Ol Witnes Bilong Jehova i Gat Ol Pris Pasto Husat i Save Kisim Pe?

Ol Witnes Bilong Jehova i bihainim pasin bilong ol Kristen long bipo na ol i no gat wanpela lain i stap olsem ol pris pasto na narapela lain i stap olsem ol man nating, nogat. Olgeta Witnes husat i baptais pinis, ol inap long mekim wok bilong autim tok na skulim ol man. Ol Witnes i stap long ol wan wan kongrigesen we namba bilong ol wanbilip em inap olsem 100. Long olgeta wan wan kongrigesen, ol man i stap strong long bilip i mekim wok olsem “ol hetman,” o elda. (Taitus 1:5) Ol i no kisim pe long wok ol i mekim.