TIPISALEMA

1 Wa tsaka munhu la nga landzeriki switsundzuxo swa lavo homboloka

La nga yimiki endleleni ya vadyohi+

La nga tshamiki ni vahlekuri.+

 2 Kambe a rhandza nawu wa Yehovha,+

Naswona a hlaya nawu Wakwe hi rito ra le hansi* vusiku ni nhlikanhi.+

 3 U ta fana ni murhi lowu byariweke etlhelo ka swinambyana swa mati,

Lowu humesaka mihandzu hi nkarhi wa wona,

Lowu matluka ya wona ma nga vuniki.

 4 Lavo homboloka a va tano;

Va fana ni muhungu* lowu biwaka hi moya.

 5 Hi yona mhaka leyi lavo homboloka va nga ta ka va nga yimi loko ku avanyisiwa;+

Hambi vadyohi a va nge yimi exikarhi ka lavo lulama.+

 6 Hikuva Yehovha u tiva ndlela ya lavo lulama,+

Kambe ndlela ya lavo homboloka yi ta hela.+

2 Hikwalaho ka yini matiko ma hlundzukile

Naswona vanhu va gungulela* lexi va nga xi tiviki?+

 2 Tihosi ta misava ti lunghekile

Ni tindhuna ti hlengeletanile ti yima swin’we+

Ku lwa na Yehovha ni muhlawuriwa* wakwe.+

 3 Ti ri: “A hi tsemeni tinketana ta vona

Hi cukumeta tintambhu ta vona!”

 4 Loyi a tshameke etilweni u ta hleka;

Yehovha u ta va hlekula.

 5 Hi nkarhi wolowo u ta vulavula na vona a hlundzukile

A va chavisa hi vukarhi byakwe lebyikulu,

 6 A ku: “Ndzi veke hosi leyi ndzi yi hlawuleke+

ESiyoni,+ ntshava ya mina yo kwetsima.”

 7 Ndzi ta mi tivisa leswi Yehovha a swi vuleke;

U ndzi byele a ku: “U n’wana wa mina;+

Namuntlha ndzi tata wa wena.+

 8 Kombela, ndzi ta ku nyika matiko ma va ndzhaka ya wena

Misava hinkwayo yi ta va ya wena.+

 9 U ta ma faya hi nhonga ya vuhosi ya nsimbhi,+

Naswona u ta ma faya ku fana ni khuwana.”+

10 Sweswi n’wina tihosi, twisisani;

Pfumelani ku layiwa, n’wina vaavanyisi va misava.

11 Tirhelani Yehovha hi xichavo,

N’wi xiximeni mi tsaka.

12 Xiximani* n’wana+ leswaku Xikwembu xi nga hlundzuki

Kutani mi lovisiwa,*+

Hikuva xi hatla xi hlundzuka.

 3 Kambe Yehovha Xikwembu xanga, u xitlhangu lexi ndzi sirhelelaka matlhelo hinkwawo,+

U ku vangama ka mina+ naswona U ndzi nyika matimba.*+

 4 Ndzi ta huwelela Yehovha,

U ta ndzi hlamula a ri entshaveni yakwe yo kwetsima.+ (Selah)

 5 Ndzi ta pavalala ndzi etlela;

Ndzi ta pfuka ndzi hlayisekile,

Hikuva Yehovha u ya emahlweni a ndzi seketela.+

 6 A ndzi va chavi vanhu va makume ya magidi

Lava ndzi rhendzeleke matlhelo hinkwawo.+

Hikuva u ta ba valala va mina hinkwavo erihlayeni;

U ta tshova matino ya lavo homboloka.+

 3 Swi tiveni leswaku Yehovha u ta khoma nandza wakwe wo tshembeka hi ndlela yo hlawuleka;

Yehovha u ta ndzi yingisa loko ndzi n’wi vitana.

 5 Endlani magandzelo ya leswo lulama,

Naswona mi tshemba Yehovha.+

 7 U endla leswaku mbilu ya mina yi tsaka swinene

Ku tlula lava nga ni koroni yo tala ni vhinyo leyintshwa.

 8 Ndzi ta pavalala ndzi etlela hi ku rhula,+

Hikuva hi wena ntsena Yehovha u endlaka leswaku ndzi tshama ndzi sirhelelekile.+

5 Yehovha, yingisa marito ya mina;+

Ndzi yingise loko ndzi konya.

 2 Rhiya ndleve loko ndzi kombela ku pfuniwa,

Wena Hosi ya mina ni Xikwembu xa mina, hikuva ndzi khongela eka wena.

 3 Yehovha Xikwembu xanga, u ta twa rito ra mina nimixo;+

Ndzi ta ku byela leswi ndzi karhataka nimixo+ kutani ndzi rindza.

 4 Hikuva u Xikwembu lexi vengaka leswo homboloka;+

La endlaka swo biha a nge tshami na wena.+

U venga hinkwavo lava endlaka swo biha;+

 6 U ta lovisa lava hembaka.+

 7 Kambe ndzi ta ta endlwini ya wena+ hikuva wa ndzi rhandza swinene;+

Ndzi ta khinsama etempeleni ya wena yo kwetsima hikwalaho ka leswi ndzi ku chavaka swinene.+

 8 Yehovha ndzi kombe ndlela ya wena yo lulama hikwalaho ka valala va mina;

Ndzi basisele ndlela ya wena.+

 9 Hikuva va vulavula mavunwa ntsena;

Va tshamela ku xanisa van’wana;

Nkolo wa vona i sirha leri ahlameke;

Va tirhisa ririmi ra vona ku yenga van’wana.+

10 Kambe Xikwembu xi ta va vona nandzu;

Va ta wisiwa hi makungu ya vona.+

Onge va nga hlongoriwa hikwalaho ka swidyoho swa vona swo tala,

Hikuva va ku xandzukerile.

11 Kambe hinkwavo lava tumbelaka eka wena va ta tsaka;+

Va ta tshamela ku ba mikulungwana.

U ta endla leswaku va nga tshineleriwi,

Naswona lava rhandzaka vito ra wena va ta tsaka.

12 Yehovha u ta katekisa un’wana ni un’wana la lulameke,

U ta va sirhelela ku fana ni xitlhangu lexikulu.+

6 Yehovha Xikwembu xanga, u nga ndzi tshinyi u hlundzukile,

U nga ndzi lulamisi u karihile.+

 3 Ndzi karhatekile swinene,+

Naswona ndza ku vutisa Yehovha, xana ndzi ta xaniseka ku fikela rini?+

 4 Yehovha Xikwembu xanga, vuya u ta ndzi ponisa;+

Ndzi ponise hikuva u ni rirhandzu.+

 5 Hikuva lava feke a va vulavuli ha wena;*

I mani loyi a nga ku dzunisaka a ri eSirheni?*+

 6 Ndzi konye kukondza ndzi hela matimba;+

Ndzi tsakamise mubedo wa mina hi mihloti vusiku hinkwabyo;

Sofa ra mina ro dabudabu hikwalaho ko rila.+

 7 Tihlo ra mina ri tsanile hikwalaho ka gome;+

A ra ha voni kahle hikwalaho ka hinkwavo lava ndzi xanisaka.

 8 Ndzi sukeleni n’wina hinkwenu lava hanyaka hi swo biha,

Hikuva Yehovha u ta twa xirilo xa mina.+

 9 Yehovha u ta ndzi twa loko ndzi kombela ku tweriwa vusiwana;+

Yehovha u ta yingisa xikhongelo xa mina.

10 Valala va mina hinkwavo va ta khomiwa hi tingana swinene va tlhela va chava;

Va ta tlhelela endzhaku hi ku hatlisa va ri karhi va nyuma.+

 2 Handle ka swona va ta ndzi phatlulela ku fana ni nghala,+

Va ndzi rhwala, ku pfumala ni un’we wo ndzi ponisa.

 3 Yehovha Xikwembu xanga, loko ndzi endle xihoxo emhakeni leyi,

Loko ndzi endle leswi nga lulamangiki,

 4 Loko ndzi hoxele loyi a ndzi endlelaka leswinene,+

Kumbe loko ndzi tekele nala wa mina swo karhi handle ka xivangelo,

 5 Kutani nala a a ndzi hlongorise kukondza a ndzi kuma;

A a kandziyele vutomi bya mina emisaveni

 6 Yehovha Xikwembu xanga, humelela u hlundzukile;

Ndzi sirhelele eka vukarhi bya valala va mina;+

Pfuka u ndzi ponisa, u endla leswaku ku va ni vululami.+

 7 Matiko a ma ku rhendzele;

Kutani u ta lwa na wona u ri ehenhla.

Ndzi avanyise Yehovha hi ku ya hi ku lulama ka mina

Ni hi ku tshembeka ka mina.+

Kambe u tiyisa lavo lulama,+

Hikuva u Xikwembu lexi lulameke,+ lexi kambelaka timbilu+ ni miehleketo.*+

11 Xikwembu i Muavanyisi wo lulama,+

Naswona Xikwembu xi humesa swigwevo swa xona siku ni siku.

12 Loko a nga ri kona la hundzukaka,+ xi lota banga ra xona;+

Xi vamba vurha* bya xona byi lungheka.+

13 Xi lulamisa matlhari ya xona yo dlaya;

Xi lulamisa miseve ya xona leyi pfurhaka.+

14 Vona la nga tika vubihi;

U tike maxangu a veleka mavunwa.+

15 U cela khele ro enta,

Kambe u tlhela a wela ekheleni rero leri a ri celeke.+

16 Vubihi lebyi a byi endlaka byi ta vuyela enhlokweni yakwe;+

Madzolonga yakwe ma ta xikela ethavathaveni rakwe.

17 Ndzi ta dzunisa Yehovha hikwalaho ka vululami bya yena;+

Ndzi ta yimbelela ndzi dzunisa vito ra Yehovha+ La Nge Henhlahenhla.+

8 Yehovha Hosi ya hina, vito ra wena i rikulu swinene emisaveni hinkwayo;

Ku vangama ka wena ku tlula ni matilo!+

 2 U tiyise matimba ya wena hi milomu ya vana ni tincece,+

Hikwalaho ka valala va wena,

Leswaku u miyeta nala ni loyi a rihiselaka.

 3 Loko ndzi vona matilo ya wena, mitirho ya tintiho ta wena,

N’weti ni tinyeleti leswi u nga swi endla,+

 4 Xana munhu wo va yini lerova u nga ehleketa hi yena,

Ni n’wana wa munhu lerova u n’wi khathalela?+

 5 U n’wi endle a va ehansinyana ka tintsumi,*

U n’wi nyike ku vangama ni xichavo.

 6 U n’wi nyike matimba yo fuma swilo leswi endliweke hi mavoko ya wena;+

U veke swilo hinkwaswo ehansi ka milenge yakwe:

 7 Tinyimpfu ni timbuti ni tihomu, hinkwaswo ka swona,

Ni swiharhi,+

 8 Swinyenyana ni tihlampfi ta lwandle,

Ni swilo hinkwaswo leswi hanyaka elwandle.

9 Yehovha, ndzi ta ku dzunisa hi mbilu ya mina hinkwayo;

Ndzi ta byela van’wana hi mitirho ya wena hinkwayo yo hlamarisa.+

 2 Ndzi ta tsaka ndzi tlhela ndzi khana hikwalaho ka wena;

Ndzi ta yimbelela ndzi dzunisa vito ra wena, Wena La Nge Henhlahenhla.+

 3 Loko valala va mina va baleka,+

Va ta khudlunyeka va lova emahlweni ka wena.

 4 Hikuva wa ndzi lwela ehubyeni;

U avanyisa hi ndlela leyinene u tshame exiluvelweni xa wena.+

 5 U tshinye matiko+ u lovisa lavo homboloka,

U sule vito ra vona hilaha ku nga heriki.

 6 Valala va loviseriwe makumu;

U simule ni miti ya vona,

A va nge he tsundzukiwi.+

 7 Kambe Yehovha u ta fuma hilaha ku nga heriki;+

U tshame exiluvelweni xakwe leswaku a ta avanyisa hi vululami.+

 8 U ta avanyisa misava hi ndlela leyinene;+

U ta avanyisa matiko hi ndlela leyinene.+

 9 Yehovha u ta sirhelela lava tshikileriwaka,+

Va ta titumbeta eka yena hi nkarhi wa maxangu.+

10 Lava tivaka vito ra wena va ta ku tshemba;+

A wu nge pfuki u va tshikile lava ku lavaka, Yehovha Xikwembu xanga.+

11 Dzunisani Yehovha hi tinsimu, loyi a tshamaka eSiyoni;

Byelani vanhu swiendlo swakwe.+

12 Hikuva Loyi a rihiselaka ngati ya vona, wa va tsundzuka;+

A nge xi rivali xirilo xa lava xanisekaka.+

13 Ndzi kombe tintswalo, Yehovha; vona maxangu lama ndzi vangeriwaka hi valala va mina,

Wena la ndzi humesaka etinyangweni ta rifu,+

14 Leswaku ndzi ta vulavula hi mitirho ya wena leyinene etigedeni ta nhwanyana wa Siyoni,+

Ndzi tsaka hikwalaho ka leswi u ndzi poniseke.+

15 Matiko ma hojomele ekheleni leri ma nga ri cela;

Nenge wa wona wu phasiwe hi nete leyi ma rhiyeke hi yona.+

17 Lavo homboloka va ta ya eSirheni,*

Ni matiko hinkwawo lama rivalaka Xikwembu.

18 Kambe swisiwana a swi nge rivariwi nkarhi hinkwawo;+

Naswona ntshembo wa lavo rhula a wu nge heli.+

20 Yehovha Xikwembu xanga, ma endle ma chava,+

Matiko a ma swi tive leswaku mo va vanhu ntsena. (Selah)

 2 Hi ku tikukumuxa lowo homboloka u xanisa la nga riki na mupfuni,+

Kambe u ta phasiwa hi marhengu yakwe.+

 3 Hikuva lowo homboloka u tibuma hi leswaku a nga tiendlela ku rhandza+

U katekisa la nga ni makwanga;*

נ [Nun]

 4 Hikwalaho ka manyunyu lowo homboloka a nga lavisisi;

U tibyela a ku: “A ku na Xikwembu.”+

 5 Leswi a swi endlaka swi tshamela ku humelela,+

Kambe a nga yi twisisi milawu ya wena;+

U venga valala vakwe hinkwavo.

 6 U tibyela leswi: “A ndzi nge pfuki ndzi tsekatsekisiwile;

A ndzi nge pfuki ndzi weriwe hi khombo+

Hilaha ku nga heriki.”

 7 Nomu wakwe wu tele nhlambha, mavunwa ni ku chavisa van’wana;+

Ririmi rakwe ri vanga maxangu.+

 8 U tshama a tumbelerile ekusuhi ni swimitana;

U tumbelela munhu la nga riki na nandzu a n’wi dlaya.+

10 Loyi a khomiwaka wa hluriwa a wela ehansi;

Loyi a weriwaka hi khombo wa bvanganyetiwa.

