MPFUXETO WA XIKOLO XA VUTIRHELI BYA LE TILWENI
Mpfuxeto wo pfala tibuku wa mhaka leyi hlanganisiweke eswiavelweni swa Xikolo xa Vutirheli bya le Tilweni swa mavhiki ya May 1 ku ya ka August 21, 1995. Tirhisa phepha leri hambaneke ku tsala tinhlamulo ta swivutiso swo tala hi laha u nga swi kotaka ha kona hi nkarhi lowu nyikiweke.
[Xiya: Hi nkarhi wa mpfuxeto wo tsala, ku nga tirhisiwa Bibele ntsena eku hlamuleni ka xivutiso xin’wana ni xin’wana. Swikombo leswi landzelaka swivutiso i swa ndzavisiso wa wena n’wini. Tinomboro ta matluka ni tindzimana swi nga ha endleka ti nga humeleli eka tinhlamuselo hinkwato ta Xihondzo xo Rindza.]
Hlamula yin’wana ni yin’wana ya tinhlamuselo leti landzelaka, u ku I Ntiyiso kumbe I Mavunwa:
1. Ku gandzela Xikwembu i mhaka ya munhu hi xiyexe naswona a yi titsheganga hi vuxaka bya hina ni van’wana. (1 Yoh. 4:20) [uw-TS tl. 134 ndz. 7]
2. Ndzayo ya huvo leyi fumaka leyi yaka eka Vakreste Vamatiko leswaku va tshika ku gandzela swikwembu swa hava, va tshika ngati ni vuoswi a yi sekeriwe eka Nawu wa Muxe. (Mint. 15:28, 29) [uw-TS tl. 149 ndz. 8]
3. Eku sunguleni, Nawu wa Muxe a wu boha eka vanhu hinkwavo. (Ps. 147:19, 20) [uw-TS tl. 147 ndz. 5]
4. Ndzima 53 ya Esaya, leyi tsariweke emalembeni lama nga vaka 700 emahlweni ka ku velekiwa ka Kreste, yi fana ni mhaka ya mbhoni leyi swi voneke kahle hi mahlo, yi hlamusela Yesu Kreste ni ndlela leyi a khomiweke ha yona. [si-TS tl. 119 ndz. 8]
5. Makwerhu Russell u kombise ku hela matimba loku enteke leswi a nga tekeriwangiki etilweni hi 1914. [jv-TS tl. 62 ndz. 3]
6. Ku hava xihlovo xa misava lexi nga ringanaka ni ndzayo leyi twalaka leyi Bibele yi yi nyikaka etimhakeni ta ndyangu. [uw-TS tl. 144 ndz. 11]
7. Buku ya Swivuriso yi fikelela mongo wa swiphiqo swa hina loko yi tsundzuxa leswaku hi veka ku tshemba ka hina loku heleleke eka Xikwembu. [si-TS tl. 111 ndz. 35]
8. Entsombanweni lowu khomeriweke eWashington, D.C., hi 1935, swi vekiwe erivaleni leswaku Vayonadabu va manguva lawa a va nga fanelanga va tshembeka eka Yehovha hi mpimo lowu fanaka ni wa vatotiwa. [jv-TS tl. 83 ndz. 5, tl. 84 ndz. 1]
9. Loko ku pfuka swiphiqo evukatini, Mukreste wa ntiyiso a nge languti swihoxo swa munghana wakwe tanihi xisirhelelo xa ku honisa vutihlamuleri byakwe. [uw-TS matl. 140-1 tindz. 4, 5]
10. Ku hlambanya ka Solomoni ebukwini ya Eklesiasta ka leswaku swilo hinkwaswo i vuhava ku tirha eka xin’wana ni xin’wana, a ku hlawuli. [si-TS tl. 114 ndz. 15]
Hlamula swivutiso leswi landzelaka:
11. I ntirho wihi wa matimba wa ku letela lowu Makwerhu Russell ni vanghana vakwe va wu sunguleke hi 1912? [jv-TS tl. 59 ndz. 5, tl. 60 nhlamuselo ya le hansi]
12. Xana miringo leyi weleke Swichudeni swa Bibele ku sukela hi 1914 ku ya ka 1918 yi paluxe yini? [jv-TS tl. 61 ndz. 1]
13. I nhlohlorhi yihi leyi tlakukeke ya nkoka leyi fikeleriweke entsombanweni lowu khomeriweke le Columbus, Ohio, hi 1931? (Esa. 43:12) [jv-TS tl. 79 ndz. 4, tl. 82 ndz. 2]
14. I vutlharhi byihi bya le Matsalweni lebyi paluxiweke hi 1942 enkulumeni leyi nge “Ku Rhula—Xana Ku Nga Khomelela?,” naswona ha yini xihloko xa nkulumo leyi a xi tlhontlha mianakanyo swonghasi? [jv-TS tl. 93 ndz. 2]
15. Hi 1943, mavandlha ma khutaziwe ku sungula xikolo xihi lexintshwa, leswi yiseke eka vuyelo byihi? [jv-TS tl. 94 tindz. 2, 3]
16. Ku engetela eka mpompelo wa ngati, vula tindlela tin’wana tinharhu leti munhu a nga vaka ni nandzu wa ngati emahlweni ka Xikwembu ha tona. [uw-TS matl. 155-6 tindz. 3-6]
17. Hi ku twanana na Swivuriso 1:2-4, xana buku ya Swivuriso yi kandziyisa yini? [si-TS tl. 109 ndz. 19]
18. Boxa swihaxa-mpfumawulo swimbirhi leswi Sosayiti yi swi tirhiseke ngopfu hi va-1920 na hi va-1930 leswaku ku chumayeriwa mahungu lamanene. [jv-TS matl. 80-1, 87]
