Sediul Bilong Skul Tiokratik Bilong Autim Tok Bilong 2009
OL LO BILONG EN
Long 2009 bai yumi wokim Skul Tiokratik Bilong Autim Tok olsem ol i makim daunbilo.
OL BUK SAMTING: Buk Baibel; “All Scripture Is Inspired of God and Beneficial” (1990 Edition) [si], Kisim Skul Long Bikpela Tisa [lr], buk Toktok Gut Wantaim Ol Man Long Baibel [rs], na Wastaua [w].
Skul i mas kirap LONG TAIM STRET long rot bilong mekim tok welkam, na wokim skul olsem i stap daunbilo. Wasman skul bai singautim ol wan wan bratasista long mekim tok.
OL BIKPELA TOK YUMI RITIM LONG BAIBEL: 10 minit. Insait long 4-pela minit wanpela elda o kongrigesen sevan bai kamapim ol bikpela tok long hap bilong Baibel ritim bilong wik. Tasol sapos Baibel ritim bilong wik i kirap long namba 1 sapta bilong wanpela buk bilong Baibel, orait em i no ken kamapim ol bikpela poin long dispela hap bilong Baibel ritim bilong wik, nogat. Long kain taim olsem, em i mas kamapim ol tok bilong buk, “All Scripture Is Inspired of God and Beneficial” o long hap bilong Wastaua, “Tok Bilong Jehova i Gat Laip,” kirap long Wastaua bilong Janueri 1, 2004 na i kam. Olsem: Long wik bilong Janueri 5, kongrigesen bai skelim sapta 1 i go inap long sapta 5 bilong Buk Stat, olsem na brata i lukautim dispela hap i mas kamapim sampela bikpela tok bilong Buk Stat, olsem i stap long buk, “All Scripture Is Inspired of God and Beneficial” o long hap bilong Wastaua, “Tok Bilong Jehova i Gat Laip.” Em i mas kamapim ol bikpela tok long pasin we bai helpim tru kongrigesen. Taim brata i stori long ol bikpela tok bilong Baibel ritim bilong wik, o em i kamapim ol bikpela tok long buk “All Scripture Is Inspired of God and Beneficial” o long hap bilong Wastaua, “Tok Bilong Jehova i Gat Laip,” bikpela samting em long helpim odiens long save bilong wanem na olsem wanem dispela tok i gutpela bilong helpim ol. Brata i lukautim dispela hap i mas was gut, nogut em i abrusim minit ol i makim bilong namba wan hap bilong dispela tok. Em i mas larim 6-pela minit bilong odiens long mekim ol sotpela bekim inap 30 seken o aninit long en, long ol tok ol i bin laikim long Baibel ritim bilong wik. Nau wasman skul i ken tokim ol sumatin bilong namba 2 skul long i go long hap ol i makim bilong ol long mekim tok.
TOK NAMBA 1: 4 minit o aninit long en. Dispela tok em bilong ritim tasol, na wanpela brata bai mekim. Sumatin i mas ritim tasol hap ol i makim, no gat kirap bilong tok o pinis bilong tok. Wasman skul i laik helpim ol sumatin long rit long pasin i soim olsem ol i save long samting ol i ritim, ol i mekim toktok i ron gut, na ol i bihainim stretpela pasin bilong kolim strong tok, senisim nek, malolo long hap i stret, na ol i rit long pasin bilong ol yet long toktok.
TOK NAMBA 2: 5 minit. Wanpela sista bai mekim dispela tok. Ol sista i kisim dispela asainmen, ol yet bai makim o wasman skul bai makim wanpela pasin bilong mekim tok i stap long lista long pes 82 bilong buk Kisim Helpim Long Skul Tiokratik Bilong Autim Tok. Sumatin i mas yusim tim bilong tok ol i makim na kamapim long pasin i stret long wok autim tok long teritori bilong yupela na i gutpela long helpim ol man. Taim sediul i no makim ol buk samting bilong kisim tok long en, sumatin yet i mas painim ol tok insait long ol buk na nius bilong yumi. Wasman skul bai skelim olsem wanem sumatin i kamapim ol tok, na pasin bilong em long helpim meri bilong haus long tingim na skelim ol skripsa na kisimgut ol bikpela poin. Wasman skul bai makim wanpela helpim.