15 Tshova voko ra lowo homboloka ni lowo biha,+

Leswaku loko u lavisisa vuhomboloki byakwe,

U nga ha byi kumi.

18 U ta lwela n’wana la nga riki na tatana ni lava tshikileriwaka,+

Leswaku va nga ha chavisiwi hi munhu.+

 2 Vona ndlela leyi lavo homboloka va govaka vurha ha yona;

Va veka nseve eka ntambhu ya vurha,

Leswaku va copa lava lulameke va ri exinyamini.

 3 Loko masungulo* ma mbundzumuxiwa,

Xana lowo lulama a nga endla yini?”

 5 Yehovha u kambela lowo lulama ni lowo homboloka;+

U venga un’wana ni un’wana la rhandzaka madzolonga.+

 6 U ta nisela lavo homboloka swirimbana;*

Va ta boheka ku nwa ndzilo, xivavula+ ni moya wo hisa.

12 Ndzi ponise, Yehovha Xikwembu xanga, hikuva lowo tshembeka a nga ha ri kona;

Vanhu vo tshembeka a va ha ri kona.

 2 Va hembelana;

Va yenga vanhu hi milomo ya vona va tlhela va va kanganyisa.+

 3 Yehovha u ta tsema milomu hinkwayo leyi hembaka,

Ni ririmi leri tikukumuxaka,+

 4 Lava nge: “Hi ta hlula hi ririmi ra hina.

Hi tirhisa milomu ya hina hi ku rhandza;

I mani la nga hi lawulaka?”+

 5 Yehovha u ri: “Ndzi ta suka ndzi yima,

Hikuva lava xanisekaka va tshikileriwa,

Ni swisiwana swa konya.+

 6 Marito ya Yehovha ma tengile;+

Ma fana ni silivhere leyi tengisiweke ka nkombo exitikweni.

 7 Yehovha, u ta va hlayisa;+

U ta va sirhelela hinkwavo, ku sukela sweswi ni hilaha ku nga heriki.

 8 Lavo homboloka va tifambafambela hi ku rhandza

Hikuva vanhu va rhandza manyala.+

 2 Xana ndzi ta tshamela ku karhateka,

Ni ku va ni gome embilwini ya mina ku fikela rini?

Ndzi nyike matimba leswaku ndzi nga fi,

 4 Leswaku nala wa mina a nga vuli a ku: “Ndzi n’wi hlurile!”

 5 Loko ku ri mina, ndzi tshembe rirhandzu ra wena;+

Mbilu ya mina yi ta tsaka loko u ndzi ponisa.+

Va endla vukungundzwana, mitirho ya vona ya nyenyetsa;

A nga kona la endlaka leswinene.+

 2 Kambe Yehovha u languta vanhu a ri etilweni

Ku vona loko ku ri ni loyi a nga ni ku twisisa, loko ku ri ni loyi a lavaka Yehovha.+

 3 Hinkwavo va hambukile;+

Va fana, va ni vuxisi hinkwavo.

A nga kona la endlaka leswinene,

Ku kala ni un’we.

 5 Kambe va ta khomiwa hi ku chava lokukulu,+

Hikuva Yehovha u seketela lavo lulama.

 6 N’wina lava endlaka swo biha, mi ringeta ku onhetela makungu ya xisiwana,

Kambe Yehovha i vutumbelo bya xona.+

Loko Yehovha a hlengeleta vanhu vakwe lava nga mahlonga,

Yakobo a a khane, Israyele a a tsake.

 2 Hi loyi a tshembekaka,+

Loyi a endlaka leswinene+

Loyi a vulavulaka ntiyiso embilwini yakwe.+

 3 A nga hlevi,+

U khoma van’wana* kahle,+

A nga va onhi mavito vanghana vakwe.*+

 4 U fambela ekule ni un’wana ni un’wana la endlaka swo biha,+

Kambe u xixima lava chavaka Yehovha.

 5 A nga lombisi mali yakwe hi ntswalo,+

A nga pfumeli ku xaviwa leswaku a lwa ni loyi a nga riki na nandzu.+

 3 Naswona vakwetsimi lava nga la misaveni,

Vakulukumba, va ndzi tisela ntsako lowukulu.”+

A ndzi nge pfuki ndzi endle magandzelo ya vona ya swakunwa ya ngati,

Hambi ku ri ku vula mavito ya swikwembu swa vona.+

Emahlweni ka wena ku ni ntsako lowukulu;+

Evokweni ra wena ra xinene ku ni ntsako hilaha ku nga heriki.

17 Yehovha Xikwembu xanga, yingisa xikombelo xa mina xo kombiwa vululami;

Twana xirilo xa mina xo lava ku pfuniwa;

Yingisa xikhongelo xa mina lexi nga riki na vuxisi.+

 2 Onge u nga ndzi avanyisa hi ndlela leyinene;+

Onge mahlo ya wena ma nga vona leswinene.

 3 U kambele mbilu ya mina, u ndzi kamberile nivusiku;+

U ndzi basisile;+

U ta kuma leswaku a ndzi na makungu yo biha,

Ni nomu wa mina a wu dyohanga.

 4 Ku nga khathariseki leswaku vanhu va endla yini,

Ndzi papalata tindlela ta xigevenga,+ hi ku landza marito ya wena.

 5 Milenge ya mina a yi fambe emikondzweni ya wena

Leswaku yi nga khudlunyeki.+

 7 Kombisa tintswalo hi ndlela yo hlamarisa,+

Wena Muponisi wa lava lavaka vutumbelo evokweni ra wena ra xinene

Loko va balekela lava ku pfukelaka.

 8 Ndzi sirhelele ku fana ni ndzololo ya tihlo ra wena;+

Ndzi tumbete endzhutini wa timpapa ta wena.+

 9 Ndzi sirhelele eka lavo homboloka lava ndzi hlaselaka,

Eka valala va mina lava ndzi rhendzeleke naswona va lavaka ku ndzi dlaya.+

10 Va fe ripfalo;

Va tinyungubyisa hi milomu ya vona;

11 Sweswi se va hi rhendzerile;+

Va lava tindlela to hi wisa.

12 U fana ni nghala leyi navelaka ku phatlulela xiharhi,

Ni xinghalana lexi tumbeleleke.

13 Humelela, Yehovha, u hlangana na yena+ u n’wi hlula;

Ndzi ponise hi banga ra wena eka lowo homboloka;

14 Yehovha Xikwembu xanga, ndzi ponise hi voko ra wena

Eka vanhu va misava leyi, lava ndzhaka ya vona ku nga vutomi lebyi ntsena,+

Lava u va nyikaka swilo leswinene+

Naswona va siyelaka vana va vona vo tala ndzhaka.

15 Kambe loko ku ri mina, leswi ndzi hanyaka hi ku lulama ndzi ta vona xikandza xa wena;

Ndza eneriseka loko ndzi pfuka u ri kona.*+

Xikwembu xanga i ribye ra mina+ leri ndzi tumbelaka eka rona,

Xitlhangu xa mina ni rimhondzo* ra mina ro ponisa, vutumbelo bya mina lebyi sirhelelekeke.+

 3 Ndzi vitana Yehovha loyi a faneriwaka hi ku dzunisiwa,

Naswona ndzi ta ponisiwa eka valala va mina.+

 4 Tintambhu ta rifu ti ndzi rhendzerile;+

Maboboma ya vanhu lava nga pfuniki nchumu a ma ndzi chavisa.+

 5 Tintambhu ta Sirha* ti ndzi rhendzerile;

Mintlhamu ya rifu a yi ndzi cinamisele meno.+

 6 Emaxangwini ya mina ndzi vitane Yehovha,

A ndzi tshikanga ku kombela mpfuno eka Xikwembu xa mina.

Xi twe rito ra mina xi ri etempeleni ya xona,+

Xi ndzi yingisile loko ndzi kombela ku pfuniwa.+

 7 Hiloko misava yi sungula ku tsekatseka ni ku ninginika;+

Masungulo ya tintshava ma ninginikile,

Ma tsekatsekile ma ya emahlweni ni le ndzhaku hikwalaho ka leswi xi hlundzukisiweke.+

 8 Tinhompfu ta xona a ti huma musi,

Enon’wini wa xona a ku huma ndzilo lowu lovisaka;+

A ku huma makala lama vuvumelaka eka xona.

 9 Xi ove matilo loko xi ri karhi xi rhelela,+

Mapapa* lama dzwihaleke a ma ri ehansi ka milenge ya xona.+

11 Hiloko xi tifunengeta hi munyama,+

Wu n’wi rhendzerile ku fana ni tende,

Mati ya ntima ni mapapa yo dzwihala.+

12 Rihati leri a ri ri emahlweni ka xona

A ri humesa xihangu ni makala lama vuvumelaka emapapeni.

13 Hiloko Yehovha a sungula ku dzindza etilweni;+

La Nge Henhlahenhla a huwelela hi rito lerikulu,+

Hi xihangu ni makala lama vuvumelaka.

14 A copa valala vakwe hi miseve a va hangalasa;+

A hoxa rihati rakwe kutani a va pfilunganya.+

15 Swinambyana* swi humela erivaleni;+

Masungulo ya tiko ma fununguleka hi ku tshinya ka wena, Yehovha Xikwembu xanga,

Hi ku hunga ka moya lowu humaka etinhompfini ta wena.+

16 U tshambulute voko rakwe a ri ehenhla;

A ndzi khoma a ndzi humesa exidziveni xa mati.+

17 U ndzi ponisile eka nala+ wa mina loyi a nga ni matimba,

Eka lava ndzi vengaka, lava a va ri ni matimba ku ndzi tlula.+

18 Va ndzi hlaserile loko ndzi ri ekhombyeni,+

Kambe Yehovha a a ndzi seketela.

19 U ndzi humesile a ndzi veka laha ku hlayisekeke;*

U ndzi ponisile hikuva a a ndzi rhandza.+

20 Yehovha u ndzi hakela hi ku ya hi mitirho ya mina yo lulama;+

U ndzi hakela hikwalaho ka leswi mavoko ya mina ma nga riki na nandzu.*+

21 Hikuva ndzi fambe etindleleni ta Yehovha,

Naswona a ndzi xi tshikanga Xikwembu xanga.

22 Swileriso swa xona hinkwaswo swi le mahlweni ka mina;

A ndzi nge yi tshiki milawu ya xona.

23 Ndzi ta tshama ndzi nga ri na nandzu eka xona,+

Ndzi ta fambela ekule ni xidyoho.+

24 Onge Yehovha a nga ndzi hakela hi ku ya hi mitirho ya mina leyinene,+

Hikuva mavoko ya mina a ma na nandzu emahlweni ka yena.+

25 Wa tshembeka eka loyi a tshembekaka;+

Loyi a nga riki na nandzu u n’wi komba musa;+

26 U lonene eka munhu lonene,+

Kambe loyi a kanganyisaka u n’wi komba vutlhari bya wena.+

27 Hikuva u ponisa lava xanisekaka*+

Kambe lava tikurisaka wa va tsongahata.+

28 Hikuva hi wena loyi a lumekaka rivoni ra mina, Yehovha Xikwembu xanga,

Xikwembu xanga lexi ndzi voningelaka emunyameni.+

29 Hi ku pfuniwa hi wena ndzi nga lwa ni vuthu ra vaphangi;+

Hi matimba ya Xikwembu ndzi nga khandziya khumbi.+

30 Ndlela ya Xikwembu xa ntiyiso yi hetisekile;+

Marito ya Yehovha ma tengile.+

32 Xikwembu xa ntiyiso hi xona xi ndzi nyikaka matimba,+

Naswona xi ta basisa ndlela ya mina.+

33 Xi endla milenge ya mina yi fana ni ya mhunti;

Xi ndzi endla ndzi yima etindhawini leti tlakukeke.+

34 Xi dyondzisa mavoko ya mina ku lwa nyimpi;

Mavoko ya mina ma nga gova vurha bya koporo.

35 U ndzi nyika xitlhangu xa wena xa ku ponisa,+

Voko ra wena ra xinene ra ndzi seketela,

Ku titsongahata ka wena ka ndzi tlakusa.+

36 U ndzi basisela ndlela;

Milenge ya mina a yi nge rheti.+

37 Ndzi ta hlongorisa valala va mina ndzi va hlula;

A ndzi nge tlheli va nga si hela.

38 Ndzi ta va dlaya ndzi va heta leswaku va nga ha pfuki;+

Ndzi ta va kandziyela.

39 U ta ndzi nyika matimba yo lwa nyimpi;

U ta endla leswaku valala va mina va wa ehansi ka mina.+

40 U ta endla leswaku valala va mina va baleka loko va ndzi vona,

Naswona ndzi ta herisa* lava ndzi vengaka.+

41 Va kombela ku pfuniwa, kambe a ku na loyi a va ponisaka;

Va huwelela na le ka Yehovha, kambe a nga va hlamuli.

42 Ndzi ta va kandza va fana ni ritshuri;

Ndzi ta va cukumeta ku fana ni ndzhope eswitarateni.

44 Va ta ndzi yingisa hikwalaho ka leswi va swi tweke ha mina;

Valuveri va ta ta eka mina va tilondlile.+

45 Valuveri va ta hela matimba;

Va ta huma laha va tumbeleke kona va ri karhi va rhurhumela.

47 Xikwembu xa ntiyiso hi xona xi ndzi rihiselelaka;+

Xi tsongahata vanhu ehansi ka mina.

48 Xa ndzi ponisa eka valala va mina lava hlundzukeke;

U ndzi tlakusela ehenhla ka lava ndzi hlaselaka;+

Wa ndzi ponisa eka munhu wa madzolonga.

49 Hi yona mhaka ndzi nga ta ku dzunisa exikarhi ka matiko, Yehovha Xikwembu xanga,+

Ndzi ta yimbelela ndzi dzunisa vito ra wena.+

50 U ponisa hosi yakwe hi ndlela leyi hlamarisaka;+

U rhandza muhlawuriwa wakwe,+

Eka Davhida ni vana* vakwe hilaha ku nga heriki.+

19 Matilo ma twarisa ku vangama ka Xikwembu;+

Xibakabaka xi huwelela ntirho wa mavoko ya xona.+

 2 Siku ni siku swa vulavula,

Ni vusiku byin’wana ni byin’wana swi kombisa vutivi.

 3 A swi vulavuli naswona a swi na marito;

Rito ra swona a ri twakali.

 4 Kambe mpfumawulo* wa swona wu twakale emisaveni hinkwayo,

Ni rungula ra swona ri fike hinkwako emisaveni.+

Xi dzimele dyambu tende ematilweni;

 5 Ri fana ni muteki loko a huma ekamareni rakwe;

Ri tsaka ku fana ni wanuna wa matimba la tsutsumaka emphikizanweni.

 6 Ri huma evugimamusi bya matilo,

Ri rhendzeleka ri ya fika evugimamusi byin’wana;+

A wu kona nchumu lowu nga tumbelaka ku hisa ka rona.

