TLAKG LIWANA KAMAKGALHTAWAKGENAW | TLAKG KALIPAXUWA AKXNI LICHUWINANA DIOS
Kakamasiyani mintamakgalhtawakgen namatliwakglhkgo xtakanajlakan
Xlakata kilimakgalhtawakgetkan nalakgapaskgo Jehová chu nakgalhikgo tliwakga takanajla, ni kajwatiya xlikatsitkan tuku ni lu xalaktuwa nema masiya Biblia (Mt 5:3; Heb 5:12–6:2). Xlikatsinitkan la namatliwakglhkgo xtakanajlakan.
Lata akxni xapulana natsukuya kamakgalhtawakgeya, kakamasiyani la nalakkaxwilikgo tuku nalikgalhtawakgayatit chu kakamakgpuwantini chuna natlawakgo (mwb18.03 6). Kakawani pi lu xlakaskinka natlawakgo oración akxni xʼakstukan nakgalhtawakgakgo. Kakamakgtaya nakatsinikgo la namaklakaskinkgo dispositivos xlakata nakgalhtawakgakgo chu nakatsikgo tuku xasasti wi anta kjw.org chu kJW Broadcasting®. Tsinu tsinu, kakalimasmani nalikgalhtawakgakgo Biblia chali chali, nalakkaxwilikgo tuku nataʼakxilha ktamakxtumit chu naputsakgo xtakgalhtin takgalhskinin nema kgalhikgo. Kakamakgpuwantini nalilakpuwankgo tuku katsinimakgolh.
AKXNI AKXILHNITATA NAWAN VIDEO KAKAMAKGTAYAW TIKU KAMAKGALHTAWAKGEMAW NAMATLIWAKGLHKGO XTAKANAJLAKAN, KAKGALHTI UMAKGOLH TAKGALHSKININ:
¿La makgtayalh Rita Coral naʼakgatekgsa pi akxni likgalhtawakgakan Biblia ni kaj talakaskin natekgsa xatakgalhtin?
¿Tuku makgtayalh Coral naʼakgatekgsa pi xlilat tuku wan Jehová xlakata talakgxtumit nema ni xlitatlawat?
Kakamasiyani mintamakgalhtawakgen naʼakgatekgskgo tuku likgalhtawakgakgo chu nalilatamakgo
¿Tuku akgatekgsli Coral pi kilhchanima lilakpuwanankan?