TOK NAMBA 3: 5 minit. Wanpela brata o sista bai mekim dispela tok. Sumatin i mas wokim wanpela tim bilong tok na kamapim gut tok bilong dispela tim. Taim sediul i no makim ol buk samting bilong kisim tok long en, sumatin yet i mas painim ol tok insait long ol buk na nius bilong yumi. Taim ol i makim wanpela brata long mekim, em i ken mekim olsem wanpela tok i stret long odiens i stap long Haus Kingdom. Taim ol i givim dispela asainmen long wanpela sista, em i mas mekim olsem Tok Namba 2. Plis tingim, ol tim bilong tok i gat sta long en em bilong ol brata tasol long mekim. Na sapos kongrigesen bilong yupela i gat planti elda na kongrigesen sevan, orait i gutpela moa long wanpela elda o kongrigesen sevan i mekim ol tok i gat sta long en.
TOK KAUNSEL: 1-2 minit. Wasman skul bai i no toksave pastaim long ol bratasista long samting em i bin tokim sumatin long wok long en. Bihain long Tok Namba 1, Tok Namba 2, na Tok Namba 3, wasman skul bai kamapim gutpela samting em i lukim sumatin i mekim, na em i laik kamapim stret as na dispela hap bilong tok i gutpela na em i kolim ol tok bilong buk Skul Bilong Autim Tok. Sapos brata i lukim olsem i gat sampela samting em sumatin i mas wok long en, orait em i ken givim sampela moa tok kaunsel bihain long miting o long narapela taim.
MINIT BILONG TOK: Ol tok i no ken go ovataim, na tok kaunsel brata i givim, dispela tu i no ken i go ovataim. Long Tok Namba 1, Tok Namba 2, na Tok Namba 3, long gutpela pasin brata bai stopim ol sumatin taim minit bilong tok i pinis. Sapos brata i lukautim hap bilong ol bikpela tok bilong Baibel ritim em i go ovataim, orait em i mas kisim tok kaunsel bihain long miting. Olgeta i mas tingim gut minit bilong tok. Program olgeta: 30 minit.
TOK KAUNSEL FOM: I stap long buk Skul Bilong Autim Tok.
NAMBATU BRATA BILONG GIVIM TOK KAUNSEL: Lain elda bilong kongrigesen i ken makim narapela elda long mekim wok olsem nambatu brata bilong givim tok kaunsel. Sapos kongrigesen i gat planti elda, orait long olgeta wan wan yia ol i ken makim narapela narapela elda long mekim dispela wok. Wok bilong em i bilong givim tok kaunsel bihain long miting—sapos i gat wok long givim—long ol brata i mekim ol bikpela tok bilong Baibel ritim. I no olsem em i mas givim tok kaunsel long olgeta taim ol elda o kongrigesen sevan i mekim ol dispela tok.
RIVIU BILONG SKUL TIOKRATIK BILONG AUTIM TOK: 20 minit. Long olgeta 2-pela 2-pela mun, wasman skul bai mekim wanpela riviu. Dispela riviu bai kamap bihain long ol bikpela tok bilong Baibel ritim. Riviu bai karamapim ol tok i bin kamap long skul insait long 2-pela mun i go pinis, em ol tok i kamap tu long wik bilong mekim riviu. Sapos kongrigesen i gat kibung sekit, o wasman sekit i kam lukim kongrigesen long wik sediul i makim bilong mekim riviu, orait surikim riviu i go long wik antap, na Tok Namba 1, Tok Namba 2 na Tok Namba 3 long sediul bilong wik antap i ken kisim ples bilong ol tok i kamap long wik bilong riviu. Tasol no ken senisim sediul bilong Baibel ritim bilong wik na ol bikpela tok bilong Baibel.
