Kinkawanimakan tlakg namalankiyaw Jehová
1. ¿Tuku xasasti talakkaxlan wilika nema masta talakaskin «lhuwa» namalankiyaw Jehová?
1 La uku publicadores tlan naliskujkgo li precursor auxiliar, kata kata kaj puxamakaw hora namastakgo papaʼ marzo chu abril, nachuna akxni min superintendente de circuito. Uma xasasti talakkaxlan tsukulh marzo xla uma kata. Komo semana akxni min superintendente de circuito akxni talakgpali papaʼ publicadores tlan nalaksakkgo tuku papaʼ lakaskinkgo namakgatsikgo puxamakaw hora nema skinikgokan. Tiku precursores auxiliares tlan nakgaxmatkgo putum taʼakgchuwin xla superintendente de circuito nema kamaxkikgo precursores regulares chu especiales. Komo nila liskujaw precursores auxiliares xla tipuxamakaw hora, kgalhiyaw akgtati papaʼ kʼakgtum kata xlakata «lhuwa» namalankiyaw Jehová chu naliskujaw precursores xla puxamakaw hora (Sal. 109:30; 119:171).
2. ¿Tuku lu tlan nakitaxtunikgo precursores auxiliares akxni namin superintendente de circuito?
2 Papaʼ akxni min superintendente de circuito. La uku tlan tlakg lhuwa tiku naliskujkgo la precursores auxiliares akxni namin superintendente de circuito “akxtum lamakgapaxuwayaw” akxni talichuwinanaw Dios (Rom. 1:11, 12). Max lhuwa precursores auxiliares naskinkgo talakaskin kxtaskujutkan xlakata natataxtukgo akgtum kilhtamaku superintendente. Tiku skujkgo max tlan nawanikgo superintendente xlakata akxtum nalitachuwinankgo Dios sábado o domingo. Nachuna precursores auxiliares lu nakamakgtaya taʼakgchuwin nema kamaxkikan precursores regulares chu especiales.
3. ¿Tuku xlakata tlan nakitaxtu komo precursor auxiliar nawana akxni talakapastaka akxni tinilh Jesús?
3 Marzo chu abril. Tiku liskujkgolh precursor auxiliar nema kaj puxamakaw hora skinikgokan akxni talakapastakli akxni tinilh Jesucristo la uku tlan naliskujparakgo chuna namastakgo tamakamastan xlakata nalimalankikgo, Dios (Heb. 13:15). Papaʼ marzo chu abril lu tlan kitaxtu xlakata namalhuwiyaw kintaskujutkan chu naliskujaw la precursores auxiliares. Umakgolh papaʼ natamakgpitsi invitaciones xlakata natalakapastaka akxni nilh Jesús. Umakgolh papaʼ publicadores tlakg lichuwinankgo xTachuwin Dios wa xlakata komo naliskuja la precursor auxiliar nakgalhiya tiku natataxtuya. Chu akxni titaxtunita nawan uma kilhtamaku, xlakaskinka nakamakgtayayaw latamanin tiku kilakgolh ktamakxtumit chu nakawaniyaw pi naʼankgo kgaxmatkgo takgchuwin nema lu xlakaskinka. Xlakata uma talakkaxlan tlakg tlan namalankiyaw Jehová komo natlawayaw precursorado auxiliar. ¿Nakinkamakgtayayan kinakujkan xlakata natlawayaw uma taskujut? (Luc. 6:45.)