 8 Swileriso leswi humaka eka Yehovha swi lulamile, swi tsakisa mbilu;+

Nawu wa Yehovha wu basile, wu pfula matihlo.+

10 Swi naveleka ku tlula nsuku,

Ku tlula nsuku wa xiyimo xa le henhla,+

Naswona swi tsokombela ku tlula vulombe,+ vulombe lebyi thonaka eswihlengeni.

11 Swi lemukise nandza wa wena;+

Swa vuyerisa swinene ku swi yingisa.+

13 Sivela nandza wa wena a papalata swiendlo swa ku tikukumuxa;+

U nga swi pfumeleli swi ndzi lawula.+

Kutani a ndzi nge soleki,+

Naswona ndzi ta va ndzi basile eka swidyoho leswikulu.

14 Onge marito ya mina ni leswi nga embilwini ya mina

Swi nga ku tsakisa,+ Yehovha Xikwembu xanga, Ribye ra mina+ ni Mukutsuri wa mina.+

 2 Onge a nga rhumela mpfuno ku suka endhawini yo kwetsima+

A ku seketela ku suka eSiyoni.+

 3 Onge a nga tsundzuka magandzelo ya wena hinkwawo;

Onge a nga tsakela gandzelo ra wena ro hisiwa. (Selah)

 4 Onge a nga ku nyika leswi u swi navelaka+

Ni ku endla leswaku makungu ya wena hinkwawo ma humelela.

 5 Hi ta ba mikulungwana hikuva u hi ponisile;+

Hi ta yimisa mijeko hi vito ra Xikwembu xa hina.+

U n’wi hlamula a ri ematilweni yakwe yo kwetsima

U ponisa* hi voko rakwe ra xinene ra matimba.+

 7 Van’wana va tshemba makalichi kasi van’wana va tshemba tihanci,+

Kambe hina hi vitana vito ra Yehovha Xikwembu xa hina.+

 8 Va tshovekile va tlhela va wa,

Kambe hina hi pfukile hi kuma matimba.+

21 Yehovha Xikwembu xanga, hosi ya tsaka hi matimba ya wena;+

Yi khana swinene hi ndlela leyi u ponisaka ha yona!+

 2 U yi nyike leswi yi swi navelaka,+

A wu yi tsonanga leswi milomu ya yona yi swi kombelaka. (Selah)

 3 Hikuva u yi katekisa hi swilo leswinene ngopfu;

U veka harhi ya nsuku wa xiyimo xa le henhla enhlokweni ya yona.+

 4 Yi ku kombele vutomi kutani u yi nyikile,+

Vutomi byo leha, hilaha ku nga heriki.

 6 Wa yi katekisa hilaha ku nga heriki;+

U yi endla yi tsaka hi ku tsaka ka xikandza xa wena.+

 7 Hikuva hosi yi tshemba Yehovha;+

Hikwalaho ka leswi yi rhandziwaka hi La Nge Henhlahenhla, a yi nge pfuki yi tsekatsekisiwile.+

 8 Voko ra wena ri ta kuma valala va wena hinkwavo;

Voko ra wena ra xinene ri ta kuma lava ku vengaka.

10 U ta lovisa vatukulu va vona emisaveni,

Ni vana va vona exikarhi ka vanhu.

11 Hikuva va tiyimisele ku ku endlela swo biha;+

Va bohe makungu lama nga taka ma nga humeleli.+

12 Hikuva u ta endla leswaku va baleka+

Hi ku va kombetela hi vurha.

Hikwalaho ka yini u nga ti u ta ndzi ponisa,

U nga xi twi xirilo xa mina?+

 2 Xikwembu xanga, ndzi tshamela ku ku vitana ninhlikanhi, kambe a wu ndzi hlamuli;+

Ni nivusiku a ndzi miyeli.

 3 Kambe wa kwetsima,+

U rhendzeriwe hi swidzuniso swa Israyele.

 4 Vatata wa hina a va tshembe wena;+

A va ku tshemba naswona a wu tshamela ku va ponisa.+

 5 A va huwelela eka wena kutani u va ponisa;

A va tshembe wena naswona a wu va khomisanga tingana.+

 6 Kambe mina ndzi xivungu, a ndzi munhu,

Ndzi rhuketeriwa hi vanhu naswona va ndzi langutela ehansi.+

 7 Hinkwavo lava ndzi vonaka va ndzi hlekula;+

Va menyula* va tlhela va hlakahla ni tinhloko va ku:+

 9 Hi wena Loyi a ndzi humeseke ekhwirini,+

Loyi a endleke leswaku ndzi titwa ndzi hlayisekile emaveleni ya manana.

10 Ndzi hlayisiwe hi wena ku sukela loko ndzi velekiwile;

U ve Xikwembu xanga ku sukela loko ndzi ri ekhwirini ra manana.

11 U nga vi ekule na mina, hikuva khombo ri kwala kusuhi,+

Naswona a ndzi na mupfuni un’wana.+

12 Ndzi rhendzeriwe hi swinkuzana swo tala;+

Tinkuzi ta le Baxani leti nga ni matimba ti ndzi rhendzerile.+

13 Va ndzi ahlamisele milomu,+

Ku fana ni nghala leyi bongaka leyi phatlulelaka xiharhi.+

14 Ndzi chuluriwe ku fana ni mati;

Marhambu ya mina hinkwawo a ma ha hlangananga.

Mbilu ya mina yi fana ni mhula;*+

Yi n’okile endzeni ka mina.+

15 A ndza ha ri na matimba ndzi fana ni xibya xa vumba;+

Ririmi ra mina ri namarhele malaka ya mina;+

U ndzi yisa emugodini leswaku ndzi fa.+

16 Hikuva timbyana ti ndzi rhendzerile;+

Ti ndzi rhendzele ku fana ni vaendli va leswo biha,+

Va le milengeni ya mina ni le mavokweni ya mina ku fana ni nghala.+

18 Va avelana swiambalo swa mina,

Naswona va hoxa vuhlolotwana* leswaku va avelana swiambalo swa mina.+

20 Ndzi ponise ebangeni,

Ponisa vutomi bya mina eminwaleni* ya timbyana;+

21 Ndzi ponise enon’wini wa nghala+ ni le timhondzweni ta tinkuzi ta nhova;

Ndzi hlamule u ndzi ponisa.

22 Ndzi ta vula vito ra wena eka vamakwerhu;+

Ndzi ta ku dzunisa exikarhi ka nhlengeletano.+

24 Hikuva a nga n’wi langutelanga ehansi kumbe a bakanya la tshikileriwaka;+

Naswona a nga n’wi tumbetelanga xikandza xakwe.+

25 Ndzi ta ku dzunisa enhlengeletanweni leyikulu;+

Ndzi ta endla leswi ndzi swi tshembiseke emahlweni ka lava n’wi chavaka.

26 Lavo rhula va ta dya va xurha;+

Lava lavaka Yehovha va ta n’wi dzunisa.+

28 Hikuva vuhosi i bya Yehovha;+

U fuma matiko.

29 Hinkwavo lava fuweke va ta dya va tlhela va khinsama;

Hinkwavo lava yaka entshurini va ta khinsama emahlweni ka yena;

A nga kona eka vona loyi a nga tiponisaka.

30 Vatukulu va vona va ta n’wi tirhela;

Vana va vona lava nga ta sala va va kona va ta twa hi ta Yehovha.

 2 U ndzi wisisa emadyelweni lama nga ni byanyi byo tala;

U ndzi yisa etindhawini to wisela leti kumaka mati kahle.+

 4 Hambiloko ndzi famba enkoveni lowu nga ni munyama lowukulu,+

A ndzi chavi nchumu xo biha,+

Hikuva wena u na mina;+

Nhonga ya wena ni nxongotelo ya wena swa ndzi chavelela.

U tota nhloko ya mina hi mafurha;+

Ndzheko wa mina wu tele.+

 6 Kunene ndzi ta tiphina hi vunene ni rirhandzu ra wena vutomi bya mina hinkwabyo,+

Naswona ndzi ta tshama endlwini ya Yehovha vutomi bya mina hinkwabyo.+

24 Misava ni swilo hinkwaswo leswi nga eka yona i swa Yehovha,+

Tiko leri noneke ni lava tshamaka eka rona.

 2 Hikuva u yi veke yi tiya ehenhla ka malwandle+

U yi simeke yi tiya ehenhla ka milambu.

 3 I mani la nga tlhandlukelaka entshaveni ya Yehovha,+

I mani la nga yimaka endhawini yakwe yo kwetsima?

 4 I munhu un’wana ni un’wana la nga solekiki loyi a baseke mbilu,+

La nga tirhisiki vito ra mina ku endla xihlambanyo xa mavunwa,*

Kumbe ku endla xitshembiso lexi nga riki ntiyiso.+

 5 U ta kuma mikateko ya Yehovha+

Ni ku lulama ka Xikwembu xakwe lexi n’wi ponisaka.+

 6 Lava i vanhu lava n’wi lavaka,

Lava lavaka xikandza xa wena, wena Xikwembu xa Yakobo. (Selah)

 7 Ololoxani tinhloko, n’wina tigede;+

Pfulekani, n’wina tinyangwa ta khale,

Leswaku Hosi leyi vangamaka yi ta nghena!+

I Yehovha la nga ni ntamu ni matimba,+

I Yehovha la nga ni matimba enyimpini.+

 9 Ololoxani tinhloko, n’wina tigede;+

Pfulekani, n’wina tinyangwa ta khale,

Leswaku Hosi leyi vangamaka yi ta nghena!

 2 Xikwembu xanga, ndzi tshemba wena;+

U nga pfumeli ndzi khomisiwa tingana.+

 3 Kunene lava ku tshembaka a va nge khomisiwi tingana,+

Kambe lava xengaka van’wana handle ka xivangelo va ta khomisiwa tingana.+

 4 Yehovha Xikwembu xanga, ndzi tivise tindlela ta wena;+

Ndzi dyondzise tindlela ta wena.+

 5 Ndzi fambise endleleni ya wena ya ntiyiso, u ndzi dyondzisa,+

Hikuva u Xikwembu xa mina lexi ndzi ponisaka.

 6 Yehovha Xikwembu xanga, tsundzuka tintswalo ni rirhandzu ra wena,+

Leswi u swi kombiseke mikarhi hinkwayo.*+

Ndzi tsundzuke hikwalaho ka rirhandzu ra wena,+

Hikwalaho ka vunene bya wena, Yehovha Xikwembu xanga.+

 9 U ta kongomisa lavo rhula ku endla leswinene,+

U ta dyondzisa lavo rhula ndlela yakwe.+

10 Tindlela ta Yehovha hinkwato i rirhandzu ni ku tshembeka

Eka lava yingisaka ntwanano wakwe+ ni switsundzuxo swakwe.+

11 Yehovha Xikwembu xanga, ndzi rivalele xidyoho xa mina, hambileswi xi nga xikulu,

Hikwalaho ka vito ra wena.+

13 U ta tiphina hi leswinene,+

Naswona vatukulu vakwe va ta tshama emisaveni.+

14 Yehovha i munghana wa lava n’wi chavaka,+

Naswona u va dyondzisa ntwanano wakwe.+

15 Ndzi tshemba Yehovha mikarhi hinkwayo,+

Hikuva u ta tshunxa milenge ya mina eneteni.+

16 Ndzi langute u ndzi komba musa,

Hikuva ndzi ndzexe naswona a ku na la ndzi pfunaka.

17 Maxangu ya mina ma tele ngopfu;+

Ndzi tshunxe eku xanisekeni ka mina.

18 Vona ku xaniseka ka mina ni ku karhateka ka mina,+

Ndzi rivalele swidyoho swa mina hinkwaswo.+

19 Vona ndlela leyi valala va mina va nga tarisa xiswona,

Va ndzi venga lerova va lava ku ndzi vavisa.

21 Onge ku tshembeka ni ku lulama swi nga ndzi sirhelela,+

Hikuva ndzi tshembe wena.+

26 Ndzi avanyise, Yehovha Xikwembu xanga hikuva ndzi tshame ndzi tshembekile;+

A ndzi tshikanga ku tshemba Yehovha.+

 2 Yehovha Xikwembu xanga, ndzi kambisise u ndzi kambela;

Basisa mianakanyo* ya mina ni mbilu ya mina.+

 3 Hikuva ndzi tshamela ku anakanyisisa hi rirhandzu ra wena,

Naswona ndzi famba endleleni ya wena yo lulama.+

 4 A ndzi tshami ni vanhu lava kanganyisaka,+

Naswona ndzi papalata vanhu lava fihlaka leswi va nga swona.*

 5 Ndzi venga ku tshama ni vanhu vo biha,+

A ndzi hungasi ni vanhu vo homboloka.+

 6 Ndzi ta hlamba mavoko ndzi kombisa leswaku a ndzi na nandzu,

Ndzi ta rhendzeleka ealtarini ya wena ndzi ku gandzela, Yehovha Xikwembu xanga,

 7 Ndzi huwelela ndzi ku khensa,+

Ni ku vula mitirho ya wena hinkwayo yo hlamarisa.

 8 Yehovha, ndzi rhandza yindlu leyi u tshamaka eka yona,+

Ndhawu leyi nga ni ku vangama ka wena.+

 9 U nga ndzi lovisi ni vadyohi,+

Kumbe u herisa vutomi bya mina ni vanhu va madzolonga,*

10 Lava mavoko ya vona ma endlaka manyala,

Lava voko ra vona ra xinene ri rhandzaka ku xaviwa.

12 Nenge wa mina wu yime endhawini leyi sirhelelekeke;+

Ndzi ta dzunisa Yehovha enhlengeletanweni leyikulu.+

 2 Loko vanhu vo biha va ndzi hlasela leswaku va ta dya nyama ya mina,+

Valala va mina hi vona lava khudlunyekeke va wa.

 3 Hambiloko masocha mo dzima mixaxa leswaku ma lwa na mina,

A ndzi nge chavi.*+

Hambiloko valala vo lwa na mina,

Ni hi nkarhi wolowo ndzi ta va ni ntshembo.

 4 Ndzi kombele Yehovha nchumu wun’we

Ku nga lowu ndzi nga ta wu rindzela,

Leswaku ndzi tshama endlwini ya Yehovha vutomi bya mina hinkwabyo,+

Ndzi vona vunene bya Yehovha

Ni ku tlangela tempele yakwe.+

 5 Hikuva u ta ndzi tumbeta endhawini yakwe leyi sirhelelekeke hi siku ra khombo;+

U ta ndzi fihla endhawini leyi tumbeleke ya tende rakwe;+

U ta ndzi veka ehenhla ka ribye.+

 6 Sweswi ndzi hlula valala va mina lava ndzi rhendzelaka;

Ndzi ta endla magandzelo etendeni ra wena ndzi ri karhi ndzi ba nkulungwana;

Ndzi ta yimbelela ndzi dzunisa Yehovha.

 7 Yehovha Xikwembu xanga, ndzi yingise loko ndzi huwelela;+

Ndzi kombe tintswalo, u ndzi hlamula.+

U mupfuni wa mina;+

U nga ndzi rivali kumbe ku ndzi tshika, wena Xikwembu xa mina lexi ndzi ponisaka.

