Swivutiso swa Vahlayi

■ Xana 2 Yohane 10, leyi nge ku nga amukeriwi van’wana ekaya kumbe ku va xeweta, yi vulavula hi lava va hlohloteleke dyondzo ya mavunwa ntsena ke?

Hi ku landza mongo wa kona xiletelo lexi xi yelana ni “vaxisi lavo tala” lava hangalakeke ni misava, “vanhu lava kanetaka leswaku Yesu Kriste u tile emisaveni a va munhu.” (2 Yohane 7) Muapostola Yohane u nyikele switsundzuxo hi ta ndlela leyi Vakriste le ndzhaku a va fanele ku n’wi khoma ha yona munhu loyi a kanetaka leswaku Yesu u tile ni leswaku a a ri Kriste ni Mukutsuri. Yohane u te: “Loko ku ta munhu eka n’wina kambe a nga tisi dyondzo leyi, mi nga n’wi amukeli endiwini ya n’wina kumbe ku n’wi xeweta: hikuva loyi a n’wi xewetaka u twanana ni mintirho ya yena leyo biha.” (2 Yohane 10, 11) Kambe Bibele kun’wana yi komba leswaku leswi swi ni nhlamuselo leyi anameke.

Hi nkarhi wun’wana exikarhi ka Vakriste eKorinto, munhu un’wana a a endla vunghwavava, kutani muapostola Pawulo u va tsalele leswaku va nga “tolovelani ni loyi a vuriwaka ‘makwerhu’ kasi i muoswi, kumbe i munhu wa makwanga, kumbe i muphahli wa swikwembu swa hava, kumbe i murhukani, kumbe i muxisi; munhu lowo tano hambi ku ri ku dya [va] nga dyi na yena.” (1 Vakorinto 5:11) Sweswi, xana sweswo swi tirha eka khale ka vamakwerhu lava hlongoriweke hikwalaho ka swidyoho leswikulu ntsena leswi xaxametiweke kwalaho ke?

E-e. Nhlavutelo 21:8 nakambe yi komba leswaku vanhu vo tano va vadlayi, vangoma, ni vahembi lava nga hundzukiki va katsiwa exikarhi ka lava faneriwaka hi rifu ra vumbirhi. Kunene xitsundzuxo lexi nga eka 1 Vakorinto 5:11 nakambe xi ta va xi tirhisiwe hi ku ringana eka khale ka Vakriste lava na vona va nga ni nandzu wa swidyoho leswi. Ku ya emahlweni, Yohane u tsale leswaku van’wana “va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina ni sweswi: kambe va sukile leswaku swi ta vonaka swinene leswaku hinkwavo a hi va hina.” (1 Yohane 2:18, 19) Yohane a nga vulanga swona leswaku va hlongoriwile hikwalaho ka xidyoho lexikulu. Kumbexana van’wana va vona va lo titshikela, va boha makungu ya leswaku a va ha swi lavi ku va ebandlheni hikuva a va yi pfumeli dyondzo yo karhi. Van’wana va nga ha va va lo tikarhalela ivi va tshika.— 1 Vakorinto 15:12; 2 Vatesalonika 2:1-3; Vaheveru 12:3, 5.

Kavula, loko makwerhu a sungule ku nghena exidyohweni, Vakriste lava vupfeke va ta va va ringetile ku n’wi pfuna. (Vagalatiya 6:1; 1 Yohane 5:16) Loko ku ri leswaku a a kanakana, va ta va va ringetile ku ‘n’wi vutla endzilweni.’ (Yuda 23) Hambi loko a vile la tsaneke, a nga yi etidyondzweni kumbe evutirhelini bya le rivaleni, lava tiyeke emoyeni va ta va va ringetile ku n’wi kondletela. A nga ha va a va byele leswaku a nga ha lavi ku karhatiwa hi ku va ebandlheni, a kombisa ripfumelo rakwe leri tsanisiweke ni vumoya lebyi ehleke. Va ta va va nga n’wi sindziselanga, kambe va ta va va n’wi endzele makhamba yo hlaya yo ringeta ku n’wi pfuna. Matshalatshala yo tano ya rirhandzu, ku lehisa mbilu, ni ya ntwelovusiwana ma ta va ma kombisile ku tsakela ka Xikwembu ka leswaku ni un’we a nga lahleki.—Luka 15:4-7.

