Tlakg kakatsini la nalichuwinana Dios: kakatsini la nakgalhtinana akxni wi tuku nalikgalhtipaxtokgkana

Tuku xlakata xlakaskinka. Kalakpuwanti pi wix katsiya xlakata mima tuku masputunan chu lhuwa latamanin nanikgo komo ni naputsakgo niku natamakgtayakgo. Wix pina makatsiniya mintalakatsu, pero xla waniyan pi ni limakgwani. ¿Napina chu nialh tu nawaniya? ¡Xlikana pi ni! Lhuwa latamanin ni kgaxmatputunkgo, xlakata ni katsikgo pi tlan nakalakgmaxtu tuku kalitachuwinanputunaw. Max wi tuku lilakgaputsama akxni lakgapaxialhnamaw (Mat. 24:37-39). O max nitlan tuku kawanikanit kimpalakatakan (Mat. 11:18, 19). O max lakpuwankgo pi nachuna likatsiyaw la amakgapitsin takanajla nema nitlan likatsikgo (2 Ped. 2:1, 2). Komo xapulana ni nakinkakgaxmatniputunan, kalakputsaw atanu tuku nalitachuwinanaw.