10 Hambiloko tatana na manana vo ndzi tshika,+

Yehovha u ta ndzi teka.+

11 Ndzi dyondzise ndlela ya wena, Yehovha Xikwembu xanga,+

Ndzi kongomise endleleni yo lulama hikwalaho ka valala va mina.

12 U nga ndzi nyiketi eka valala va mina,+

Hikuva timbhoni ta mavunwa ti jamelane na mina,+

Naswona ti ndzi xungeta hi leswo biha.

13 A ndzi ta va ndzi ri kwihi loko a ndzi nga ri na ripfumelo

Ra leswaku ndzi ta vona vunene bya Yehovha ndza ha hanya?*+

14 Tshemba Yehovha;+

Vana ni xivindzi u tiya.+

28 Yehovha Ribye ra mina,+ ndzi tshamela ku ku vitana;

U nga ndzi miyeleli.

Loko wo ndzi miyelela,

Ndzi ta fana ni lava yaka esirheni.+

 2 Yingisa xirilo xa mina loko ndzi kombela ku pfuniwa,

Loko ndzi ri karhi ndzi tlakusela mavoko ya mina eKamareni Ro Kwetsima Ngopfu ra tempele ya wena.+

 3 U nga ndzi avanyisi ni vanhu vo homboloka ni lava hanyaka hi swo biha,+

Lava vulavulaka marito ya ku rhula ni vanhu van’wana, kambe va bihe timbilu.+

 4 Va hakele hi ku ya hi mitirho ya vona,+

Hi ku ya hi swiendlo swa vona swo tihanyi.

Va hakele hi ku ya hi mitirho ya mavoko ya vona,

Hi ku ya hi leswi va swi endleke.+

 5 Hikuva a va swi tekeli enhlokweni swiendlo swa Yehovha,+

Hambi ku ri ntirho wa mavoko yakwe.+

 6 Onge Yehovha a nga dzunisiwa,

Hikuva u twe xirilo xa mina xo kombela mpfuno.

 7 Yehovha i matimba ya mina+ ni xitlhangu xa mina;+

Mbilu ya mina yi tshembe yena.+

U ndzi pfunile naswona mbilu ya mina ya tsaka,

Kutani ndzi ta n’wi dzunisa hi risimu ra mina.

 8 Yehovha i matimba ya vanhu vakwe;

I khokholo leri ponisaka muhlawuriwa wakwe.+

29 Xiximani Yehovha n’wina vana va tinhenha,

Xiximani Yehovha hikwalaho ka ku vangama ni matimba yakwe.+

 3 Rito ra Yehovha ri twala ehenhla ka mati;

Xikwembu lexi vangamaka xa dzindza.+

 4 Rito ra Yehovha ri ni matimba;+

Rito ra Yehovha ra vangama.

 5 Rito ra Yehovha ri tshova mikedari;

Ina, Yehovha u tshovelela mikedari ya Lebanoni.+

 6 U endla Lebanoni* a tlula ku fana ni xirhodyana,

Na Siriyoni+ ku fana ni xinkuzana xa nhova.

 7 Rito ra Yehovha ri humesa malangavi ya ndzilo;+

 8 Rito ra Yehovha ri tsekatsekisa mananga;+

Yehovha u endla mananga ya Kadexi+ ma tsekatseka.

 9 Rito ra Yehovha ri endla leswaku mhunti yi rhurhumela kutani yi sungula ku veleka,

Ri endla mirhi ya le nhoveni yi sala yi nga ri na matluka.+

10 Xiluvelo xa Yehovha xi le henhla ka mati yo tala;*+

Yehovha i Hosi hilaha ku nga heriki.+

30 Ndzi ta ku dzunisa Yehovha, hikuva u ndzi tlakusile;

A wu pfumelanga leswaku valala va mina va ndzi hleka.+

 4 Yimbelelani mi dzunisa Yehovha, n’wina lava tshembekaka eka yena,+

Khensani vito rakwe ro kwetsima;+

 5 Hikuva u mi hlundzukela swa nkarhinyana,+

Kambe u ta mi rhandza vutomi hinkwabyo.+

 8 Yehovha, a ndzi tshikanga ku ku vitana;+

Ndzi kombele Yehovha leswaku a ndzi komba musa.

11 U endle leswaku ndzi nga ha rili kambe ndzi khana;

U ndzi hluvule xiambalo* xo khwaxa, kutani u ndzi ambexa ntsako,

12 Leswaku ndzi nga miyeli, ndzi ku dzunisa hi tinsimu.

Vana ntshava leyi ndzi nga ta tumbela eka yona,

Ndhawu leyi sirhelelekeke leyi nga ta ndzi ponisa.+

 3 Hikuva u ribye ra mina ni khokholo ra mina;+

U ta ndzi rhangela u ndzi kongomisa+ hikwalaho ka vito ra wena.+

 4 U ta ndzi ponisa eneteni leyi va ndzi fihleleke yona,+

Hikuva u xisirhelelo xa mina.+

 6 Ndzi venga lava gandzelaka swifaniso leswi nga pfuniki nchumu,

Kambe loko ku ri mina, ndzi tshemba Yehovha.

 7 Ndzi ta tsaka swinene hikwalaho ka rirhandzu ra wena,

Hikuva u vone ku xaniseka ka mina;+

Wa ma tiva maxangu ya mina.

10 Vutomi bya mina byi hetiwa hi gome,+

Ni malembe ya mina ma hetiwa hi nhlomulo.+

Xidyoho xa mina xi ndzi heta matimba;

Marhambu ya mina ma tsanile.+

11 Valala va mina hinkwavo va ndzi hleka,+

Ngopfungopfu vaakelani va mina.

Vanghana va mina va ndzi chava;

Loko va ndzi vona va ndzi baleka.+

12 Va ndzi humesile etimbilwini* ta vona, va ndzi rivala onge hiloko ndzi file;

Ndzi fana ni khuwana leri fayekeke.

13 Ndzi twe mavarivari yo tala yo biha;

Ndzi rhendzeriwe hi ku chava.+

Loko va hlangana

Va boha makungu yo ndzi dlaya.+

Tingana a ti khome lavo homboloka;+

A va miyetiwe eSirheni.*+

18 Milomu leyi hembaka yi nga ha vulavuli,+

Milomu leyi titlakusaka ni ku delela, leyi lwaka ni lowo lulama.

19 Vunene bya wena byi tele swinene,+

U byi vekele lava ku chavaka,+

Naswona u byi kombe vanhu hinkwavo hikwalaho ka lava tumbelaka eka wena.+

20 U ta va fihla endhawini ya wena leyi tumbeleke+

Eka makungu ya vanhu;

U ta va tumbeta endhawini ya wena

Eka vanhu lava va lumbetaka.+

21 Yehovha a a dzunisiwe,

Hikuva u ndzi kombe rirhandzu ro hlamarisa+ loko ndzi ri emutini lowu rhendzeriweke.+

Yehovha u sirhelela lava tshembekaka,+

Kambe u va xupula ku vava lava tikurisaka.+

24 Vanani ni xivindzi, mi tiya timbilu,+

N’wina hinkwenu lava rindzeleke Yehovha.+

 2 Wa tsaka munhu loyi Yehovha a nga n’wi voniki nandzu,+

La nga riki na vukanganyisi.

 5 Ndzi hetelele ndzi ku phofulele xidyoho xa mina;

A ndzi xi fihlanga.+

 6 Hi yona mhaka un’wana ni un’wana wo tshembeka a nga ta khongela eka wena+

Loko wa ha kumeka.+

 7 U ndhawu ya mina yo tumbela eka yona;

U ta ndzi sirhelela emaxangwini.+

 9 U nga fani ni hanci kumbe meyila leswi nga twisisiki,+

Leswi faneleke swi lawuriwa hi tomu kumbe ntambhu

Leswaku swi ta tshinela eka wena.”

10 Lowo homboloka u ni switlhavi swo tala;

Kambe la tshembaka Yehovha wa n’wi sirhelela hikuva Wa n’wi rhandza.+

11 N’wina lava lulameke tsakani mi khana hikwalaho ka leswi Yehovha a swi endleke;

Banani mikulungwana n’wina lava nga ni timbilu letinene.

 2 Khensani Yehovha hi haripa;

N’wi yimbeleleleni mi n’wi dzunisa hi xitende xa tintambhu ta khume.

 3 N’wi yimbeleleleni risimu lerintshwa;+

Chayani switende hi ku tiyimisela mi ri karhi mi ba mikulungwana.

 4 Hikuva rito ra Yehovha ri lulamile,+

Naswona hinkwaswo leswi a swi endlaka u swi endla hi ku tshembeka.

 6 Yehovha u endle tilo hi rito rakwe,+

Naswona hinkwaswo leswi nga etilweni u swi endle hi moya wakwe.

 7 U hlengeleta mati ya lwandle onge hiloko ma ri edan’wini;+

U hlayisa mati lama hobomulanaka.

 9 Hikuva u vule kunene, ivi swi va kona;+

U lerisile kutani swi va tano.+

10 Yehovha u pfilunganye makungu ya matiko;+

U onhe tipulani* ta vanhu.+

11 Kambe switsundzuxo swa Yehovha swi ta va kona hilaha ku nga heriki;+

Miehleketo yakwe yi ta va kona hi masiku.

12 Ra tsaka tiko leri Xikwembu xa rona ku nga Yehovha,+

Vanhu lava a va hlawuleke leswaku va va ndzhaka yakwe.+

13 Yehovha u languta emisaveni a ri etilweni;

U vona vanhu hinkwavo.+

14 U languta lava tshamaka emisaveni

A ri laha a tshamaka kona.

15 Hi yena a nga endla timbilu ta vanhu hinkwavo;

U kambisisa mitirho ya vona hinkwayo.+

16 Hosi a yi poni hikwalaho ka masocha ya yona yo tala;+

Nhenha a yi ponisiwi hi matimba ya yona lamakulu.+

17 Hanci a yi nge n’wi ponisi munhu;+

Hambileswi yi nga ni matimba, sweswo a swi vuli swona leswaku u ta baleka.

18 Waswivo! Yehovha u languta lava n’wi chavaka,+

Lava rindzeleke leswaku a va komba rirhandzu rakwe,

19 Leswaku a ta va ponisa eka rifu,

A va sirhelela va hanya hi nkarhi wa ndlala.+

21 Ha tsaka hikwalaho ka yena,

Hikuva hi tshemba vito rakwe ro kwetsima.+

22 Yehovha, hi kombe rirhandzu ra wena,+

Loko ha ha ku rindzile.+

34 Ndzi ta dzunisa Yehovha mikarhi hinkwayo;

A ndzi nge tshiki ku n’wi dzunisa.

 2 Ndzi ta tibuma hi Yehovha;+

Lavo rhula va ta swi twa, kutani va tsaka.

 3 A hi byeleni van’wana hi Yehovha;+

A hi dzuniseni vito rakwe.

 5 Lava a va n’wi tshemba va tsakile;

A va khomiwi hi tingana.

 7 Ntsumi ya Yehovha yi dzima nxaxa hinkwako laha ku nga ni lava N’wi chavaka,+

Naswona ya va ponisa.+

 8 Nantswani mi vona leswaku Yehovha hi lonene;+

Wa tsaka munhu la tumbelaka eka yena.

 9 Chavani Yehovha, n’wina hinkwenu vakwetsimi vakwe,

Hikuva lava n’wi chavaka a va pfumali nchumu.+

10 Hambi ku ri swinghalana leswi nga ni matimba swi fa hi ndlala,

Kambe lava lavaka Yehovha a va nge pfumali nchumu lowunene.+

11 Tanani vana vanga, ndzi yingiseni;

Ndzi ta mi dyondzisa ku chava Yehovha.+

12 I mani exikarhi ka n’wina la tsakelaka vutomi,

Naswona a rhandzaka ku hanya nkarhi wo leha?+

13 Kutani lawula ririmi ra wena ri nga vulavuli swo biha,+

Ni nomu wa wena leswaku wu nga vulavuli mavunwa.+

14 Balekelani swo biha mi endla leswinene;+

Lavani ku rhula mi tlhela mi ku hlayisa.+

15 Matihlo ya Yehovha ma langute lavo lulama,+

Ni tindleve takwe ti yingisa xirilo xa vona xo kombela mpfuno.+

16 Kambe Yehovha u lwisana ni lava endlaka swo biha,

U ta endla leswaku va nga ha tsundzukiwi emisaveni.+

17 Va huwelerile naswona Yehovha u swi twile;+

U va ponisile emaxangwini ya vona hinkwawo.+

18 Yehovha u le kusuhi ni lava tshovekeke timbilu;+

U ponisa lava hetiweke matimba.+

19 Makhombo ya lowo lulama ma tele,+

Kambe Yehovha wa n’wi kutsula eka wona hinkwawo.+

20 U sirhelela marhambu yakwe hinkwawo;

A ku tshovekanga ni rin’we.+

21 Lowo homboloka u ta dlayiwa hi khombo;

Lava vengaka lowo lulama va ta voniwa nandzu.

22 Yehovha u ponisa vutomi bya malandza yakwe;

Lava tumbelaka eka yena a va nge voniwi nandzu.+

35 Yehovha Xikwembu xanga, ndzi lwele eka lava ndzi hehlaka;+

Lwana ni lava lwaka na mina.+

 2 Teka xitlhangu xa wena lexitsongo ni lexikulu,+

U ta ndzi lwela.+

 5 A va fane ni muhungu* lowu biwaka hi moya;

Ntsumi ya Yehovha a yi va hlongole va ya ekule.+

 6 Onge ndlela ya vona yi nga va ni munyama yi tlhela yi rheta

Loko ntsumi ya Yehovha yi va hlongorisa.

 7 Hikuva va ndzi rhiye hi nete ndzi nga va dyohelanga nchumu;

Va ndzi celele khele ndzi nga va dyohelanga nchumu.

 8 Onge va nga weriwa hi khombo va nga swi langutelanga;

Onge va nga phasiwa hi nete leyi va ndzi rhiyeke ha yona;

A va wele eka yona va fa.+

 9 Kambe ndzi ta tsaka hikwalaho ka Yehovha;

Ndzi ta tsaka hikuva u ndzi ponisile.

U ponisa la nga kotiki ku tilwela eka lava nga ni matimba,+

U ponisa xisiwana ni la nga kotiki ku tilwela eka lava va kanganyisaka.”+

11 Timbhoni ta mavunwa ta ta,+

Ti ndzi vutisa leswi ndzi nga tiviki nchumu ha swona.

12 Va ndzi tlherisela hi leswo biha loko ndzi va endlele leswinene,+

Va ndzi vangela nhlomulo.*

13 Kambe loko va vabya ndzi ambale xiambalo* xo khwaxa;

Ndzi tixanisile ndzi titsona swakudya,

Kambe loko xikhongelo xa mina xi nga hlamuriwi,

14 Ndzi fambafambe ndzi ri karhi ndzi rila onge hiloko ndzi rila munghana kumbe makwerhu;

Ndzi khinsamile hikwalaho ka gome, ku fana ni munhu la rilaka mana wakwe.

