Ndlela Yo Tirhisa Xibukwana Lexi

Eka matluka lama landzelaka, u ta kuma tsalwa ra siku rin’wana ni rin’wana ni nhlamuselo ya kona. Hambileswi ndzimana ya siku yi nga ha hlayiwaka nkarhi wun’wana ni wun’wana, vo tala va vona swi pfuna swinene ku yi hlaya nimpundzu. Sweswo swi endla va kota ku anakanyisisa hi yona siku hinkwaro. Ku dyondza ndzimana ya siku mi ri hi ndyangu swa pfuna swinene. Emisaveni hinkwayo eTibethele yi hlayiwa hi nkarhi wa swakudya swa nimixo.

Tinhlamuselo ta ndzimana ya siku ti tekiwe eka Xihondzo xo Rindza (w) xa April 2022 ku ya eka March 2023. Endzhaku ka loko ku boxiwe Xihondzo xo Rindza, tinomboro leti landzelaka ti kombetela eka tluka ni tindzimana leti ndzimana ya siku yi tshahiweke eka tona. (Vona xikombiso laha hansi.) U nga kuma rungula leri engetelekeke eka nhlokomhaka leyi ndzimana ya siku yi tekiweke eka yona.