SEDIUL
Janueri 5 Baibel ritim: Stat 1-5
No. 1: Stat 3:1-15
No. 2: Bilong Wanem Jisas i Bikpela Tisa? (lr sap. 1)
No. 3: Wanem Samting Bai i No Inap Lus Nating? (1 Ko. 15:58)
Janueri 12 Baibel ritim: Stat 6-10
No. 1: Stat 9:1-17
No. 2: Bekim Tok Bilong Man i Tok Em i No Bilip Long God (rs p. 120 par. 3–p. 121 par. 3)
No. 3: Pas i Kam Long Wanpela Gutpela God (lr sap. 2)
Janueri 19 Baibel ritim: Stat 11-16
No. 1: Stat 14:1-16
No. 2: Man i Bin Wokim Olgeta Samting (lr sap. 3)
No. 3: Jehova i Stretim Pasin Bilong Yumi Olsem Wanem? (Ais. 64:8)
Janueri 26 Baibel ritim: Stat 17-20
No. 1: Stat 17:1-17
No. 2: Bilong Wanem Ol Man i No Inap Kamapim Wanpela Gutpela Gavman? (rs p. 105 par. 2–p. 106 par. 4)
No. 3: God i Gat Nem (lr sap. 4)
Februeri 2 Baibel ritim: Stat 21-24
No. 1: Stat 22:1-18
No. 2: “Dispela Em i Pikinini Bilong Mi” (lr sap. 5)
No. 3: a Ol Rot We Yumi Inap Givim Bel Bilong Yumi Long Ol Arapela (2 Ko. 6:11-13)
Februeri 9 Baibel ritim: Stat 25-28
No. 1: Stat 25:1-18
No. 2: Bikpela Tisa i Mekim Wok Bilong Helpim Ol Arapela (lr sap. 6)
No. 3: As na Ol Man i No Inap Pinisim Pasin Bilong Gavman Long Paulim Mani Samting (rs p. 106 par. 5–p. 107 par. 5)
Februeri 16 Baibel ritim: Stat 29-31
No. 1: Stat 29:1-20
No. 2: Bilong Wanem Yumi Mas Lusim Pasin Bilong “Tingting Planti”? (Mt. 6:25)
No. 3: Pasin Bilong Bihainim Tok i Lukautim Yu (lr sap. 7)
Februeri 23 Baibel ritim: Stat 32-35
Riviu Bilong Skul Tiokratik Bilong Autim Tok
Mas 2 Baibel ritim: Stat 36-39
No. 1: Stat 39:1-16
No. 2: Sampela i Gat Bikpela Namba Moa Long Yumi (lr sap. 8)
No. 3: Kingdom Bilong God—Em Tasol Inap Helpim Tru Ol Man (rs p. 107 par. 6–p. 108 par. 3)
Mas 9 Baibel ritim: Stat 40-42
No. 1: Stat 40:1-15
No. 2: Yumi Mas Sakim Ol Traim (lr sap. 9)
No. 3: b Lukaut Long Laik Bilong Bosim Yumi Yet!
Mas 16 Baibel ritim: Stat 43-46
No. 1: Stat 44:1-17
No. 2: Strong Bilong Jisas i Winim Ol Spirit Nogut (lr sap. 10)
No. 3: Ol Tok Profet Bilong Baibel i Kamap Tru Olgeta (rs p. 108 par. 4–p. 109 par. 2)
Mas 23 Baibel ritim: Stat 47-50
No. 1: Stat 48:1-16
No. 2: Yumi Mas Pret Long Satan?
No. 3: Helpim i Kam Long Ol Ensel Bilong God (lr sap. 11)
Mas 30 Baibel ritim: Kisim Bek 1-6
No. 1: Kisim Bek 1:1-19
No. 2: Jisas i Skulim Yumi Long Beten (lr sap. 12)
No. 3: Mirakel Bilong Oraitim Sik Long Nau i Kamap Long Rot Bilong Spirit Bilong God o Olsem Wanem? (rs p. 344 par. 1-4)
Epril 6 Baibel ritim: Kisim Bek 7-10
No. 1: Kisim Bek 9:1-19
No. 2: Ol Man Husat i Kamap Disaipel Bilong Jisas (lr sap. 13)
No. 3: c Olsem Wanem Tok Bilong Galesia 6:2 i Helpim Tok Bilong Galesia 6:5?