15 Kambe loko swi nga ndzi fambeli kahle, va tsakile kutani va hlengeletana;

Va hlengeletanile leswaku va ta ndzi hlasela ndzi nga swi rindzelanga;

Va ndzi phatlulele hi marito, a va miyelanga.

16 Vanhu lava nga chaviki Xikwembu va ndzi sandza,

Va luma ni matino loko va ndzi vona.+

Ndzi ponise eka minhlaselo ya vona,+

Vutomi bya mina bya risima eka swinghalana leswi.+

18 Kutani ndzi ta ku khensa enhlengeletanweni leyikulu;+

Ndzi ta ku dzunisa exikarhi ka vanhu vo tala.

19 U nga pfumeleli lava tiendlaka valala va mina va tsaka loko ndzi wa;

U nga pfumeleli lava ndzi vengaka ku nga ri na xivangelo+ va ndzi hlekula.+

20 Hikuva leswi va swi vulaka a swi tisi ku rhula,

Kambe va boha makungu yo lwa ni lavo rhula etikweni.+

21 Va ndzi ahlamisela milomu va ndzi lumbeta,

Va ku: “Aha! Aha! Hi tivonele hi ya hina.”

23 Pfuka u ta ndzi lwela,

Yehovha Xikwembu xanga, lwela mhaka ya mina.

24 Ndzi avanyise hi ku ya hi ku lulama ka wena,+ Yehovha Xikwembu xanga;

U nga va tshiki va tsaka loko ndzi wa.

26 Hinkwavo a va nyumisiwe va tlhela va khomisiwa tingana

Lava tsakaka loko ndzi weriwa hi khombo.

27 Kambe lava tsakisiwaka hi ku lulama ka mina a va be mikulungwana;

A va tshamele ku vula va ku:

28 Kutani ndzi ta anakanyisisa hi mitirho ya wena yo lulama+

Ndzi ku dzunisa siku hinkwaro.+

36 Mbilu ya lowo homboloka yi kongomisiwa hi leswo biha;

A nga xi chavi Xikwembu.+

 3 Marito yakwe ma tlhava naswona a ma na ntiyiso;

A nga na byona vutlhari byo endla leswinene.

U tiyimisele ku famba endleleni yo homboloka;

A nga swi papalati leswo biha.

 5 Yehovha, rirhandzu ra wena ri fika ni le tilweni,+

Ku tshembeka ka wena ku fika ni le mapapeni.

 6 Ku lulama ka wena ku fana ni tintshava letikulu;*+

Vuavanyisi bya wena byi fana ni mati ya xidziva xo enta.+

 8 Va nwa va kolwa eka leswo tala leswi nga endlwini ya wena,+

U va nwisa leswi nga enambyeni wa wena wa ntsako.+

 9 Hi wena xihlovo xa vutomi;+

Hi kota ku vona ku vonakala hikwalaho ka ku vonakala ka wena.+

10 Tshama u ri karhi u rhandza lava ku tivaka,+

Lava nga ni timbilu letinene u va komba ku lulama ka wena.+

11 U nga tshiki nenge wa vanhu va manyunyu wu ndzi kandziyela,

Kumbe voko ra lavo homboloka ri ndzi hlongola.

12 Kwalaho lava endlaka leswo biha va wele kona;

Va biwe va wa naswona a va ha swi koti ku pfuka.+

37 U nga karihi hikwalaho ka lava endlaka leswo homboloka

Kumbe u navela lava endlaka leswo biha.+

 3 Tshemba Yehovha u endla leswinene;+

Tshama emisaveni, u tshembeka.+

 4 Kuma ntsako lowukulu eka Yehovha,

Kutani u ta ku nyika leswi mbilu ya wena yi swi navelaka.

 5 Andlala ndlela ya wena eka Yehovha;+

Titshege hi yena, u ta ku pfuna.+

 6 U ta endla ku lulama ka wena ku vangama ku fana ni dyambu loko ri tlhava,

Kasi vululami bya wena byi ta fana ni dyambu ra nhlikanhi.

 7 Miyela u ku whii, emahlweni ka Yehovha+

N’wi rindzele u nga heli mbilu.

 8 U nga hlundzuki, tshika vukarhi;+

U nga karihi ivi u endla leswo biha.*

 9 Hikuva lava endlaka swo biha va ta herisiwa,+

Kambe lava tshembaka Yehovha va ta tshama emisaveni.+

10 Ku sele nkarhinyana leswaku lavo homboloka va herisiwa;+

U ta languta laha a va ri kona,

Kambe va ta va va nga ha ri kona.+

11 Kambe lavo rhula va ta tshama emisaveni,+

Va ta tsaka swinene hikuva ku ta va ni ku rhula lokukulu.+

12 Lowo homboloka u boha makungu yo lwa ni lowo lulama;+

U n’wi lumela ni matino loko a n’wi vona.

13 Kambe Yehovha u ta n’wi hleka,

Hikuva Wa swi tiva leswaku siku rakwe ri ta ta.+

14 Lavo homboloka va hlomule mabanga ya vona ni ku kunga mavurha ya vona,

Leswaku va herisa lava tshikileriwaka ni swisiwana,

Leswaku va dlaya lava lulameke.

15 Kambe matlhari ya vona ma ta tlhava timbilu ta vona;+

Mavurha ya vona ma ta tshoviwa.

16 Swa antswa leswitsongo swa lowo lulama

Ku tlula swo tala swa lavo homboloka.+

17 Hikuva mavoko ya lavo homboloka ma ta tshoviwa,

Kambe Yehovha u ta seketela lavo lulama.

18 Yehovha wa ma vona maxangu ya lavo lulama,

Naswona ndzhaka ya vona yi ta va kona hilaha ku nga heriki.+

19 A va nge khomiwi hi tingana hi nkarhi wa khombo;

Va ta xurha hi nkarhi wa ndlala.

20 Kambe lavo homboloka va ta herisiwa;+

Valala va Yehovha va ta nyamalala ku fana ni madyelo lamanene;

Va ta nyamalala ku fana ni musi.

21 Lowo homboloka wa lomba kambe a nga tlherisi,

Kambe lowo lulama u ni musa naswona wa hanana.+

22 Misava yi ta va ya lava A va katekisaka,

Kambe lava A va rhukanaka va ta herisiwa.+

23 Yehovha u kongomisa* magoza ya munhu+

Loyi swiendlo swakwe swi N’wi tsakisaka.+

24 Hambiloko o wa, a nge tshikiwi ehansi,+

Hikuva Yehovha u ta n’wi pfuxa hi voko rakwe.+

25 A ndzi ri jaha sweswi se ndzi dyuhele,

Kambe a ndzi si tshama ndzi vona munhu la lulameke a fularheriwa,+

Kumbe vana vakwe va lavana na xinkwa.*+

26 Nkarhi hinkwawo u lombisa handle ko lava ntswalo,+

Naswona vana vakwe va ta katekisiwa.

27 Tshika swo biha u endla leswinene,+

Kutani u ta tshama hilaha ku nga heriki.

28 Hikuva Yehovha u rhandza vululami,

A nge ma fularheli malandza yakwe yo tshembeka.+

Ma ta tshama ma sirheleriwile;+

Kambe vatukulu va lavo homboloka va ta herisiwa.+

29 Lavo lulama va ta tshama emisaveni,+

Va ta hanya eka yona hilaha ku nga heriki.+

30 Nomu wa lowo lulama wu vulavula marito ya vutlhari,

Ni ririmi rakwe ri vulavula leswi lulameke.+

31 Nawu wa Xikwembu xakwe wu le mbilwini yakwe;+

Milenge yakwe a yi nge dedeleki.+

32 Lowo homboloka u langute lowo lulama,

U lava ku n’wi dlaya.

33 Kambe Yehovha a nge n’wi tshiki lowo lulama a hluriwa hi lowo homboloka,+

Kumbe ku n’wi vona nandzu loko a avanyisiwa.+

34 Tshemba Yehovha u landzela ndlela yakwe,

U ta ku tlakusa leswaku u tshama emisaveni.

35 Ndzi vone wanuna wa tihanyi la xanisaka van’wana

A nava ku fana ni murhi lowukulu emisaveni ya wona.+

36 Kambe u hatle a fa a nga ha vi kona;+

Ndzi ye emahlweni ndzi n’wi lava kambe a nga kumekanga.+

37 Xiya la nga solekiki,*

Tshama u langute la lulameke,+

Hikuva munhu yoloye u ta va ni vumundzuku byo rhula.+

38 Kambe hinkwavo lava tlulaka nawu va ta lovisiwa;

Lavo homboloka a ve nge vi na vumundzuku.+

39 Yehovha u ponisa lava lulameke;+

I xisirhelelo xa vona hi nkarhi wa maxangu.+

U ta va kutsula eka lavo homboloka a va ponisa,

Hikuva va tumbela eka yena.+

38 Yehovha Xikwembu xanga, u nga ndzi tshinyi u hlundzukile,

Hambi ku ri ku ndzi lulamisa u karihile.+

 2 Hikuva miseve ya wena yi ndzi tlhave ku ya fika endzenindzeni ka mina,

Ni voko ra wena ra ndzi tshikilela.+

 4 Hikuva milandzu ya mina yi tele ngopfu;+

Yi ndzi tika ku fana ni ndzhwalo wo tika lowu ndzi tsandzekaka ku wu rhwala.

 6 Ndza tikeriwa naswona ndzi ni gome;

Ndzi fambafamba siku hinkwaro ndzi ri karhi ndzi rila.

 7 Ndza tshwa endzeni ka mina;

Miri wa mina hinkwawo wu ni switlhavi.+

 8 Ndzi hele matimba naswona a ndza ha koti nchumu;

Ndzi le ku konyeni, mbilu ya mina yi karhatekile swinene.

 9 Yehovha Xikwembu xanga, wa swi tiva hinkwaswo leswi ndzi swi navelaka,

Naswona wa ndzi twa loko ndzi konya.

10 Mbilu ya mina yi bela ehenhla, ndzi hele matimba,

A ndza ha voni kahle.+

11 Vanghana va mina a va ha ri na mhaka na mina hikwalaho ka vuvabyi bya mina,

Lava ndzi tivaka va fambela ekule na mina.

12 Lava lavaka ku ndzi dlaya va ndzi rhiyile;

Lava lavaka ku ndzi vavisa va vulavula ku biha hi mina;+

Va tshamela ku endla maqhinga siku hinkwaro.

13 Kambe a ndzi nge va yingisi ku fana ni munhu la feke tindleve;+

A ndzi nge wu pfuli nomu wa mina ku fana ni la nga vulavuriki.+

14 Ndzi fana ni munhu loyi a nga twiki

Loyi a nga kotiki ku tivulavulela.

15 Hikuva ndzi rindzele wena Yehovha,+

U ndzi hlamurile Yehovha Xikwembu xanga.+

16 Hikuva ndzi te: “Va nga tibumi ha mina

Kumbe va tsaka loko nenge wa mina wu rheta.”

17 Hikuva a ndzi ri kusuhi ni ku wa,

Naswona a ndzi tshamela ku twa ku vava.+

18 Ndzi boxe nandzu wa mina;+

Xidyoho xa mina a xi ndzi karhata.+

19 Kambe valala va mina va ni matimba,*

Lava ndzi vengaka handle ka xivangelo va tele.

20 Loko ndzi va endlela leswinene va ndzi tlherisele hi leswo biha;

A va ndzi alela ku endla leswinene.

22 Hatlisa u ta ndzi pfuna,

Yehovha muponisi wanga.+

39 Ndzi te: “Ndzi ta va ni vuxiyaxiya

Leswaku ndzi nga dyohi hi ririmi ra mina.+

Ndzi ta veka tomu enon’wini wa mina+

Loko lowo homboloka a ha ri ekusuhi na mina.”

 2 Ndzi miyele ndzi ku whii;+

Ndzi miyerile hambiloko ku ri ni leswinene,

Kambe switlhavi swa mina swi nyanyile.

 4 “Yehovha Xikwembu xanga, ndzi pfune ndzi tiva leswaku ndzi ta helela kwihi,

Ndzi tiva ni masiku ya mina,+

Leswaku ndzi ta tiva ku leha ka vutomi bya mina.

 5 Kunene, u endle masiku ya mina ma va matsongo;+

Masiku ya vutomi bya mina a hi nchumu eka wena.+

 9 Ndzi miyerile;

A ndzi nga ta wu pfula nomu,+

Hikuva hi wena u endleke leswi.+

11 La nga ni xihoxo u n’wi tshinya hi ku n’wi xupula;+

U herisa swilo leswi a swi rhandzaka onge hiloko swi dyiwe hi nsumba.

12 Yehovha Xikwembu xanga, yingisa xikhongelo xa mina,

Ndzi yingise loko ndzi kombela ku pfuniwa.+

Hikuva ndzi fana ni muluveri eka wena,+

Ndzi fana ni munhu la hundzaka hi ndlela, hilaha vakokwa wa mina hinkwavo a va ri hakona.+

13 U nga ndzi languti hi tihlo ro biha leswaku ndzi ta tsaka

Ndzi nga si fa kutani ndzi nga ha vi kona.”

40 Ndzi tshemba* Yehovha hi mbilu hinkwayo,

U rhiya ndleve a twa xirilo xa mina xo kombela ku pfuniwa.+

 2 U ndzi humese emugodini lowu nga ni mati lama hobomulanaka,

U ndzi humese endzhopeni.

A ndzi yimisa ehenhla ka ribye;

Leswaku ndzi nga wi.

 3 Hiloko a ndzi dyondzisa risimu lerintshwa,+

A ku dzunisiwe Xikwembu xa hina.

Vo tala va ta languta ivi va hlamala

Va ta tshemba Yehovha.

 4 Wa tsaka munhu la tshembaka Yehovha

La nga tshembiki vanhu lava nga xiximiki kumbe lava nga ni mavunwa.

 5 Yehovha Xikwembu xanga

U endle swilo swo tala ngopfu,

Mitirho ya wena ya hlamarisa ni miehleketo ya wena mayelana na hina.+

A nga kona la nga ringanisiwaka na wena;+

Loko ndzo lava ku vulavula hi mitirho ya wena,

Yi tele ngopfu lerova a ndzi nge swi koti ku yi rungula!+

 6 A wu tsakisiwanga hi magandzelo ni tinyiko+

Kambe u pfule tindleve ta mina leswaku ti twa.+

 8 Ndzi tsakisiwa hi ku endla ku rhandza ka wena Xikwembu xanga,+

Nawu wa wena wu le ndzeni ka mbilu ya mina.+

Vona! A ndzi miyelanga,+

Yehovha Xikwembu xanga, u swi tiva kahle.

Swidyoho swa mina swo tala swa ndzi hlangahlanganisa lerova a ndza ha yi voni ni ndlela;+

Swi tele ku tlula ni misisi ya nhloko ya mina,

Naswona ndzi hele matimba.

14 Onge hinkwavo lava lavaka ku ndzi dlaya

Va nga khomisiwa tingana va nyuma.

