkamakgtayayan tuku natalichuwinan klanka tamakxtumit nema kinkamaxkiyan Jehová, uma nakinkamakgtayayan xlakata tlakg nalimaxtuyaw kilhtamaku namastayaw invitaciones (Is. 65:13, 14). Na kililakapastakatkan pi uma campaña lu tlan kitaxtu (kaʼakxilhti recuadro «Tlan kitaxtu»). Max makgapitsi tiku nakamaxkiyaw invitaciones nakinkatatamakxtumikgoyan pero makgapitsi ni. Maski lhuwa o ni lhuwa naʼankgo, tuku natlawayaw namalanki Jehová chu nalitasiya pi lhuwa tuku kinkamaxkiyan (Sal. 145:3, 7; Apoc. 22:17).
3. ¿La namakgpitsiyaw invitaciones?
3 Kʼakgatunu congregación lakgkgolotsin nalakkaxwilikgo la natlawakan xlakata tlakg natamakgpitsi invitaciones, chu komo namakgxtakgkan kchiki niku niti wi o anta namastakan akxni nalichuwinankan Dios ktiji. Sábados chu domingos akxtum natamastakan revistas invitación akxni tlan nawan. Akxni nasputa campaña lu napaxuwayaw xlakata xatapaxuwan makgtayanaw chu lhuwa latamanin kamaxkiw invitación xlakata nakinkataʼankgoyan ktamakxtumit nema kinkamaxkiyan Jehová.