Akxni natalakapastaka akxni tinilh Jesús tlan namaliwakayaw la lichuwinanaw Dios
1. ¿Tuku xlakata namaliwakayaw la lichuwinanaw Dios marzo, abril chu mayo?
1 ¿Tlan namaliwakaya la lichuwinana Dios marzo, abril chu mayo? Max niku lapat chu amakgapitsi kachikinin umakgo papaʼ ni lakapala tsiswan chu tlan kilhtamaku tawila chu max maxkikana vacaciones niku skuja o kʼescuela; tlan nalimaklakaskina uma kilhtamaku xlakata tlakg nalichuwinana Dios. Nachuna, 2 xla abril natsukuyaw kamaxkiyaw invitación latamanin xlakata nakinkataʼankgoyan akxni nalakapastakaw akxni tinilh Jesús 17 xla abril. Alistalh, tlan ni nakamakgxtakgaw tiku kilakgolh ktamakxtumit chu tlan nakawaniyaw pi kaʼankgolh ktaʼakgchuwin nema natamasta semana 25 xla abril. Chuna la akxilhaw, wi lhuwa tuku xlakata namaliwakayaw la lichuwinanaw Dios marzo, abril chu mayo.
2. ¿La natlawayaw xlakata namaliwakayaw la lichuwinanaw Dios?
2 Precursor auxiliar nawanaw. Pulaktum la tlan namaliwakayaw wa naliskujaw la precursor auxiliar. Xlakata putum kgalhiyaw taskujut, talakaskin liwana nalakkaxwiliyaw kinkilhtamakujkan xlakata tlan natlawayaw (Pro. 21:5). Max lakkaxwilinitata tuku natlawaya papaʼ nema mimakgolh. Pero komo ni lu xlakaskinka, ¿tlan nakatlawaya alistalh? (Fili. 1:9-11.) Tlan nakawaniya amakgapitsi xalak congregación pi liskujputuna precursor. Max xlakan na naliskujkgo la precursores auxiliares.
3. ¿La natlawakgo familias xlakata tlakg nalichuwinankgo Dios?
3 Akgtum tastakyaw, akxni nakakninaniyatit Dios kfamilia tlan nalichuwinanatit tuku lakpuwanitantit natlawayatit xlakata namaliwakayatit la lichuwinanatit Dios (Pro. 15:22). Komo nalamakgtayayatit, max makgapitsin xalak familia tlan naliskujkgo la precursor auxiliar akgtum o akglhuwa papaʼ. Pero ¿komo naʼakxilhatit pi nila naliskujatit la precursor auxiliar? Na tlan nalakkaxwiliyatit xlakata putum familia tlakg nalichuwinankgo Dios, naʼankgo kakgotanun, tlakg nalichuwinankgo Dios sábado chu domingo.
4. ¿Tuku namakglhtinanaw komo namaliwakayaw la lichuwinanaw Dios akxni natalakapastaka akxni tinilh Jesús?
4 Jehová akxilha putum tuku tlawayaw xlakata naskujniyaw chu lu xlakaskinka akxilha (Heb. 6:10). Lipaxuwayaw akxni skujnaniyaw Jehová chu kamakgtayayaw amakgapitsin (1 Cró. 29:9; Hech. 20:35). ¿Tlan namaliwakaya la lichuwinana Dios akxni natalakapastaka akxni tinilh Jesús? Komo chuna natlawaya, lu napaxuwaya chu namakglhtinana lhuwa tasikulunalin.