Onge lava tsakaka loko ndzi weriwa hi khombo

Va nga baleka va korhamise tinhloko hi tingana.

16 Kambe lava va ku lavaka+

A va khane, va tsaka ha wena.+

17 Kambe a ndzi na mupfuni naswona ndzi xisiwana;

Onge Yehovha a nga ndzi yingisa.

U mupfuni wa mina ni muponisi wa mina;+

U nga hlweli Xikwembu xanga.+

41 Wa tsaka loyi a ehleketelelaka xisiwana;+

Yehovha u ta n’wi ponisa hi siku ra khombo.

U ta vuriwa la tsakeke emisaveni;+

A wu nge n’wi nyiketi eka valala vakwe.+

 3 Yehovha u ta n’wi seketela loko a vabya;+

U ta n’wi hlayisa loko a vabya.

U fika a lava swo biha swo swi vula hi mina;

Kutani a famba a ya swi hangalasa.

 7 Hinkwavo lava ndzi vengaka va ndzi hleva;

Va ndzi bohela makungu yo biha, va ri:

 8 “U weriwe hi nchumu wo chavisa;

Leswi a nga wa, a nge he pfuki.”+

 9 Hambi munhu loyi a hi nga holovi, loyi a ndzi n’wi tshemba,+

Loyi a a dya xinkwa xa mina u hundzuke nala wa mina.+

10 Kambe Yehovha Xikwembu xanga, ndzi kombe tintswalo, u ndzi pfuxa,

Leswaku ndzi ta rihisela.

12 Loko ku ri mina, wa ndzi seketela hikuva ndzi tshembekile;+

U ta ndzi veka emahlweni ka wena hilaha ku nga heriki.+

13 A ku dzunisiwe Yehovha Xikwembu xa Israyele

Hilaha ku nga heriki.+

42 Ku fana ni mhunti leyi navelaka mati ya swinambyana,

Na mina ndza ku navela wena Xikwembu.

 3 Mihloti ya mina i swakudya swa mina vusiku ni nhlikanhi;

Siku hinkwaro vanhu va ndzi tlhontlha va ku: “Xi kwihi Xikwembu xa wena?”+

 4 Swilo leswi ndza swi tsundzuka naswona mbilu ya mina ya vava

Hikuva ndzi tshame ndzi famba ni ntshungu;

A ndzi tala ku famba katsongo emahlweni ka wona ndzi ya endlwini ya Xikwembu,

Hi ri karhi hi yimbelela tinsimu ta ku khensa,

Ta ntshungu lowu tlangelaka nkhuvo.+

Rindzela Xikwembu,+

Hikuva ndza ha ta xi dzunisa hileswi xi nga Muponisi wa mina Lonkulu.+

Hi yona mhaka ndzi ku tsundzukaka,+

Ndzi ri etikweni ra Yordani ni le henhla ka tintshava ta Herimoni,

Ndzi ri eNtshaveni ya Mizara.*

 7 Xidziva xa mati xi vitana xidziva xa mati

Hi mpfumawulo wa mati ya wena ya le riweni.

 8 Yehovha u ta ndzi komba rirhandzu rakwe ninhlikanhi,

Nivusiku risimu rakwe ri ta va na mina, xikhongelo lexi yaka eka Xikwembu xa vutomi bya mina.+

10 Valala va mina va ndzi tlhontlha hi tihanyi;*

Siku hinkwaro va ndzi tlhontlha va ku: “Xi kwihi Xikwembu xa wena?”+

Rindzela Xikwembu,+

Hikuva ndza ha ta xi dzunisa hileswi xi nga Muponisi wa mina Lonkulu ni Xikwembu xa mina.+

43 Ndzi avanyise, Xikwembu xanga,+

Lwela mhaka ya mina+ ehubyeni etikweni leri nga tshembekiki.

Onge swi nga ndzi rhangela;+

Onge swi nga ndzi kongomisa entshaveni ya wena yo kwetsima ni le tabernakeleni ya wena leyikulu.+

 4 Kutani ndzi ta ya ealtarini ya Xikwembu,+

Eka Xikwembu, ntsako wa mina lowukulu.

Rindzela Xikwembu,+

Hikuva ndza ha ta xi dzunisa leswi xi nga Muponisi wa mina Lonkulu ni Xikwembu xa mina.+

44 Hi swi twile hi tindleve ta hina wena Xikwembu,

Vakokwa wa hina va hi rungulerile,+

Mitirho leyi u yi endleke hi mikarhi ya vona,

Khale ka khaleni.

 2 U hlongole matiko hi voko ra wena,+

U teka tiko u ri nyika vakokwa wa hina.+

 3 A va tekanga tiko hikwalaho ka banga ra vona,+

A va hlulanga hikwalaho ka voko ra vona.+

Kambe va kote ku hlula hikwalaho ka voko ra wena ra xinene ni xandla xa wena,+ ni hikwalaho ka tintswalo ta wena,*

Hikuva u va rhandzile.+

 4 U Hosi yanga, wena Xikwembu;+

Pfuna Yakobo leswaku a hlula.

 5 Hi ta hlongola valala va hina hi matimba ya wena;+

Hi ta kandziyela lava hi pfukelaka hi vito ra wena.+

 6 Hikuva a ndzi tshembelanga eka vurha bya mina,

Ni banga ra mina a ri nge ndzi ponisi.+

 7 Hi wena u hi poniseke eka valala va hina,+

Hi wena u nyumiseke lava hi vengaka.

 8 Hi ta dzunisa Xikwembu siku hinkwaro,

Naswona hi ta khensa vito ra wena hilaha ku nga heriki. (Selah)

 9 Kambe sweswi u hi cukumetile u tlhela u hi khomisa tingana,

A wa ha humi ni masocha ya hina.

10 U tshamela ku endla leswaku hi baleka valala va hina;+

Lava va hi vengaka va hi tekela swilo swa hina.

11 U hi nyiketile leswaku hi dyiwa ku fana ni tinyimpfu;

U hi hangalasile exikarhi ka matiko.+

12 Vanhu va wena u va xavise hi nxavo wa le hansi swinene;+

A wu vuyeriwanga hi nchumu loko u va xavisa.

13 U endle leswaku vaakelani va hina va hi rhukana,

Lava tshamaka ekusuhi na hina va hi hlekula va tlhela va hi sandza.

14 U hi endle xihlekiso exikarhi ka matiko,+

Nchumu lowu vanhu va wu hlakahlelaka tinhloko.

15 Ndzi titwa ndzi susiwe xindzhuti siku hinkwaro,

Naswona ndzi funengetiwe hi tingana,

16 Hikwalaho ka huwa ya ku hlekula ka vona ni nhlambha ya vona,

Hi mhaka ya nala wa hina loyi a nga eku rihiseleni.

17 Hi weriwe hi swilo leswi hinkwaswo, kambe a hi ku rivalanga,

Naswona a hi wu tlulanga ntwanano wa wena.+

18 Timbilu ta hina a ti hambukanga;

Mikondzo ya hina a yi humanga endleleni ya wena.

19 Kambe u hi pfotlosile endhawini leyi ku tshamaka timhungubye;

U hi funengete hi ndzhuti lowukulu.

20 Loko hi rivale vito ra Xikwembu xa hina,

Kumbe hi yimise mavoko hi khongela xikwembu xin’wana,

21 Xana Xikwembu a xi nge swi voni?

22 Ha dlayiwa siku hinkwaro hikwalaho ka wena;

Hi fana ni tinyimpfu leti yaka eku tlhaviweni.+

25 Hikuva hi wisiwe ehansi;

Hi jeketeriwe ehansi.+

 3 Khama banga ra wena,+ wena la nga ni matimba,+

Hi xindzhuti xa wena ni ku vangama ka wena.+

 4 Famba u ya hlula eku vangameni ka wena;+

Gada hanci ya wena u ya lwela ntiyiso ni lava titsongahataka ni ku lulama,+

Naswona voko ra wena ra xinene ri ta endla* swilo swo hlamarisa.

 5 Miseve ya wena yi tontswile, yi wisa vanhu emahlweni ka wena;+

Yi tlhava timbilu ta valala va hosi.+

 6 Xikwembu i xiluvelo xa wena hilaha ku nga heriki;+

Nhonga ya vuhosi ya mfumo wa wena i nhonga ya vuhosi ya vululami.+

 8 Swiambalo swa wena hinkwaswo swi nun’hwela mira, mhangani ni khasiya;

U hungasiwa hi switende loko u ri endlwini ya vuhosi leyi sasekisiweke hi timhondzo ta tindlopfu.

10 Yingisa, wena nhwanyana, rhiya ndleve u yingiserisisa;

Rivala varikwenu ni ndyangu wa tata wa wena.

11 Kutani hosi yi ta navela ku saseka ka wena,

Hikuva i hosi ya wena,

Hikwalaho yi khinsamele.

12 Nhwanyana wa le Tiri u ta ta ni nyiko;

Vavanuna lava fuweke ngopfu va ta lava ku kombiwa tintswalo hi wena.

13 Endzeni ka yindlu ya hosi ku ni nhwanyana wo saseka swinene;

Swiambalo swakwe swi khavisiwe hi nsuku.

15 Va ta hlanganisiwa hi mikulungwana ni swivuvutana;

Va ta nghena endlwini ya hosi.

46 Xikwembu i vutumbelo ni matimba ya hina,+

Mpfuno lowu kumekaka hi ku hatlisa hi nkarhi wa maxangu.+

 2 Hi yona mhaka leyi hi nga ta ka hi nga chavi hambiloko misava yi cinca,

Hambiloko tintshava ti wela exikarhi ka lwandle,+

 3 Hambiloko mati ya rona ma hobomulana, ma tlhutlha ni khuvi,+

Hambiloko tintshava ti tsekatseka hikwalaho ka ku kariha ka rona. (Selah)

 4 Ku ni nambu lowu swinambyana swa wona swi tsakisaka muti wa Xikwembu,+

Tabernakela leyikulu yo kwetsima ya La Nge Henhlahenhla.

 6 Matiko a ma pfilunganyekile, mifumo a yi hluriwile;

Xi huwelerile ivi misava yi n’oka.+

7 Yehovha wa mavuthu u na hina;+

Xikwembu xa Yakobo i vutumbelo bya hina lebyi sirhelelekeke. (Selah)

 8 Tanani mi ta vona mitirho ya Yehovha,

Ndlela leyi a endleke swilo swo hlamarisa ha yona emisaveni.

U tshova vurha a tshovelela ni tlhari;

U hisa makalichi* ya nyimpi hi ndzilo.

Ndzi ta tlakusiwa exikarhi ka matiko;+

Ndzi ta tlakusiwa emisaveni.”+

11 Yehovha wa mavuthu u na hina;+

Xikwembu xa Yakobo i vutumbelo lebyi sirhelelekeke bya hina.+ (Selah)

 2 Hikuva Yehovha La Nge Henhlahenhla, i Xikwembu lexi hlamarisaka;+

I Hosi leyikulu emisaveni hinkwayo.+

 3 U veka vanhu ehansi ka hina;

U veka matiko ehansi ka milenge ya hina.+

 4 U hi hlawulela ndzhaka,+

Ndzalama ya Yakobo, loyi a n’wi rhandzaka leyi a tinyungubyisaka ha yona.+ (Selah)

 5 Xikwembu xi tlhandlukile xi ri karhi xi dzunisiwa;

Yehovha u tlhandlukile ku ri karhi ku biwa nanga.

 7 Hikuva Xikwembu i Hosi ya misava hinkwayo;+

Yimbelelani mi xi dzunisa, endlani hi vutlhari.

 9 Varhangeri va vanhu va hlengeletanile

Ni vanhu va Xikwembu xa Abrahama.

48 Yehovha i nkulu naswona u faneriwa swinene hi ku dzunisiwa

Emutini wa Xikwembu xa hina, entshaveni ya xona yo kwetsima.

 2 Ntshava ya Siyoni leyi nga en’walungwini,

Yi tlakuke yi tlhela yi saseka naswona yi tsakisa misava hinkwayo,+

Muti wa Hosi Leyikulu.+

 3 Xikwembu xi endle swi tiviwa leswaku hi xona vutumbelo lebyi sirhelelekeke,+

Endzeni ka swihondzo swa wona leswi hlayisekeke.

 4 Hikuva waswivo, tihosi ti hlengeletanile;

Ti hundze swin’we.

 6 Ti sungule ku rhurhumela kwalaho,

Ti khomiwa hi switlhavi swo fana ni swa wansati loko a veleka.

 8 Leswi hi swi tweke, se hi swi vone hi matihlo

Emutini wa Yehovha wa mavuthu, emutini wa Xikwembu xa hina.

 9 Hi anakanyisisa hi rirhandzu ra wena, Xikwembu xa hina,+

Loko hi ri etempeleni ya wena.

10 Ku fana ni vito ra wena, Xikwembu xanga, ku dzuneka ka wena

Ku fika emakun’wini ya misava.+

11 Onge Ntshava ya Siyoni+ yi nga tsaka,

Onge swimitana* swa Yuda swi nga tsaka hikwalaho ka vuavanyisi bya wena.+

12 Rhendzelekani hi muti wa Siyoni;

Hlayelani swihondzo swa wona.+

Kambelani swihondzo swa wona,

Leswaku mi ta rungulela vanhu lava nga ta tswariwa.

Rhiyani ndleve, n’wina hinkwenu lava tshamaka emisaveni,

 2 N’wina vanhu va swiyimo swo hambanahambana,

Swifumi ni swisiwana.

 3 Nomu wa mina wu ta vulavula swilo swa vutlhari,

Ni leswi ndzi nga ta anakanyisisa+ ha swona swi ta kombisa ku twisisa.

 4 Ndzi ta yingiserisisa xivuriso;

Ndzi ta hlamusela ntshayito wa mina ndzi ri karhi ndzi tlanga haripa.

 5 Hikwalaho ka yini ndzi fanele ndzi chava hi nkarhi wa maxangu,+

Loko ndzi rhendzeriwe hi vubihi bya lava lavaka ku ndzi menula?

 6 Lava tshembaka xuma xa vona+

Ni lava tibumaka hi rifuwo ra vona ro tala,+

 7 A nga kona eka vona la nga ponisaka makwavo

Kumbe ku nyika Xikwembu nkutsulo wo ponisa makwavo,+

 8 (Nkutsulo wa vutomi bya vona wu durha ngopfu

Lerova a va nge pfuki va swi kotile ku wu hakela);

 9 Leswaku a hanya hilaha ku nga heriki a nga voni sirha.+

10 Wa swi vona leswaku ni tintlhari ta fa;

Xiphukuphuku ni xihunguki na swona swa lova,+

Ni leswaku va boheka ku siyela van’wana rifuwo ra vona.+

11 Va navela onge tiyindlu ta vona ti nga tshama hilaha ku nga heriki,

Matende ya vona na wona ma nga tshama hilaha ku nga heriki.

