Wix tlan namakgtayanana xlakata mifamilia tlakg napaxuwa

Jehová lakaskin pi familias kapaxuwakgolh (Sl 127:3-5; Ec 9:9; 11:9). Pero min kilhtamaku, xlakata lhuwa tuku lilakgaputsayaw chu xlakata makglakgalhinanin akinin, max nalaktlawa tapaxuwan nema anan kfamilia. ¿Tuku tlan natlawayaw chatunu tiku makgtapakgsiyaw kfamilia xlakata tlakg napaxuwayaw?

Chatum tlan chixku maxki kakni xpuskat (1Pe 3:7). Limaxtuni kilhtamaku, ni skini tuku xla nila tlawa chu limasiyani xpuskat pi paxtikatsini xlakata putum tuku tlawa xpalakata xfamilia (Col 3:15). Wani pi paxki chu wani pi tlan taskujut tlawa (Pr 31:28, 31).

Chatum tlan puskat ankgalhin liskuja xlakata namakgtaya xchixku (Pr 31:12). Kgalhakgaxmata chu akxtum taskuja (Col 3:18). Ni wani laklixkajni tachuwin chu tlan lichuwinan kxlakatin amakgapitsin (Pr 31:26).

Natlatni tiku paxkinankgo limaxtukgo kilhtamaku xlakata nakatatawilakgo xkamanankan (Dt 6:6, 7). Kawanikgo pi lu kapaxkikgo (Mt 3:17). Katsikgo tuku kilhtamaku chu la nakastakyawakgo, chu ni katasitsi tlawakgo (Ef 6:4).

Kamanan tiku tlan likatsikgo kamaxkikgo kakni chu kakgalhakgaxmatkgo xnatlatnikan (Pr 23:22). Kawanikgo tuku lakpuwankgo chu tuku makgkatsikgo. Makgamakglhtinankgo tastakyaw nema kamaxkikan chu kalimasiyanikgo kakni (Pr 19:20).

AKXNI AKXILHNITATA NAWAN VIDEO LA TLAN KGALHIKAN AKGTUM XATAPAXUWAN FAMILIA, KAKGALHTI UMA TAKGALHSKININ:

¿Tuku tlawalh chatunu tiku xalak familia xlakata xputumkan xpaxuwakgolh?