Tok i Go Pas Long Tok Bilong God

Baibel i kamapim ol tok em God i givim long yumi long nau. Baibel i skulim yumi long olsem wanem yumi inap mekim sindaun bilong yumi i kamap gutpela, na yumi ken mekim wanem na bai God i ken orait long yumi. Na tu, em i bekim ol dispela askim:

1 God em i husat?
2 Hau bai yu inap kisim save long God?
3 Husat i raitim ol tok bilong Baibel?
4 Yu ting tok bilong Baibel i stret wantaim saiens?
5 Baibel i kamapim wanem bikpela tok?
6 Baibel i mekim wanem ol tok profet long Mesaia?
7 Baibel i tok profet long wanem ol samting bai kamap long nau?
8 Yu ting em asua bilong God na pen na hevi i painim ol man?
9 Wai na pen na hevi i painim ol man?
10 Baibel i tok promis olsem wanem samting bai kamap long bihain?
11 Wanem samting i save kamap taim man i dai?
12 Wanem samting bai painim ol man i dai pinis?
13 Baibel i tok wanem long pasin bilong mekim wok?
14 Olsem wanem yu inap yusim gut ol samting yu gat?
15 Olsem wanem yu inap kisim amamas?
16 Hau bai yu inap daunim pasin bilong tingting planti?
17 Olsem wanem Baibel inap helpim famili bilong yu?
18 Hau bai yu inap i go klostu long God?
19 Wanem ol stori i stap long ol buk bilong Baibel?
20 Olsem wanem pasin bilong ritim Baibel inap helpim yu?

ROT BILONG PAINIM OL VES BILONG BAIBEL

Baibel i gat 66 liklik buk long en. Ol i brukim long 2-pela hap: Ol Skripsa Hibru-Aram (“Olpela Testamen”) na Ol Skripsa Grik (“Nupela Testamen”). Ol i brukim olgeta wan wan buk bilong Baibel long ol sapta na ol ves. Taim yu lukim ol skripsa, fes namba i kamap bihain long nem bilong buk i makim sapta, na namba bihain long en i makim ves. Olsem, Stat 1:1 i makim Stat sapta 1, ves 1.