12 Kambe hambiloko munhu a xiximiwa, a nge hanyi hilaha ku nga heriki;+

A nga swi tluli swiharhi leswi faka.+

13 Leyi i ndlela ya swiphukuphuku+

Ni ya lava va swi landzelaka, lava tsakisiwaka hi marito ya swona lama nga pfuniki nchumu. (Selah)

Rifu ri ta va risa;

Lavo lulama va ta va fuma+ nimixo.

A va nge he kumeki;+

Kaya ra vona ku ta va Sirha*+ ematshan’weni ya yindlu ya vuhosi.+

15 Kambe Xikwembu xi ta ndzi ponisa ematimbeni ya Sirha,*+

Hikuva xi ta ndzi koka xi ndzi humesa. (Selah)

16 U nga chavisiwi hi munhu loko a ganya,

Loko rifuwo ra yindlu yakwe ri ya ri tala,

17 Hikuva loko a fa wa swi siya;+

Rifuwo rakwe a ri nge fambi na yena esirheni.+

20 Munhu la nga swi twisisiki leswi, hambiloko a xiximiwa,+

A nga swi tluli swiharhi leswi faka.

50 Yehovha+ Xikwembu lexi tlakukeke ku tlula swikwembu hinkwaswo, u vulavurile;

U vitana misava

Ku sukela evuxeni ku ya evupeladyambu.

Emahlweni ka xona ku ni ndzilo lowu pfurhaka swinene,+

Naswona xi rhendzeriwe hi xidzedze lexikulu.+

 4 Xi vitana matilo ni misava,+

Leswaku xi ta avanyisa vanhu va xona:+

 5 “Hlengeletani vanhu va mina vo tshembeka,

Lava endlaka ntwanano na mina hi gandzelo.”+

 6 Matilo ma huwelela ku lulama ka xona,

Hikuva Xikwembu hi xoxe i Muavanyisi.+ (Selah)

 7 “Yingisani loko ndzi vulavula, n’wina vanhu va mina;

Wena Israyele, ndzi ta kanetana na wena.+

 8 A ndzi ku tshinyi hikwalaho ka magandzelo ya wena,

Kumbe hikwalaho ka magandzelo ya wena yo hisiwa lawa u tshamelaka ku ndzi endlela wona.+

 9 A ndzi nge teki nkuzi endlwini ya wena,

Kumbe timbuti* ematshangeni ya wena.+

10 Hikuva swiharhi hinkwaswo leswi nga ekhwatini i swa mina,+

Ni swiharhi leswi nga etintshaveni ta 1 000.

11 Ndzi swi tiva hinkwaswo swinyenyana swa tintshava;+

Ni swiharhi swa ntsandzavahlayi leswi nga enhoveni i swa mina.

12 Loko a ndzi khomiwe hi ndlala, a ndzi nga ta ku byela,

Hikuva tiko ni hinkwaswo leswi nga eka rona i swa mina.+

13 Xana ndzi nga dya nyama ya tinkuzi,

Ni ku nwa ngati ya timbuti?+

14 Humesela Xikwembu gandzelo hi ku xi khensa,+

Endla leswi u swi tshembiseke La Nge Henhlahenhla;+

15 Ndzi vitane loko u ri emaxangwini.+

“Xana u ni mfanelo yo vulavula hi milawu ya mina,+

Kumbe ku vulavula hi ntwanano wa mina?+

17 Hikuva u venga ku tshinyiwa,*

Naswona a wu swi yingisi leswi ndzi ku byelaka swona.+

18 Loko u vona khamba, u tsaka na rona,*+

Naswona u munghana wa vaoswi.

19 Nomu wa wena wu hangalasa leswo biha,

Ni ririmi ra wena ri tele vuxisi.+

20 U tshamela ku vulavula ku biha hi makwenu;+

U paluxa swihoxo swa n’wana wa mana wa wena.

21 Ndzi miyerile loko u endla swilo leswi,

Hikwalaho a wu anakanya leswaku ndzi ta fana na wena.

Kambe sweswi ndzi ta ku tshinya,

Ndzi ta ku komba swihoxo swa wena.+

22 Ndzi kombela mi anakanyisisa hi mhaka leyi, n’wina lava rivalaka Xikwembu,+

Leswaku ndzi nga mi handzuleli ku nga ri na loyi a nga ta mi lamulela.

23 Loyi a ndzi endlelaka gandzelo hi ku ndzi khensa wa ndzi dzunisa,+

Kasi loyi a landzelaka ndlela leyinene,

Ndzi ta endla leswaku Xikwembu xi n’wi ponisa.”+

 2 Ndzi hlantswe swinene exihoxweni xa mina,+

Naswona ndzi basise eka xidyoho xa mina.+

 3 Hikuva ndzi yi tiva kahle milandzu ya mina,

Naswona ndzi tshamela ku tsundzuka xidyoho xa mina.+

 4 Ndzi dyohele wena eka vanhu hinkwavo;+

Ematihlweni ya wena ndzi endle swo biha.+

Hikwalaho, u lulamile loko u vulavula

Naswona u avanyisa hi ndlela leyi lulameke.+

 5 Ndzi velekiwe ndzi ri ni xihoxo,

Naswona manana u ndzi tikile exidyohweni.+

 6 U tsakisiwa hi mbilu leyi nga ni ntiyiso;+

Ndzi dyondzise ku va ni mbilu leyi nga ni vutlhari.

 7 Hlantswa xidyoho xa mina hi hisopa leswaku ndzi ta basa;+

Ndzi hlantswe leswaku ndzi ta basa ku tlula ni gamboko.+

 8 Ndzi endle ndzi twa mikulungwana ni swivuvutana,

Leswaku marhambu lawa u ma pfotloseke ma ta tsaka.+

 9 Languta ekule* leswaku u nga swi voni swidyoho swa mina,+

Sula swihoxo swa mina hinkwaswo.+

10 Vumba mbilu yo tenga endzeni ka mina, Xikwembu xanga,+

Naswona u nghenisa moya lowuntshwa+ lowu tiyeke endzeni ka mina.

11 U nga ndzi cukumeti ekule na wena;

U nga susi moya wa wena wo kwetsima eka mina.

12 Ndzi vuyisele ntsako lowu a ndzi ri na wona loko u ndzi ponisa;+

Endla leswaku ndzi ku yingisa hi ku swi rhandza.

13 Ndzi ta dyondzisa lava tlulaka nawu tindlela ta wena,+

Leswaku vadyohi va ta tlhelela eka wena.

14 Ndzi ponise eka nandzu wa ngati,+ Xikwembu xanga, Xikwembu lexi ndzi ponisaka,+

Leswaku ndzi ta vula ku lulama ka wena hi ntsako.+

15 Yehovha Xikwembu xanga, pfula nomu wa mina,

Leswaku ndzi ta ku dzunisa.+

16 Hikuva a wu ri lavi gandzelo, loko a swi nga ri tano a ndzi ta ku endlela rona;+

A wu tsakisiwi hi gandzelo ro hisiwa leri heleleke.+

17 Magandzelo lawa Xikwembu xi ma amukelaka i moya lowu vavisekeke;

A wu nge yi fularheli*+ mbilu leyi tshovekeke yi tlhela yi pfotloseka Xikwembu xanga.

18 Endlela Siyoni swilo leswinene;

Akela Yerusalema makhumbi.

19 Kutani u ta tsakisiwa hi magandzelo yo lulama,

Magandzelo yo hisiwa ni magandzelo lama nyikeriwaka ma helerile;

Hi kona tinkuzi ti nga ta nyikeriwa ealtarini ya wena.+

 2 Ririmi ra wena, leri karihaka ku fana ni xikaringana,*+

Ri boha makungu yo biha naswona ra kanganyisa.+

 3 U rhandza swo biha ku tlula leswinene,

Mavunwa ku tlula ku vulavula ntiyiso. (Selah)

 4 U rhandza marito lama onhaka,

Wena ririmi leri nga ni vuxisi.

 5 Hi yona mhaka leyi Xikwembu xi nga ta ku wisela makumu;+

Xi ta ku vutla xi ya ku lahlela ekule ni tende ra wena;+

Xi ta ku tsuvula etikweni ra lava hanyaka.+ (Selah)

 6 Lavo lulama va ta swi vona kutani va hlamala,+

Naswona va ta n’wi hleka.+

 7 “Hi loyi munhu la nga lavangiki vutumbelo eka Xikwembu,+

Kambe a tshembaka rifuwo rakwe ro tala,+

Naswona a tshembaka makungu yakwe yo biha.”

 8 Kambe ndzi ta fana ni murhi lowukulu wa mutlhwari lowu nga endlwini ya Xikwembu;

Ndzi tshemba rirhandzu+ ra Xikwembu hilaha ku nga heriki.

 9 Ndzi ta ku dzunisa hilaha ku nga heriki hikwalaho ka leswi u swi endleke;+

Exikarhi ka vanhu va wena vo tshembeka,

Ndzi ta tshemba vito ra wena+ hikuva i rinene.

Swiendlo swa vona swi bihile naswona swa nyenyetsa;

A nga kona la endlaka leswinene.+

 3 Hinkwavo va hambukile;

Va fana, va ni vuxisi hinkwavo.

A nga kona la endlaka leswinene,

Ku kala ni un’we.+

 5 Kambe va ta khomiwa hi ku chava lokukulu,

Ku chava loku va nga si tshamaka va ku twa,*

Hikuva Xikwembu xi ta hangalasa marhambu ya lava va ku hlaselaka.

Loko Yehovha a hlengeleta vanhu vakwe lava nga mahlonga,

Yakobo a a khane, Israyele a a tsake.

54 Xikwembu xanga, ndzi ponise hi vito ra wena,+

Ndzi lwele+ hi matimba ya wena.

 2 Xikwembu xanga, yingisa xikhongelo xa mina;+

Yingisa leswi ndzi swi vulaka.

 3 Hikuva ndzi hlaseriwa hi vanhu lava ndzi nga va tiviki,

Vanhu va nsele va lava ku ndzi dlaya.+

 4 Waswivo! Xikwembu i mupfuni wa mina;+

Yehovha u ni lava va ndzi seketelaka.

 5 U ta rihisela valala va mina+ hi ku ya hi vubihi bya vona;

Va herise* hikuva u tshembekile.+

 7 Hikuva u ndzi ponisa emaxangwini hinkwawo,+

Naswona ndzi ta tsaka loko ndzi vona valala va mina va hluriwile.+

55 Yingisa xikhongelo xa mina, Xikwembu xanga,+

U nga ndzi fularheli loko ndzi kombela ku kombiwa tintswalo.*+

Swiphiqo swa mina a swi ndzi dyisi byi rhelela,+

Ndzi karhatekile

 3 Hikwalaho ka leswi nala a swi vulaka

Ni ku tshikileriwa hi lowo homboloka.

Hikuva va ndzi vangela swiphiqo swo tala,

Va ndzi venga hi ndlela ya tihanyi.+

 4 Mbilu ya mina ya vava,+

Ndzi khomiwe hi ku chava rifu.+

 5 Ndzi teriwa hi ku chava ni ku rhurhumela,

Ndzi khomiwa hi ku rhurhumela.

 8 A ndzi ta hatla ndzi ya endhawini yo tumbela eka yona

Ekule ni moya wa matimba ni le kule ni xidzedze.”

 9 Yehovha Xikwembu xanga, va pfilunganye u onha makungu ya vona,+

Hikuva ndzi vone madzolonga ni hasahasa emutini.

10 Vusiku ni nhlikanhi swi fambafamba ehenhla ka makhumbi ya wona;

Endzeni ka wona ku ni maxangu ni ku karhateka.+

11 Exikarhi ka wona ku ni khombo;

Ntshikilelo ni vukanganyisi a swi suki erivaleni ra wona.+

12 Hikuva a hi nala loyi a ndzi tlhontlhaka;+

Loko a swi ri tano a ndzi ta swi tiyiselela.

A hi nala loyi a ndzi pfukelaka;

Loko a swi ri tano a ndzi ta n’wi tumbelela.

13 Kambe hi wena, munhu wo fana na mina,+

Munghana wa mina loyi ndzi n’wi tivaka kahle.+

14 A hi hamba hi tiphina hi vunghana bya hina;

A hi longoloka ni ntshungu hi ya endlwini ya Xikwembu.

A va nghene eSirheni* va ha hanya;

Hikuva vubihi byi tshama exikarhi ka vona, byi le ndzeni ka vona.

16 Loko ku ri mina ndzi ta huwelela Xikwembu,

Naswona Yehovha u ta ndzi ponisa.+

17 Nimadyambu ni nimixo ni ninhlikanhi, ndza karhateka ni ku konya,+

U yingisa rito ra mina.+

18 U ta ndzi ponisa a ndzi wisisa eka lava lwaka na mina,

Hikuva mintshungu ya ta yi ta lwa na mina.+

19 Xikwembu xi ta swi twa xi va hlamula,+

Loyi a tshameke exiluvelweni ku sukela khale.+ (Selah)

Va ta ala ku hundzuka,

Lava nga xi chavangiki Xikwembu.+

20 U* hlasele lava a va nga lwi na yena;+

U tlule ntwanano wakwe.+

21 Marito yakwe ma rheta ku tlula botere,+

Kambe embilwini yakwe ku tele timholovo.

Marito yakwe ma olova ku tlula mafurha,

Kambe i mabanga lama hlomuriweke.+

22 Lahlela ndzhwalo wa wena eka Yehovha,+

U ta ku seketela.+

 2 Valala va mina va tshamela ku ndzi hlasela siku hinkwaro;

Vo tala va lwa na mina va tikukumuxa.

 4 Eka Xikwembu, lexi ndzi dzunisaka rito leri xi ri vuleke

Ndzi tshemba Xikwembu; a ndzi chavi nchumu.

 5 Siku hinkwaro va ndzi vangela maxangu;

Va tshama va lava tindlela to ndzi vavisa.+

 6 Va ndzi tumbelela leswaku va ta ndzi hlasela;

Va tshama va langute leswi ndzi swi endlaka,+

Leswaku va ta kuma ndlela yo ndzi dlaya.+

10 Eka Xikwembu, lexi ndzi dzunisaka rito ra xona,

Eka Yehovha, loyi ndzi dzunisaka rito rakwe.

12 Ndzi ta endla leswi ndzi ku tshembiseke swona, Xikwembu xanga;+

Ndzi ta ku endlela magandzelo yo khensa.+

13 Hikuva u ndzi ponisile eka rifu+

U endle leswaku ndzi nga khudlunyeki,+

Leswaku ndzi ta famba emahlweni ka Xikwembu eku vonakaleni ka lava hanyaka.+

57 Ndzi twele vusiwana, Xikwembu xanga, ndzi twele vusiwana,

Hikuva ndzi tumbela eka wena,+

Ndzi tumbela endzhutini wa timpapa ta wena kukondza maxangu ma hundza.+

 2 Ndzi vitana Xikwembu Lexi Nge Henhlahenhla,

Xikwembu xa ntiyiso lexi herisaka maxangu ya mina.