Hi laha ku hambanaka, marito ya Yohane ma komba leswaku van’wana va hundze ni le ku tsaneni ka moya ni le ku loloheni: va sukerile bandlha ra Xikwembu. Un’wana a nga ha landzula ni vanhu va Xikwembu erivaleni, a vula leswaku a nga ha swi lavi ku va ebandlheni. A nga ha va a sukerile ripfumelo rakwe ro sungula ximfumo, tanihi ku tsala papila. Kavula, bandlha ri ta va ri amukerile makungu yakwe ya ku nga tihlanganisi na yena. Kambe va ta va va tirhisane na yena hi ndlela yihi?

Yohane u ri: “Un’wana ni un’wana loyi a yaka emahlweni ni swa yena a nga tiyiseli edyondzweni ya Kriste, a nga na Xikwembu, loyi a tiyiselaka edyondzweni ya kona, ú na Tatana swin’we ni N’wana. Loko ku ta munhu eka n’wina kambe a nga tisi dyondzo leyi, mi nga n’wi amukeli endlwini ya n’wina kumbe ku n’wi xeweta.’’ (2 Yohane 9, 10) Marito wolawo hakunene ma fanele ma tirhe eka munhu loyi a vaka mugwinehi hi ku tatisa vukhongeri bya mavunwa kumbe hi ku hangalasa dyondzo yo hemba. (2 Timotiya 2:17-19) Kambe ku vuriwa yini hi lava Yohane a nge “va sukile va hi siya’’? Hambi leswi Vakriste eka lembe xidzana ro sungula a va ta swi tiva leswaku a va fanelanga ku endla xinakulobye ni mudyohi la hlongoriweke kumbe ni mugwinehi la hisekaka, xana a va endla hi ndlela leyi fanaka eka munhu loyi a nga hlongoriwangiki kambe loyi hi ku tirhandzela a tshikeke ndlela ya Vukriste ke?

Aid to Bible Understanding yi komba leswaku rito leri nge “vugwinehi’’ ri huma eka rito ra Xigriki leri kahle-kahle ri vulaka “‘ku fularhela’ kambe ri na mongo wa ‘ku tshika, ku sukela kumbe ku xandzuka.’”a Buku ya Aid ya engetela: “Exikarhi ka swivangelo leswi hambaneke swa vugwinehi leswi humeleleke eswitsundzuxweni swa vuapostola a ku ri na: ku kayivela ripfumelo (Vahev. 3:12), ku kayivela ku tiyisela eku xanisekeni (Vahev. 10:32-39), ku tshika mimpimanyeto leyinene ya mahanyelo (2 Pet. 2:15-22), ku landzelela ‘marito yo hemba’ ya vadyondzisi va mavunwa ni ‘swivulavula leswi huhuteriweke leswi hambukisaka’ ( . . . 1 Tim. 4:1-3) . . . Vanhu vo tano lava tshikaka bandlha ra Vukriste hi ku swi rhandza va va xiphemu xa ‘nala wa Kriste.’ (1 Yohane 2:18, 19)”

Munhu loyi a tihambaniseke ni bandlha hi ku swi rhandza nakona ximfumo u ta va a yi fanerile nhlamuselo yoleyo. Hi ku sukela bandlha ra Xikwembu hi vomu na hi ku tshika ndlela ya Vukriste, u ta va a tiendlile mugwinehi. Mukriste la tshembekaka u ta va a nga swi lavanga ku endla xinakulobye ni mugwinehi. Hambi loko va vile vanakulobye, loko munhu a tshikile bandlha, a gwineha, u fularherile xisekelo xa vuxaka ni vamakwerhu. Yohane u swi veke erivaleni leswaku yena hi byakwe a a nga ta n’wi amukela ekaya kakwe munhu loyi ‘a nga riki na Xikwembu’ ni loyi ‘a nga riki wa ka hina.’

