¿Tuku kinkamasiyaniyan takilhtlin?

¿Tuku takilhtlin tlakg lakgatiya xla JW Broadcasting®? ¿Tuku xlakata lakgatiya? ¿Lakpuwana pi tuku tasiya kvideo xlikana chuna lay kkilatamatkan? Xlakata tipalhuwa tema tuku limin chu tanu tanu la takgaxmata umakgolh takilhtlin, max wi akgtum nema tlakg lakgatiyaw. Pero takilhtlin chu videos ni kajwatiya akgtum lilakgastan.

Putum takilhtlin wi tuku kinkamasiyaniyan xlakata la nalatamayaw chu la naskujniyaw Dios. Makgapitsi takilhtlin lichuwinankgo pi tlan kalamakgamakglhtinaw, tlan kalatalaliw, kaputsaw tlan amigos, ni kapekuaw, kapaxkinaw chu kalimasiyaw takanajla. Atanu lichuwinankgo xlakata nalakgtaspitkan Jehová, nakamatsankgenaniyaw amakgapitsin, ni namakgatsankgananiyaw Dios chu naputsayaw atanu la tlakg naskujnaniyaw. Asta wi akgtum takilhtlin nema kinkamakgtayayan ni namalakatsaliyaw la maklakaskinaw celular. ¿Tuku katsininita akxni kgaxpata takilhtlin?

AKXNI AKXILHNITATA VIDEO XLA TAKILHTLIN TALAKATSUWIMA XASTLAN KAKILHTAMAKU, KAKGALHTI UMAKGOLH TAKGALHSKININ:

• ¿Tuku tamalaknun lilakpuwamakgo tamakgaxtokgat nema linkgoya kata? (Gé 12:3).

• ¿Tuku tlan natlawayaw xlakata tlakg nalipawanaw pi Jehová namakgantaxti tuku malaknunit?

• ¿Tiku nakaʼakxilhparayaw nialh makgas kilhtamaku?

• ¿La kinkamakgtayayan takgalhkgalhin xla Tamapakgsin natayaniyaw tuku patimaw la uku? (Ro 8:25).