 4 Ndzi rhendzeriwe hi tinghala;+

Ndzi etlela exikarhi ka vanhu lava lavaka ku ndzi mita,

Lava meno ya vona ma fanaka ni matlhari ni miseve

Ni lava ririmi ra vona ri karihaka ku fana ni banga.+

 5 Kombisa vuhosi bya wena etilweni, Xikwembu xanga;

Ku vangama ka wena a ku ve ehenhla ka misava hinkwayo.+

 6 Va lava ku ndzi phasa milenge hi nete;+

Ndzi hele matimba hikwalaho ka maxangu.+

Va cele khele emahlweni ka mina,

Kambe va tlhele va wela eka rona.+ (Selah)

 7 Mbilu ya mina yi yime yi tiya, Xikwembu xanga,+

Mbilu ya mina yi yime yi tiya.

 9 Ndzi ta ku yimbelelela tinsimu ndzi ku dzunisa exikarhi ka vanhu, Yehovha Xikwembu xanga;+

Ndzi ta ku yimbelelela ndzi ku dzunisa exikarhi ka vamatiko.+

10 Hikuva rirhandzu ra wena i rikulu ri fika ni le tilweni,+

Ni ku tshembeka ka wena ku fika ni le xibakabakeni.

11 Kombisa vuhosi bya wena etilweni, Xikwembu xanga;

Ku vangama ka wena a ku ve ehenhla ka misava hinkwayo.+

 2 Ku ri na sweswo, mi boha makungu yo biha etimbilwini ta n’wina,+

Mavoko ya n’wina ma vanga madzolonga etikweni.+

 3 Lavo homboloka va hambuke va ha ku velekiwa;

A va lawuleki, i vahembi ku sukela loko va velekiwile.

 4 Vuxungu bya vona byi fana ni vuxungu bya tinyoka;+

A va twi ku fana ni xivatlankombe lexi pfaleke tindleve.

 5 A xi nge ri yingisi rito ra vangoma,

Hambiloko va ri ni vutshila eka swa vungoma.

 8 A va fane ni humba leyi fambaka yi siya marhekerheke;

Ku fana ni n’wana wa wansati loyi a velekiwaka a file, loyi a nga ri vonangiki dyambu.

 9 Loko mapoto ya wena ma nga si twa ku hisa ka ndzhenga,

U ta kukula rhavi leri tsakamaka ni leri pfurhaka, ku fana ni loko ri tekiwa hi mheho.+

10 Lowo lulama u ta tsaka hikwalaho ka leswi a voneke ku rihisela;+

Milenge yakwe yi ta hlambisiwa hi ngati ya lowo homboloka.+

59 Ndzi ponise eka valala va mina, Xikwembu xanga;+

Ndzi sirhelele eka lava ndzi pfukelaka.+

 2 Ndzi ponise eka lava endlaka swo biha,

Ndzi ponise eka vanhu va madzolonga.

 3 Waswivo! Va ndzi tumbelela;+

Ndzi hlaseriwa hi switetemba

Ku nga ri hi leswi ndzi xandzukeke kumbe ndzi dyoheke,+ Yehovha.

 6 Va vuya madyambu man’wana ni man’wana;+

Va vukula ku fana ni timbyana,+ va rhendzeleka ni muti.+

 7 Vona leswi humaka emilon’wini ya vona;

Milomu ya vona yi fana ni mabanga,+

Hikuva va ri: “I mani la yingiselaka?”+

 8 Kambe Yehovha u ta va hleka;+

U ta hleka matiko hinkwawo.+

 9 Ntamu wa mina, ndzi ta tshama ndzi ku rindzile;+

Hikuva Xikwembu i vutumbelo bya mina lebyi hlayisekeke.+

10 Xikwembu lexi ndzi rhandzaka xi ta ndzi pfuna;+

Xikwembu xi ta endla leswaku ndzi vona valala va mina loko va hluriwa.+

Va tsendzelekise hi matimba ya wena;

Endla leswaku va wa, Yehovha xitlhangu xa hina.+

12 Onge va nga phasiwa hi manyunyu ya vona,+

Hikwalaho ka xidyoho xa nomu wa vona ni rito ra milomu ya vona,

Hikwalaho ka nhlambha ni mavunwa ya vona.

13 Va herise hi vukarhi bya wena;+

Va herise, leswaku va nga ha vi kona;

Va endle va tiva leswaku Xikwembu xi fuma Yakobo ni misava hinkwayo.+ (Selah)

14 A va vuye nimadyambu;

A va vukule ku fana ni timbyana, va rhendzeleka ni muti.+

15 A va tsendzeleke va lava swakudya;+

U nga va pfumeleli va xurha kumbe va kuma ndhawu yo tshama.

16 Kambe loko ku ri mina, ndzi ta yimbelela mayelana ni matimba ya wena;+

Nimixo ndzi ta vulavula ndzi tsakile hi rirhandzu ra wena.

Hikuva u vutumbelo bya mina lebyi sirhelelekeke+

Ni ndhawu leyi ndzi balekelaka eka yona hi nkarhi wa maxangu.+

17 Wena Ntamu wa mina, ndzi ta ku yimbelelela ndzi ku dzunisa,+

Hikuva Xikwembu i vutumbelo bya mina lebyi sirhelelekeke, Xikwembu lexi ndzi rhandzaka.+

 4 Nyika* lava ku chavaka xikombiso

Leswaku va balekela vurha. (Selah)

 5 Leswaku lava u va rhandzaka va ta ponisiwa,

Hi ponise hi voko ra wena ra xinene u hi hlamula.+

“Ndzi ta tsaka, ndzi ta nyikela hi Xikeme tanihi ndzhaka,+

Ndzi ta pima Nkova wa Sukoti.+

 7 Tiko ra Giliyadi i ra mina ku fana na Manase,+

Kasi Efrayimi i gondolo* ra nhloko ya mina;

Yuda i nhonga ya ndhuna ya mina.+

10 Xana a hi wena Xikwembu u hi fularheleke,

Xikwembu xa hina, lexi tshikeke ku seketela mavuthu ya hina?+

11 Hi pfune emaxangwini ya hina,

Hikuva ku ponisiwa loku humaka eka vanhu a hi nchumu.+

12 Xikwembu xi ta hi nyika matimba,+

Naswona xi ta kandziyela valala va hina.+

 2 Ndzi ta ku huwelela ndzi ri emakumu ka misava

Loko mbilu ya mina yi tshikilelekile*+

Ndzi yise eribyeni leri tlakukeke ku ndzi tlula.+

 3 Hikuva u vutumbelo bya mina,

Xihondzo lexi tiyeke lexi ndzi sirhelelaka eka nala.+

 4 Ndzi ta va muendzi etendeni ra wena hilaha ku nga heriki;+

Ndzi ta tumbela ehansi ka timpapa ta wena.+ (Selah)

 6 U ta engetelela hosi masiku ya ku hanya,+

Malembe ya yona ma ta suka eka xitukulwana xin’wana ku ya eka xitukulwana xin’wana.

 7 Yi ta va hosi emahlweni ka Xikwembu hilaha ku nga heriki;+

Onge u nga yi hlayisa hi rirhandzu ni ku tshembeka ka wena.+

 8 Kutani ndzi ta yimbelela ndzi dzunisa vito ra wena hilaha ku nga heriki+

Loko ndzi endla leswi ndzi swi tshembiseke siku ni siku.+

 2 Hakunene, i ribye ra mina ni ku ponisiwa ka mina, vutumbelo bya mina lebyi sirhelelekeke;+

A ndzi nge pfuki ndzi tsekatsekisiwile.+

 4 Hikuva va boha makungu yo n’wi susa exikhundlheni* xakwe;

Va tsakisiwa hi mavunwa.

 5 Kunene ndzi rindzela Xikwembu ndzi miyerile,+

Hikuva i xihlovo xa ntshembo wa mina.+

 6 Hakunene, i ribye ra mina ni ku ponisiwa ka mina, vutumbelo bya mina lebyi sirhelelekeke;

A ndzi nge pfuki ndzi tsekatsekisiwile.+

 9 Vanhu va fana ni moya ntsena,

Vanhu a vo va nchumu.+

10 U nga tshembi ku dyelela van’wana,

Kumbe ku tshemba ku yivela van’wana.

12 Ni musa i wa wena, Yehovha Xikwembu xanga,+

Hikuva u hakela un’wana ni un’wana hi ku ya hi mitirho yakwe.+

Ndzi navela ku va na wena

Etikweni leri omeke leri nga riki na mati.+

 2 Kutani ndzi ku vonile endhawini yo kwetsima;

Ndzi vone matimba ya wena ni ku vangama ka wena.+

 3 Hikuva rirhandzu ra wena ri tlula vutomi,+

Milomu ya mina yi ta ku dzunisa.+

 4 Xisweswo ndzi ta ku dzunisa vutomi bya mina hinkwabyo;

Ndzi ta khongela ndzi vitana vito ra wena ndzi yimise mavoko.

 5 Ndzi enerisekile hi swakudya swa xiyimo xa le henhla,

Kutani nomu wa mina wu ta ku dzunisa hi ntsako.+

 6 Ndzi ku tsundzuka ndzi ri emubedweni wa mina;

Ndzi anakanyisisa ha wena exikarhi ka vusiku.+

 7 Hikuva u mupfuni wa mina,+

Naswona ndzi ba nkulungwana ndzi ri ehansi ka timpapa ta wena.+

 8 Ndza ku namarhela;

Voko ra wena ra xinene ri ndzi khoma swi tiya.+

 9 Kambe lava lavaka ku ndzi dlaya

Va ta nghena esirheni.

10 Va ta dlayiwa hi banga;

Va ta va swakudya swa timhungubye.

Hinkwavo lava hlambanyaka ha xona va ta tsaka,

Hikuva lava va vulavulaka mavunwa va ta pfariwa milomu.

 2 Ndzi sirhelele eka makungu ya lavo homboloka,+

Eka ntshungu wa vanhu vo biha.

 3 Va lota ririmi ra vona ku fana ni banga;

Va rhiya marito ya vona ya nsele ku fana ni miseve,

 4 Leswaku va copa la nga riki na nandzu va n’wi tumbelerile;

Va n’wi copa hi ku copeta ka tihlo, va nga chavi nchumu.

 5 Va kucetelana ku endla swo biha;

Va boha makungu yo tumbeta swirimbana swa vona.

 6 Va lavana ni tindlela letintshwa to endla swo biha;

Va tumbeta makungu ya vona yo biha;+

Leswi nga etimbilwini ta vona swa chavisa.

 7 Kambe Xikwembu xi ta va copa;+

Va ta vavisiwa hi nseve va nga swi langutelanga.

 8 Ririmi ra vona ri ta va wisa;+

Hinkwavo lava va languteke va ta hlakahla tinhloko.

 9 Kutani vanhu hinkwavo va ta chava,

Va ta vulavula hi leswi Xikwembu xi nga swi endla,

Va ta twisisa mitirho ya xona.+

10 Lowo lulama u ta tsaka eka Yehovha naswona u ta tumbela eka yena;+

Hinkwavo lava nga ni timbilu letinene va ta tibuma.

65 U ta dzunisiwa eSiyoni wena Xikwembu;+

Hi ta endla leswi hi hlambanyeke ku ku endlela swona.+

 3 Swihoxo swa mina swa ndzi tika,+

Kambe u funengeta milandzu ya hina.+

 4 Wa tsaka loyi u n’wi hlawulaka u n’wi tshineta eka wena,

Leswaku a ta tshama eswivaveni* swa wena.+

Hi ta enerisiwa hi vunene bya yindlu ya wena,+

Tempele ya wena yo kwetsima.+

 5 U ta hi hlamula hi mitirho ya wena yo hlamarisa+ leyo lulama,

Xikwembu xanga lexi hi ponisaka;

Misava hinkwayo yi tshembe wena+

Ni lava tshamaka ekule, entsungeni wa malwandle.

 6 U simeke tintshava ti tiya hi matimba ya wena;

U ni matimba swinene.+

 7 U miyeta malwandle lama karihaka,+

Magandlati ya wona lama hobomulanaka ni hasahasa ya matiko.+

 8 Swikombiso swa wena swi ta hlamarisa lava tshamaka etindhawini ta le kule;+

U ta endla leswaku lava tshamaka evuxeni ni lava tshamaka evupeladyambu va huwelela hi ntsako.

 9 U hlayisa misava,

U endla leswaku yi nona yi tlhela yi va ni swakudya swo tala.+

Xinambyana lexi humaka eka Xikwembu xi tele hi mati;

U nyika vanhu swakudya,+

Hikuva misava u yi endle tano.

10 U cheleta masimu ya yona u tlhela u fayelela mabuwa ya yona;

U olovisa masimu hi mpfula leyi swamaka; u katekisa swimilana swa yona.+

11 U sasekisa lembe hi vunene bya wena;

Tindlela ta wena ti khapakhapa hi vunene.+

12 Madyelo ya mananga ma ni byanyi byo tala bya rihlaza,+

Ni swintshabyana swi tsakile swinene.+

13 Madyelo ma funengetiwe hi mintlhambi,

Minkova yi funengetiwe hi koroni.+

Valala va wena va ta rhurhumela emahlweni ka wena,

Hikwalaho ka matimba ya wena lamakulu.+

 4 Misava hinkwayo yi ta ku khinsamela;+

Yi ta ku dzunisa hi tinsimu;

Yi ta yimbelela yi dzunisa vito ra wena.”+ (Selah)

 6 Xi hundzule lwandle ri va ndhawu leyi omeke;+

Va tsemakanye nambu hi milenge.+

 8 Dzunisani Xikwembu xa hina, n’wina vanhu,+

Xi dzuniseni swi twala.

 9 Xi hlayisa vutomi bya hina;+

Xi sirhelela milenge ya hina leswaku yi nga khudlunyeki.*+

10 Hikuva u hi kamberile Xikwembu xerhu;+

U hi basisile hilaha silivhere yi basisiwaka hakona.

11 U hi phase hi nete;

U hi rhwexe ndzhwalo wo tika.

12 U endle leswaku vanhu va hi kandziyela;*

Hi hundze hi le ndzilweni ni le matini;

Kutani u hi yisa laha hi nga fika hi wisa kona.

13 Ndzi ta ta endlwini ya wena ni magandzelo yo hisiwa lama heleleke;+

Ndzi ta endla leswi ndzi ku tshembiseke swona+

14 Leswi ndzi swi tshembiseke hi nomu wa mina+

Ni leswi ndzi swi vuleke hi nkarhi lowu a ndzi xaniseka.

15 Ndzi ta ku endlela magandzelo yo hisiwa hi swifuwo swo nona

Hi makhuna lama nga ta hisiwa.

16 Tanani mi ta twa, n’wina hinkwenu lava chavaka Xikwembu,

Ndzi ta mi byela leswi xi ndzi endleleke swona.+

17 Ndzi xi vitanile hi nomu wa mina,

Ndzi xi dzunisa hi ririmi ra mina.

18 Loko a ndzi hlayise swo biha embilwini ya mina,

Yehovha a a ta va a nga ndzi yingisanga.+

19 Kambe Xikwembu xi ndzi twile;+