LA NAMACHOKGOYAW TASITSI
1 | Ni Kalaksakpaxkinanti
Biblia wan:
«Dios ni laksakpaxkinan, wata kputum kachikinin, tiku pekuani chu tlawa tuku xaʼakgstitum xla makgamakglhtinan» (HECHOS 10:34, 35).
¿Tuku wamputun?
Jehováa ni kinkalakputsananiyan xlakata kinkachikinkan, la tasiyayaw, kincolorkan o kintalismaninkan. Wata, wa kuenta tlawa tuku tlakg xlakaskinka, uma wamputun, tuku lakpuwanaw chu tuku makgkatsiyaw. Biblia wan: «Chixku kaj akxilha tuku tasiya; pero Jehová, xla akxilha tuku wi knaku» (1 Samuel 16:7).
Kalitsakgsa uma:
Maski nila akxilhaw tuku wi kxnakujkan amakgapitsin, tlan ni nalaksakpaxkinanaw chuna la Jehová. Kaliskujti xlakata ni nalakpuwana pi putum latamanin chuna likatsikgo. Komo naʼakxilha pi nitlan tuku kalakpuwaniya amakgapitsin, max xlakata la tasiyakgo o xpaiskan, kaskini Dios pi kamaxkin litliwakga xlakata ni nalaksakpaxkinana chu tlan namaxtuya kminaku uma tapuwan (Salmo 139:23, 24). Xla namakgtayayan xlakata tlan namakgantaxtiya (1 Pedro 3:12).
a Jehová wa xtukuwani Dios (Salmo 83:18).
«Nikxni xaktalalinit chatum tiku lhmumokgo [...]. La uku xakmakgtapakgsi kʼakgtum familia tiku tanu tanu xkilhtsukutkan» (TITUS).