Ha Yini U Ti Hupa?

Loko a ha yimile a forile ebanki ya le Mutini wa New York eka ximumu lexi hundzeke, wansati wa malembe ya le xikarhi u xiye leswaku wanuna loyi a a ri emahlweni ka yena a a hlaya magazini wa The Watchtower. A a navela swinene ku hlaya xihloko lexi nga eka wona malunghana na xikhongelo, kutani a tsala siku leri wu kandziyisiweke ha rona ehansi.

Masikunyana endzhaku, Timbhoni ta Yehova ti nghene ekaya rakwe kutani a vutisa a ku: “Xana mi na wona nkandziyiso wa July wa The Watchtower ke?” Endzhaku ko tiva leswaku ha yini a a tsakela magazini wo karhi, un’wana wa Timbhoni u te: “Ndlela yo antswa leswaku u nga hupi nkandziyiso wihi na wihi wa nkoka i ku endla xikhokhelo.”

“A ndzi nga swi tivi leswaku u nga swi endla!” ku hlamula wansati. Loko a byeriwe leswaku xikhokhelo xa lembe i $5 (R9), a hlamula a ku: “Wa tiyisa xana? I [R9] ntsena lembe hinkwaro?” Loko a tiyisekisiwile leswaku a swi ri tano, a nga lavanga Watchtower ntsena kambe ni magazini lowu fambisanaka na xona wa Awake! “Wa tiyiseka leswaku ndzi nga kuma timagazini ha timbirhi hi [R18] ntsena?” a vutisa nakambe.

Wansati u tsakile loko Timbhoni ti n’wi endlele xikhokhelo. Na wena u nga tiseriwa magazini wa Xihondzo xo Rindza ni wa Awake! ekaya ra wena. Rhumela R18 ntsena kutani u ta amukela timagazini leti ha timbirhi (tikopi ta mune hi n’hweti) ku ringana lembe.

Rhumelani xikhokhelo xa lembe xa Xihondzo xo Rindza na Awake! Ndzi nghenisa R18.