Hi ku landza matsalwa, munhu loyi a tshikeke bandlha ra Xikwembu u vile loyi a nyenyetsaka ku tlula vanhu va misava. Ha yini ke? Ee, Pawulo u kombe leswaku Vakriste etikweni ra Rhoma siku na siku a va hlangana ni vaoswi, vanhu va makwanga, ni lava phahlaka swikwembu swa hava. Kambe u vule leswaku Vakriste va fanele va nga “tolovelani na loyi a vuriwaka makwerhu” kasi u famba hi tindlela leti nga tsakisiki Xikwembu. (1 Vakorinto 5:9-11) Hi ku fanana, Petro u vule leswaku loyi a ‘ponaka thyaka ra misava’ kambe a tlhelela evuton’wini byakwe bya khale a a fana ni nguluve loko yi tlhela yi puluvundza endzopeni. (2 Petro 2:20-22) Hikwalaho ke, Yohane a a nyikela ndzayo leyi twananaka loko a lerisa leswaku Vakriste a va nga fanelanga ku ‘n’wi amukela emakaya ya vona’ loyi a ‘sukeke a va siya’ hi ku swi rhandza.—2 Yohane 10.

Yohane u engeterile a ku: “Hikuva loyi a n’wi xewetaka u twanana ni mintirho ya yena leyo biha.” (2 Yohane 11) Laha Yohane u tirhisile rito ra Xigriki ra ku xeweta leri nge khai’ro ematshan’wini ya rito leri nge a·spaʹzo·mai, leri kumekaka eka ndzimana 2Joya 13.

Khaiʹro a ri vula ku tsaka. (Luka 10:20; Vafilipiya 3:1; 4:4) Nakambe a ri tirhisiwa tanihi ku xeweta, hi nomu kumbe hi papila. (Matewu 28:9; Mintirho 15:23; 23:26) A·spaʹzo·mai a ri vula “ku angarha hi mavoko, xisweswo ku xeweta, ku hoyozela.” (Luka 11:43; Mintirho 20:1, 37; 21:7, 19) Hinkwawo ya nga ha va masungulo, kambe a·spaʹzo·mai ri nga ha va ri vula ku tlula ku “xewani” kunene kumbe ku “avuxeni.” Yesu u byele vadyondzisiwa va 70 leswaku va nga vuli ku a·spaʹse·sthe eka munhu wihi na wihi. Xisweswo u kombe leswaku ntirho wa vona wa xihatla a wu nga ri na nkarhi wo pfumelela ndlela ya le Vuxeni yo xewetana hi ku ntswontswana, ku angarhana, ni ku lehisa mabulu. (Luka 10:4) Petro na Pawulo va khutazile va ku: ‘Xewetananl [a·spaʹsa·sthe] hi ku ntswontswana, hi rirhandzu ra vukwavo.’—1 Petro 5:14; 2 Vakorinto 13:12, 13; 1 Vatesalonika 5:26.

Kutani Yohane a nga ha va a tirhisile khai’ro eka 2 Yohane 10, 11 hi ku ntshunxeka ematshan’wini ya a·spaʹzo·mai (2Jondzimana 13). Loko swi ri tano, Yohane a a nga khongoteli Vakriste enkarhini wolowo ku papalata ku n’wi xeweta hi ku kufumela (hi ku angarha, ku ntswontswa, ni ku dya mabulu ni) munhu la dyondzisaka mavunwa kumbe la tshikeke bandlha (la gwineheke). Kambe, Yohane a a vula leswaku ni ku n’wi xeweta a va nga fanelanga ku n’wi xeweta munhu wo tano hi khaiʹro, ku “avuxeni” loku tolovelekeke.b

Ku tiyiseka ka ndzayo leyi ku vonaka eka marito ya Yohane lama nge: “Loyi a n’wi xewetaka u twanana ni mintirho ya yena leyo biha.“Ku hava Mukriste wa ntiyiso loyi a a ta lava leswaku Xikwembu xi n’wi languta tanihi loyi a twananaka ni mintirho leyo biha hi ku endla xinakulobye ni mudyohi la hlongoriweke kumbe munhu la lan’weke bandlha ra Yena. I swinene swonghasi ku twanana ni nhlengeletano leyi nga ni rirhandzu ya vamakwavo, hi laha Yohane a tsaleke ha kona a ku: “Lexi hi xi voneke ni ku xi twa, hi mi tivisa xona na n’wina, leswaku mi va ni vunakulobye na hina; kutani vunakulobye byi kona exikarhi ka hina na Tatana, ni le xikarhi ka hina ni N’wana wa yena Yesu Kriste.”—1 Yohane 1:3.

[Nhlayo wa le hansi]