Kaliskujti wi tuku nalakgchipina Akxni lakapastakkan akxni tinilh Cristo

Xlakskujnin Jehová lu xlakaskinka akxilhaw Akxni lakapastakkan akxni tinilh Cristo. Makgapitsi semanas akxni nina titaxtu uma kilhtamaku chu akxni titaxtunita, limaxtuyaw lhuwa kilhtamaku xlakata nakakninaniyaw Jehová chu nalimasiyaniyaw pi paxtikatsiniyaw xlakata talakgmaxtut (Ef 1:3, 7). Akgtum liʼakxilhtit, kawaniyaw latamanin pi kakinkataʼankgon kʼuma lu xlakaskinka tamakxtumit. Makgapitsi natalan lakkaxwilikgo xkilhtamakujkan xlakata naliskujkgo la precursores auxiliares papaʼ marzo o abril niku kaj 30 o 50 horas talakaskin namakgatsikgo. ¿Tlakg lhuwa kilhtamaku lichuwinamputuna Dios papaʼ akxni nalakgchan Akxni lakapastakkan akxni tinilh Cristo? ¿Tuku tlan natlawaya?

Tlakg tlan kitaxtu akxni wi tuku pulana lakkaxwilikan (Pr 21:5). Nialh makgas nalakgchan Akxni lakapastakkan akxni tinilh Cristo, wa xlakata la uku kalakkaxwiliw la tlan namakgtayananaw. Kalilakpuwanti tuku tlan natlawaya akxni nalakapastakkan akxni tinilh Cristo chu tuku tlan natlawaya xlakata nalakgchipina. Alistalh kaskini Jehová pi kamakgtayan tlan namakgantaxtiya (1Jn 5:14, 15).

¿Wi tuku atanu tlan natlawaya xlakata tlakg nalichuwinana Dios akxni nalakapastakkan akxni tinilh Cristo?