Epril 13 Baibel ritim: Kisim Bek 11-14
No. 1: Kisim Bek 12:21-36
No. 2: Bilong Wanem Yumi Mas Lusim Rong? (lr sap. 14)
No. 3: Wok Mirakel Bilong Oraitim Sik Long Nau i No Wankain Long Wok Mirakel Bilong Jisas na Ol Aposel Bilong Em (rs p. 345 par. 1-4)
Epril 20 Baibel ritim: Kisim Bek 15-18
No. 1: Kisim Bek 15:1-19
No. 2: Yumi Mas Mekim Wanem Bilong Stap Klia Long Lotu Giaman?
No. 3: Wanpela Stori i Skulim Yumi Long Mekim Gutpela Pasin (lr sap. 15)
Epril 27 Baibel ritim: Kisim Bek 19-22
Riviu Bilong Skul Tiokratik Bilong Autim Tok
Me 4 Baibel ritim: Kisim Bek 23-26
No. 1: Kisim Bek 24:1-18
No. 2: Wanem Samting i Bikpela Samting Tru? (lr sap. 16)
No. 3: Olsem Wanem Yu Inap Luksave Long Mak Bilong Ol Kristen Tru Long Nau? (rs p. 345 par. 5–p. 346 par. 4)
Me 11 Baibel ritim: Kisim Bek 27-29
No. 1: Kisim Bek 29:1-18
No. 2: Rot Bilong i Stap Amamas (lr sap. 17)
No. 3: d Pasin Bilong Stap Gut Long Wanpela Man i No Stret Long Stap Gut Long Em na Ol Hevi Inap Kamap Long En (w97 8/1 p. 12-13)
Me 18 Baibel ritim: Kisim Bek 30-33
No. 1: Kisim Bek 31:1-18
No. 2: Bilong Wanem God i Givim Strong Long Ol Kristen Bilong Pastaim Long Oraitim Ol Sik? (rs p. 347 par. 1-4)
No. 3: Yu Save Tingim Long Tok Tenkyu? (lr sap. 18)
Me 25 Baibel ritim: Kisim Bek 34-37
No. 1: Kisim Bek 37:1-24
No. 2: I Stret Long Pait o Nogat? (lr sap. 19)
No. 3: e Mekim Bikpela na Bosim Gut Ol Pikinini (w08 4/1 p. 13-16)
Jun 1 Baibel ritim: Kisim Bek 38-40
No. 1: Kisim Bek 40:1-19
No. 2: Oltaim Yu Laik i Stap Namba Wan? (lr sap. 20)
No. 3: Yu Ting Olgeta Kain Sik Inap Long Pinis Olgeta? (rs p. 348 par. 1-3)
Jun 8 Baibel ritim: Wok Pris 1-5
No. 1: Wok Pris 4:1-15
No. 2: I Stret Long Yumi Tok Hambak o Nogat? (lr sap. 21)
No. 3: f Ol Kristen i Mas Mekim Wok Bos Bilong Ol Olsem Wanem?
