KILATAMATKAN LA KSTALANINANIN CRISTO
Katlawaw tuku nakinkamakgtayayan natayaniyaw kxlikgalhsputni “xaʼawatiya kilhtamaku”
Chuna la talakatsuwitilhama xlikgalhsputni “xaʼawatiya kilhtamaku”, katsiyaw pi tlakg natalhuwi tuku tuwa natitaxtuyaw (2Ti 3:1; «lhuwa takatsanajwat» nota xla takgalhtawakga xlakata Mt 24:8, nwtsty). Xkachikin Jehová ankgalhin kinkawaniyan tuku kilitlawatkan akxni la tuku masputunan. Komo nakgalhakgaxmatnanaw chu la uku namakaxaw tuku natalakaskin ama kilhtamaku chu namatliwakglhaw kintakanajlakan, tlan nalakgtaxtuyaw akxni nala tuku masputunan (Lu 16:10).
Kamatliwakglhti mintakanajla. Kalismani nalikgalhtawakgaya Biblia chu miʼakstu nalakputsananiya. Kaliskujti xlakata tanu tanu la nalichuwinana Dios. Ni kapekuanti komo kaj ni makgas nila akxtum katatawilaya natalan xalak congregación (Is 30:15). Kalakapastakti pi Jehová chu Jesús nikxni katimakgxtakgkgon (od-S 175, 176 párrs. 15-17).
Kamakaxti tuku namaklakaskina. Lu xlakaskinka pi namakaxa akgtum mochila niku namujuya tuku namaklakaskina, pero nachuna akgatunu familia xlikgalhit liwat, chuchut, likuchun chu atanu tuku max namaklakaskinkgo komo xtalakaskilh makgas natawilakgo kxchikkan (Pr 22:3; g17.5-S 4, 6).
AKXNI AKXILHNITATA NAWAN VIDEO ¿LA NATAKAXAW AKXNI NINA MIN TUKU MASPUTUNAN?, KAKGALHTI UMAKGOLH TAKGALHSKININ:
¿La tlan namatliwakglhaw kintakanajlakan xlakata kilhtamaku akxni nala tuku masputunan?
¿Tuku xlakata lu xlakaskinka...
...ankgalhin nakatachuwinanaw lakgkgolotsin?
...namakaxaw tuku tamaklakaskin xlakata nakuchunaw?
...nalichuwinanaw tuku max xmasputunalh niku lamaw chu tuku max tlan xtlawaw?
Kalichuwinanti pulaktutu la tlan nakamakgtayayaw amakgapitsin.
KALAKPUWANTI: «¿La kimasiyaninit tajatat xla COVID-19 naklakkaxwili tuku natalakaskin?».