KILATAMATKAN LA KSTALANINANIN CRISTO
Tastakyaw xlakata tamakxtumit nema tlawakan akxni ankan lichuwinankan Dios namakgtayanan
Tamakxtumit nema tlawakan akxni anaw lichuwinanaw Dios chu amakgapitsi tamakxtumit xalak congregación, akgtum tamaskiwin nema Jehová kinkamaxkiyan xlakata chuna kinkamakgpuwantiniyan nalimasiyayaw tapaxkit chu natlawayaw laktlan taskujut (Heb 10:24, 25). Putum tamakxtumit, chuna la akxni katlawakan grupos, wankan niku nalichuwinankan Dios chu akxni tlawakan oración, xlimakgapalat 5 o 7 minutos. Komo uma tamakxtumit tlawakan akxni sputa atanu tamakxtumit, tlakg ni lhuwa xlimakgapalat. Tiku napulalin tamakxtumit xlilakkaxwilit tuku nakamakgtaya tiku naʼankgo lichuwinankgo Dios uma kilhtamaku. Akgtum liʼakxilhtit, sábados, akxni anankgo lhuwa natalan tiku nila lichuwinankgo Dios xʼitat semana, tlakg tlan nawan komo kajwatiya natalichuwinan tuku tlan nawankgo akxni nalichuwinankgo Dios. ¿Tuku atanu temas tlan nalichuwinankan?
Liʼakxilhtit xla página 16 xla Tuku natalikgalhtawakga Xlatamat chu xtaskujut kstalanina Cristo.
La namaklakaskina tuku aku lalh o akgtum tamakatsin xlakata namatsukiya takgalhchuwin.
La tlan nakgalhtinana pulaktum tuku wankgo latamanin xlakata ni kgaxmatputunkgo.
La nakgalhtiya tiku ni kanajla pi anan Dios, tiku kanajlani evolución, o chatum lataman tiku chuwinan atanu tachuwin o kgalhi akgtum takanajla nema ni lu lakgapaskan.
La maklakaskinkan sitio jw.org, aplicación JW Library® o Biblia.
La maklakaskinkan maktum likgalhtawakga xla kit de enseñanza.
La lichuwinankan Dios kteléfono, kcarta, niku titaxtukgo lhuwa latamanin, la tlawakan revisitas o la makgalhtawakgenankan.
Tuku ni kilitlawatkan xlakata nitu nakinkaʼakgspulayan, kalichuwinaw tuku katsiputunkgo latamanin, tlan kalikatsiw, kalimasiyaw tapaxuwan, chu atanu.
Akgtum lección o video xla folleto Tlakg tlan kakgalhtawakga chu kamasiya.
La namakgtayayaw chu namakgpuwantiniyaw tiku akxtum anaw talichuwinanaw Dios.
Akgtum texto nema tatalakxtumi la lichuwinankan Dios o pulaktum tuku titaxtunit chatum tala nema lu makgpuwantininan.