‘Hi Leswi A Ndzi Swi Lava’

Vutomi bya vanhu byi nga cinciwa hi nchumu wuntsongo. Leswi swi kombisiwile hi nhwanyana lontsongo wa le Argentina loyi a tsaleke leswi landzelaka a tsalela yindlu-nkulu ya misava hinkwayo ya Sosayiti ya Watch Tower eBrooklyn, New York:

“Eka Muhleli:

Ndzi hatliseleni mi ndzi byela ndlela yo kuma magazini wa Xihondzo xo Rindza lowu mi wu humesaka. Muakelani wa mina u ndzi lombe kopi ya magazini lowu naswona leswi ndzi swi hlayeke eka wona hi leswi a ndzi swi lava hi nkarhi wo leha. Wu ndzi pfune ngopfu swonghasi! Wu ndzi chavelerile swinene. Ma swi vona, ndzi na malembe ya 15 hi vukhale naswona ndzi ndzexe emisaveni. Ku hava loyi a ndzi khathalelaka kutani magazini wa n’wina wu ndzi tate hi ntshembo. Muakelani u ndzi kombele ku tlherisa magazini tanihi leswi a ku ri xin’wana xa swilo leswi mana wakwe, loyi a ha ku fa, a a n’wi siyele swona.”

Nhwanyana loyi u hetelele papila ra yena a hlamusela leswaku i xisiwana ngopfu kambe u ta endla hinkwaswo leswi kotekaka kú hakelela magazini lowu. Papila rakwe ri rhumeriwe eArgentina, kutani muyimeri wa Sosayiti ya Watch Tower hi ku hatlisa u endzerile nhwanyana loyi. U endle xikhokhelo xa Xihondzo xo Rindza ni Awake! U ye emahlweni hi ku hatlisa evutivini bya Bibele ivi a khuvuriwa. Sweswi u hlanganyela ni magidi ya vamakwavo va xinuna ni va xisati va le Argentina evutirhelini bya Vukriste.

Na wena, u nga kuma magazini wa Xihondzo xo Rindza ni munghana wa wona wa Awake! leswi rhumeriwaka ekaya ka wena hi ku tata ni ku rhumela fomo leyi.

Rhumelani xikhokhelo xa lembe xa Xihondzo xo Rindza ni Awake! Ndzi nghenisa R13.