Ku Tsakisiwa Hi Ndlela Leyi Ti Pfunaka Ha Yona

PROFESA wa le yunivhesiti ya le Spaniya u tsalele rhavi ra hofisi ya Sosayiti ya Watch Tower etikweni ra ka vona a phofula ku tlangela ka yena Xalamuka! U te:

“Ndza ha ku kuma tikopi ta n’wina timbirhi ta magazini wa Xalamuka! Ndzi kume leswaku ti ni swihloko swo tsakisa swinene ni tinhloko-mhaka to hambana-hambana. A ndzi ngheni kereke, kambe ndzi tlangele ndlela leyi timagazini leti ti pfunaka ha yona. Ti ni rungula ro hlamarisa, naswona ti hlamusela timhaka hi ndlela leyi nga hlawuriki ni hi ndlela ya sayense. Ndza mi bumabumela hi matshalatshala lawa mi wa endlaka.”

Eka swihloko swo tala swa yona, Xalamuka! yi hlengeleta vumbhoni byo tala bya tisayense to hambana-hambana lebyi pfunaka vahlayi va yona leswaku va tiendlela swiboho. Ndlela yo tano yi tirhisiwe ni le ka broxara leyi nga ni matluka ya 32 leyi nge Xana Xikongomelo Xa Vutomi I Yini? U Nga Xi Kumisa Ku Yini? Hi xikombiso, ehansi ka xihlokwana lexi nge “Xana Vutomi Byi Lo Tiendlekela?” ni lexi nge “Xivumbiwa Xi Fanele Xi Va Ni Muvumbi,” vumbhoni bya mhaka leyi byi hlamuseriwe hi valawuri lava xiximekaka va swa ntivo-tinyeleti, ntivo-vutomi wa swilo leswitsongo ngopfu swa vutomi ni sayense ya swilo swa ntumbuluko.

U nga kombela broxara leyi nge, Xana Xikongomelo Xa Vutomi I Yini? U Nga Xi Kumisa Ku Yini?, hi ku tata xiphephana lexi nga laha hansi ivi u xi rhumela eka adirese leyi kombisiweke eka xiphephana lexi kumbe eka adirese leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi rhumela kopi ya broxara leyi nge Xana Xikongomelo Xa Vutomi I Yini? U Nga Xi Kumisa Ku Yini?

Kombisa ririmi leri u ri lavaka

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.

[Laha Xifaniso Xi Humaka Kona eka tluka 32]

Galaxy: Courtesy of Anglo-Australian Observatory, photograph by David Malin