Jun 15 Baibel ritim: Wok Pris 6-9
No. 1: Wok Pris 8:1-17
No. 2: ‘Yu Bilip Long Strong Bilong Oraitim Sik?’ (rs p. 348 par. 4-5)
No. 3: Bilong Wanem Yumi No Ken Giaman? (lr sap. 22)
Jun 22 Baibel ritim: Wok Pris 10-13
No. 1: Wok Pris 11:29-45
No. 2: Bilong Wanem Ol Man i Kisim Sik? (lr sap. 23)
No. 3: Ol Blesing Bilong Ol Disaipel i Baptais Pinis
Jun 29 Baibel ritim: Wok Pris 14-16
Riviu Bilong Skul Tiokratik Bilong Autim Tok
Julai 6 Baibel ritim: Wok Pris 17-20
No. 1: Wok Pris 19:1-18
No. 2: Taim Yumi No Kamap Yet Long Graun, Yumi Bin Stap Long Ples Spirit o Nogat? (rs p. 159 par. 2–p. 160 par. 3)
No. 3: No Ken Kamap Stilman! (lr sap. 24)
Julai 13 Baibel ritim: Wok Pris 21-24
No. 1: Wok Pris 22:17-33
No. 2: Yu Ting Ol Man Bilong Mekim Pasin Nogut Inap Senis? (lr sap. 25)
No. 3: Pasin Ol Kristen Tru i Mekim Bilong Tingim Gut Ol Rabisman
Julai 20 Baibel ritim: Wok Pris 25-27
No. 1: Wok Pris 25:39-54
No. 2: Bilong Wanem i Hatwok Long Mekim Gutpela Pasin? (lr sap. 26)
No. 3: Sapos Adam i No Bin Mekim Sin, Yu Ting Em Bai i Go Long Heven? (rs p. 160 par. 4-5)
Julai 27 Baibel ritim: Namba 1-3
No. 1: Namba 3:1-20
No. 2: Bilong Mekim Pasin Isi, No Ken Belhat Kwik
No. 3: Husat i God Bilong Yu? (lr sap. 27)
Ogas 3 Baibel ritim: Namba 4-6
No. 1: Namba 4:1-16
No. 2: Rot Bilong Save Yumi Mas Bihainim Tok Bilong Husat? (lr sap. 28)
No. 3: Yu Ting Man i Mas i Go Long Heven Bambai Em Inap i Stap Amamas Tru Long Bihain? (rs p. 160 par. 6–p. 161 par. 2)
Ogas 10 Baibel ritim: Namba 7-9
No. 1: Namba 9:1-14
No. 2: God i Amamas Long Olgeta Pati o Nogat? (lr sap. 29)
No. 3: Ol Rot we Yumi Kamapim Klia Olsem Yumi Stap Gut Long Jehova
Ogas 17 Baibel ritim: Namba 10-13
No. 1: Namba 13:17-33
No. 2: Yumi Kisim Helpim Bilong Daunim Pret (lr sap. 30)
No. 3: Wanem Insait Bilong Tok Bilong 1 Pita 3:19, 20? (rs p. 161 par. 3)
Ogas 24 Baibel ritim: Namba 14-16
No. 1: Namba 14:26-43
No. 2: Pasin Bilong Laikim Tru Lo Bilong God i Makim Wanem Samting? (Sng. 119:97)
No. 3: Husat Inap Mekim Gut Bel Bilong Yumi? (lr sap. 31)
Ogas 31 Baibel ritim: Namba 17-21
Riviu Bilong Skul Tiokratik Bilong Autim Tok
Septemba 7 Baibel ritim: Namba 22-25
No. 1: Namba 22:20-35
No. 2: Ol Samting God i Mekim Bilong Lukautim Jisas (lr sap. 32)
No. 3: Wanem Insait Bilong Tok Bilong 1 Pita 4:6? (rs p. 161 par. 4)
Septemba 14 Baibel ritim: Namba 26-29
No. 1: Namba 27:1-14
No. 2: Dispela Tok Long Skulim Pikinini i Makim Wanem Samting? Bilong Wanem Em i Bikpela Samting? (Ef. 6:4)
No. 3: Jisas Inap Lukautim Yumi (lr sap. 33)
Septemba 21 Baibel ritim: Namba 30-32
No. 1: Namba 32:1-15
No. 2: Wanem Samting Bai Kamap Sapos Yumi Dai? (lr sap. 34)
No. 3: Yu Ting Olgeta Kristen Bai Kisim Laip Long Heven? (rs p. 162 par. 1-3)
Septemba 28 Baibel ritim: Namba 33-36
No. 1: Namba 33:1-23
No. 2: Yumi Inap Kirap Bek Long Matmat! (lr sap. 35)
No. 3: Kingdom Bilong God i Winim Olgeta Narapela Gavman
Oktoba 5 Baibel ritim: Lo 1-3
No. 1: Lo 2:1-15
No. 2: “Nupela Testamen” i Tok Wanem Long Kisim Laip Oltaim Long Graun? (rs p. 163 par. 1–p. 164 par. 2)
No. 3: Husat Bai Kirap Bek? Ol Bai Stap We? (lr sap. 36)
Oktoba 12 Baibel ritim: Lo 4-6
No. 1: Lo 4:15-28
No. 2: Tingim Jehova na Pikinini Bilong Em (lr sap. 37)
No. 3: Wanem Taim Em Yumi Ken Tok Liklik Samting Tasol i Gutpela? (Snd. 15:16)
Oktoba 19 Baibel ritim: Lo 7-10
No. 1: Lo 9:1-14
No. 2: Bilong Wanem Yumi Mas Laikim Jisas? (lr sap. 38)
No. 3: Hamas Bai Kisim Laip Long Heven, Olsem Baibel i Tok? (rs p. 164 par. 3-4)
Oktoba 26 Baibel ritim: Lo 11-13
Riviu Bilong Skul Tiokratik Bilong Autim Tok
Novemba 2 Baibel ritim: Lo 14-18
No. 1: Lo 15:1-15
No. 2: Wanem Ol Samting i Insait Long Pasin Bilong Pret Long God?
