Tuku tlan nalikgalhtawakgayaw
Kalakaniya o de memoria kakatsini «takilhtlin» nema malanki Jehová
«Akxni lu ktaxlajwaninit, Jehová maklakaskin takilhtlin xla JW Broadcasting® xlakata nakimatliwakglha» (Lorraine, Estados Unidos).
Kstalaninanin Cristo ankgalhin maklakaskinkgonit «takilhtlin» xlakata nalimalankikgo Jehová (Col. 3:16). Komo kalakaniya o de memoria nakatsiniya umakgolh takilhtlin, namakgtayayan asta maski ni kgalhiya nawan kxakapsnat o maski ni kgalhiya kmicelular o kmintableta. Wa uma makgapitsi tuku tlan natlawaya xlakata nakatsiniya takilhtlin.
Kalimaxtu kilhtamaku xlakata nalikgalhtawakgaya xaletra takilhtlin chu naʼakgatekgsa. Tlakg ni tuwa lakapastakaw tuku liwana akgatekgsnitaw. Anta kjw.org natekgsa xaletra takilhtlin nema kgalhiyaw. Na anta wilakgo takilhtlin nema taxtu kJW Broadcasting chu takilhtlin xla laktsu kamanan. Xlakata natekgsa, katanu niku wan «Likgalhtawakga nema wi» chu alistalh kapitani niku wan «Tatlakgni».
Katsokgwili xaletra takilhtlin. Uma namakgtayayan de memoria nakatsiniya takilhtlin (Deut. 17:18).
Kalitsakgsa nakilhtliya. Makglhuwa kalikgalhtawakga o kalikilhtli takilhtlin.
Kaliʼakxilhti la xlilhuwa lakapastaka. Kalakapastakti xaletra takilhtlin chu ni kaʼakxilhti niku tatsokgnit chu alistalh kaʼakxilhti la xlilhuwa katsininitata.