Kimputumkan tlan nalichuwinanaw Dios chu namakgalhtawakgenanaw

Xapulana, Moisés xmakgkatsi pi nila xʼama makgantaxti tuku Dios kskininit (Éx 4:10, 13). ¿Minit kilhtamaku nachuna makgkatsinita? ¿Limakgalhtawakgemakgon Biblia xtatayananin Jehová chu kgalhskinkana komo tlan nalichuwinana Dios kʼakgatunu chiki? ¿Kgawasaku wix chu pekuana nalichuwinana Dios kʼescuela? ¿Tuwa makgkatsiya nalichuwinana Dios niku anankgo lhuwa latamanin o kteléfono? Kaskini Jehová pi kalimakgtayan xʼespíritu santo (1Pe 4:11). Kalipawanti pi Jehová namaxkiyan tuku namaklakaskina xlakata namakgantaxtiya tuku xla nalakgayawayan (Éx 4:11, 12).

AKXNI AKXILHNITATA VIDEO NI KAPEKUANTIT... WIXIN TIKU LICHUWINANATIT DIOS, KAKGALHTI UMAKGOLH TAKGALHSKININ:

• ¿Tuku tuwa titaxtulh tala Aoyama?

• ¿Tuku tlawalh xlakata nakgalhi litliwakga chu ni napekuan? (Jer 20:7-9).

• ¿Tuku tlan kitaxtunilh xlakata tlakg skujnanilh Jehová?

• ¿Tuku tuwa makgkatsiya akxni lichuwinana Dios nema Jehová tlan namakgtayayan?