No. 3: God i Tingim Pikinini Bilong Em (lr sap. 39)
Novemba 9 Baibel ritim: Lo 19-22
No. 1: Lo 22:1-19
No. 2: Rot Bilong Mekim God i Amamas (lr sap. 40)
No. 3: Lain 144,000 Em Ol Juda Tasol, o Olsem Wanem? (rs p. 164 par. 5–p. 165 par. 3)
Novemba 16 Baibel ritim: Lo 23-27
No. 1: Lo 25:1-16
No. 2: Ol Pikinini Husat i Mekim God i Amamas (lr sap. 41)
No. 3: g Yumi Mas Tingim Wanem Ol Samting Olsem Samting i Holi?
Novemba 23 Baibel ritim: Lo 28-31
No. 1: Lo 30:1-14
No. 2: Bilong Wanem Yumi Mas Wok? (lr sap. 42)
No. 3: Baibel i Tok ‘Bikpela Lain’ Bai Kisim Laip Long We? (rs p. 165 par. 4–p. 166 par. 1)
Novemba 30 Baibel ritim: Lo 32-34
No. 1: Lo 32:1-21
No. 2: “Bikpela De Bilong Jehova” Em Wanem Samting? (Sef. 1:14, NW )
No. 3: Husat Ol i Brata na Susa Bilong Yumi? (lr sap. 43)
Disemba 7 Baibel ritim: Josua 1-5
No. 1: Josua 5:1-15
No. 2: Ol Pren Bilong Yumi i Mas Laikim God (lr sap. 44)
No. 3: Kingdom Bilong God Em Wanem Samting? Rot Bilong Soim Yumi Laikim Kingdom (lr sap. 45)
Disemba 14 Baibel ritim: Josua 6-8
No. 1: Josua 8:1-17
No. 2: Wara i Bagarapim Wanpela Lain Man—Em Bai Kamap Gen? (lr sap. 46)
No. 3: Bilong Wanem Tok Bilong Saveman 7:21, 22 i Kamapim Gutpela Tingting?
Disemba 21 Baibel ritim: Josua 9-11
No. 1: Josua 9:1-15
No. 2: Olsem Wanem Yumi Inap Save Armagedon i Klostu Pinis? (lr sap. 47)
No. 3: Nupela Taim God Bai Kamapim i Gat Bel Isi—Yu Inap i Stap Long En (lr sap. 48)
Disemba 28 Baibel ritim: Josua 12-15
Riviu Bilong Skul Tiokratik Bilong Autim Tok
[Ol Futnot]
a Makim ol brata tasol long mekim, na mobeta ol elda na ol kongrigesen sevan.
b Makim ol brata tasol long mekim, na mobeta ol elda na ol kongrigesen sevan.
c Makim ol brata tasol long mekim, na mobeta ol elda na ol kongrigesen sevan.
d Makim ol brata tasol long mekim, na mobeta ol elda na ol kongrigesen sevan.
e Makim ol brata tasol long mekim, na mobeta ol elda na ol kongrigesen sevan.
f Makim ol brata tasol long mekim, na mobeta ol elda na ol kongrigesen sevan.
g Makim ol brata tasol long mekim, na mobeta ol elda na ol kongrigesen sevan.