Tlakg kakatsini la nalichuwinana Dios: Kalichuwinanti Dios niku wi interfón

TUKU XLAKATA XLAKASKINKA. Xlakata talhuwima latamanin tiku nitlan likatsikgo, lhuwa latamanin maklakaskinkgo tuku xalaksasti taxtuma chuna la cámaras o interfonos xlakata nawilikgo kxchikkan. Max napekuanaw akxni nalitachuwinanaw Dios chatum lataman tiku kinkaʼakxilhman pero akinin nila akxilhaw. Umakgolh tastakyaw nakinkamakgtayayan tlakg tlan nalitachuwinanaw Dios tiku kinkaʼakxilhman kʼakgtum cámara o interfón.

LA NATLAWAYAW

• Ni kalakpuwanti pi latamanin ni katikgaxmatnikgon. Lhuwa latamanin tiku kgalhikgo cámara o interfón kinkatachuwinamputunkgoyan.

• Kalakapastakti pi makgapitsi cámaras tsukukgo grabarlinankgo akxni nina tlakga timbre chu pi latamanin kgaxmatnimakgon chu akxilhmakgon akxni wix talakatsuwiya kmalakcha.

• Akxni wi tiku nakgalhtiyan, kachuwinanti chuna la kalakan tachuwinampat. Kalakalitsinti chu kamatsuwi milakan chuna la wix lismaninita. Kawanti tuku xpimpat wana komo lataman xmalakkilh xmalakcha. Komo wi akgtum cámara, ni lu katalakatsuwi. Komo niti nakgalhtiyan, ni kamakgxtakgti akgtum mensaje.

• Kalakapastakti pi akxni nachuwinankgoya, max lataman chuntiya akxilhman o kgaxmatnimanku nawan.