Loko Kokwa Wakwe Wa Xinuna A File

Manana wa le Virginia Beach, Virginia, u tsarile eku sunguleni ka lembe leri: “N’hweti leyi hundzeke ndzi lahlekeriwe hi tata wa mina hi rifu. Yena ni mufana wa mina lontsongo a va tshinelelane ngopfu, ku nga khathariseki mpfhuka lowu va hambaniseke. Loko ndzi n’wi tivisa leswaku kokwa wa yena wa xinuna u file, u sungule ku rila hi mbitsi.

“Ndzi hatlise ndzi lava xiphephana lexi nge Hi Wihi Ntshembo Wa Varhandziwa Lava Feke? Kan’we-kan’we loko ndzi xi kuma, loko xikandza xa yena xa ha tsakama hi mihloti, ndzi sungule ku n’wi hlayela xona. Loko ndzi heta, a a rhurile swinene. Ha mi nkhensa hikwalaho ka rungula ro tano ra nkoka, leri ri tirheke swinene hi nkarhi wo tano wo vavisa.”

U nga amukela xiphephana lexi xi chavelelaka, kun’we ni swin’wana, hi ku tata ni ku rhumela xiphephana lexi landzelaka ntsena.

Ndzi nga tsakela ku kuma xiphephana lexi nge Hi Wihi Ntshembo Wa Varhandziwa Lava Feke? kun’we ni swin’wana. (Ehandle ka le R.S.A., tsalela rhavi ra kwalaho ra Watch Tower leswaku u kuma rungula leri engetelekeke. Vona tluka 2.)