¿Takaxnitata xlakata tlan natayaniya taʼakglhuwit?

Chuna la talakatsuwima xlisputni uma kakilhtamaku tlakg naʼanan taʼakglhuwit, nalatlawanikan tuku nitlan chu naʼanan guerras (Ap 6:4). ¿Tuku tlan natlawayaw xlakata natayaniyaw akxni namin uma tuku lu tuwa?

• Kamatliwakglhti mintakanajla. Kalilakpuwanti tastakyaw chu tuku lichuwinan Biblia nema namatliwakglha chuna la lipawana Jehová chu xkachikin, chu nema namakgtayayan ni namakgtanuya kxtaʼakglhuwit kakilhtamaku (Pr 12:5; jr-S 125, 126 párrs. 23, 24). La uku kamatliwakglhti la katalalipina natalan xalak congregación (1Pe 4:7, 8).

• Kalakkaxwili putum tuku namaklakaskina. Kamakgstokgwili liwat chuna la namaklakaskina chu kalakkaxwili tuku natlawaya komo tlakg lhuwa kilhtamaku natawilaya kminchik. Na kalakkaxwili tuku natlawaya akxni nataxtuya. Kaʼakxilhti tuku mujunita kmimochila de emergencia chu na kamuju tumin chu tuku lu namaklakaskina (cubrebocas, guantes chu atanu). Kakgalhi xnumeroskan lakgkgolotsin chu na kakamaxki minúmero (Is 32:2; g17.5-S 3-7).

Akxni naʼanan taʼakglhuwit, chuntiya kalichuwinanti Dios chu kamatliwakglhti mintakanajla (Flp 1:10). Katamakgxtakgti kminchik chu ni kataxtu komo ni lu xlakaskinka (Mt 10:16). Xatapaxuwan kakamaxki amakgapitsin tuku kgalhiya (Ro 12:13).

AKXNI AKXILHNITATA NAWAN VIDEO ¿KATSIYATA TUKU NATLAWAYA KOMO WI TUKU KAJ XALAKAPALA NALA?, KAKGALHTI UMAKGOLH TAKGALHSKININ:

• ¿La tlan nakinkamakgtayayan Jehová akxni wi tuku lakapala la?

• ¿Tuku tlan natlawayaw xlakata natakaxaw?

• ¿La tlan nakamakgtayayaw amakgapitsin?