Rot Bilong Yusim Dispela Buklet

Long ol pes i kamap bihain, i gat ol skripsa bilong olgeta wan wan de, na sampela stori bilong dispela skripsa. Yupela i ken skelim teks bilong de na stori bilong en long ol narapela narapela taim long de, tasol planti i pilim olsem i gutpela moa long skelim teks long moningtaim. Dispela bai helpim ol long tingim tingim ol tok bilong en long de olgeta. Taim famili i bung wantaim na skelim teks, dispela bai helpim tru ol. Long olgeta hap bilong graun, ol famili Betel i save mekim olsem long taim ol i kaikai long moning.

Ol dispela stori bilong teks bilong de i kam long ol Wastaua (w) bilong Epril 2015 i go inap long Mas 2016. Ol namba mipela i raitim bihain long det bilong Wastaua i makim namba bilong wan wan stadi atikol (1, 2, 3, 4, o 5), na dispela bai makim olsem em namba 1 stadi o namba 2 stadi. Bihain long en i gat namba bilong paragraf ol i kisim skripsa na stori long en. (Lukim eksampel daunbilo.) Yu inap kisim sampela save moa long de teks sapos yu lukim Wastaua ol i yusim olsem referens. Sapos yu laik save long stadi i kirap long wanem pes, orait lukim fran pes o namba 2 pes bilong Wastaua.