19. Xana Xikolo xo sungula xa Vutirheli bya le Tilweni xi sungule rini, naswona a xi ri xihi xikongomelo xa xona? [jv-TS tl. 102 ndz. 3]
20. I tidyondzo tihi leti tirhaka leti dyondziwaka eka Risimu ra Tinsimu ro saseka? [si-TS tl. 117 ndz. 16]
Tsala rito kumbe xiga lexi lavekaka ku hetisisa tinhlamuselo leti landzelaka:
21. Makwerhu Russell u hete pfhumba rakwe ra laha misaveni hi October 31, 1916, kutani _________________________ a va muungameri la landzelaka wa Sosayiti. [jv-TS tl. 63 ndz. 4, tl. 65 ndz. 2]
22. Hi 1917 na 1918, Swichudeni swa Bibele swi hangalase swinene buku leyi nge “_________________________ ,” naswona hikwalaho ka nkaneto lowu a wu hlohloteriwa hi vafundhisi, Makwerhu Rutherford ni vanghana vakwe va nkombo va tikume va ri _________________________ le Atlanta, eGeorgia. [jv-TS tl. 69 ndz. 3, tl. 70 ndz. 1]
23. Epapileni leri hlayeriweke vamakwerhu lava hlengeletaneleke nhlangano wa lembe na lembe wa Sosayiti ya Watch Tower hi 1919, Makwerhu Rutherford u tsale a ri ekhotsweni leswaku “matlharhi lamakulu ya Sathana i _________________________ , _________________________ ni _________________________ .” [jv-TS tl. 72 ndz. 3, tl. 73 ndz. 7]
24. Hi 1922 entsombanweni wa matiko hinkwawo le Cedar Point, Ohio, Makwerhu Rutherford u te: “Misava a yi swi tive leswaku Yehovha i Xikwembu ni leswaku Yesu Kreste i Hosi ya tihosi . . . Hikwalaho _________________________ ni _________________________ wa yona.” [jv-TS tl. 72 ndz. 1]
25. Makwerhu Rutherford u hete pfhumba rakwe ra laha misaveni hi January 8, 1942, naswona endzhaku ka masiku ya ntlhanu, Makwerhu _________________________ a va muungameri wa Sosayiti. [jv-TS tl. 89 ndz. 3, tl. 90 ndz. 3]
Hlawula nhlamulo leyinene eka yin’wana ni yin’wana ya tinhlamuselo leti landzelaka:
26. Xikolo xa Gilead xa varhumiwa xi sunguriwe hi (1919; 1935; 1943). [jv-TS tl. 95 ndz. 2]
27. New World Translation of the Christian Greek Scriptures yi humesiwe ro sungula hi (1946; 1950; 1953), naswona eka yona vito ra Xikwembu, Yehovha, ri vuyeteriwe hi makhamba yo ringana (154; 193; 237). [jv-TS tl. 99 ndz. 2]
28. Vumbhoni bya leswaku Solomoni a ri mutsari wa Eklesiasta byi nga voniwa hi leswi (vito ra yena ri humelelaka ebukwini hinkwayo; vatsari va tibuku tin’wana ta Bibele va n’wi vitanaka mutsari wa yona; buku hi yoxe yi kombisa Solomoni tanihi mutsari wa yona handle ko n’wi vula). [si-TS tl. 112 ndz. 4]
29. Hi 1932 ku hlamuseriwe leswaku Yehonadabu (Yonadabu), munghana wa Hosi Yehu, a a fanekisela ntlawa wa vanhu lava a va ta (vumba ntlawa lowu tlakukeke wa le tilweni; hanya emisaveni hi laha ku nga heriki; tsandzeka ku yima va tiyile entiyisweni). [jv-TS tl. 83 ndz. 3]
30. Risimu ra Tinsimu ri kandziyisa (xiphemu xa Solomoni tanihi hosi; rifuwo ra Solomoni lerikulu; ku tshembeka ka nhwanyana eka mufana wa murisi). [si-TS tl. 115 ndz. 2]
Twananisa matsalwa lama landzelaka ni tinhlamuselo leti xaxametiweke laha hansi:
Swiv. 22:3; Ekl. 7:21, 22; Esa. 13:19, 20; Mt. 5:23, 24; Kol. 3:18-20, 23, 24
31. Hambi leswi Yehovha a nga sirheletiki vanhu vakwe hi singita eka makhombo, minkwetlembetano ya vanhu kumbe eka vugevenga, ku tirhisa vutlhari lebyi tirhaka lebyi sekeriweke eBibeleni swi nga pfuna. [Ku hlaya ka Bibele ka vhiki na vhiki; vona w92-TS 1/1 tl. 17 ndz. 23.]
32. Ku ni swivangelo leswinene swa ku ka hi nga kanakani ku hetiseka ka vuprofeta lebyi huhuteriweke. [Ku hlaya ka Bibele ka vhiki na vhiki; vona w93-TS 5/15 tl. 6.]
33. Mukreste wa ntiyiso u teka goza ku sungula leswaku a endla vuxaka lebyi rhuleke ni vamakwavo va yena. [uw-TS tl. 135 ndz. 10]
34. Ku antswisiwa ka vutomi bya ndyangu a ku tisiwi hi ku yimela munhu un’wana leswaku a endla xo karhi, kambe ku ta tisiwa hi ku endla xiphemu xa hina, xisweswo hi kombisa leswaku hina vini hi chava Xikwembu ekaya. [uw-TS tl. 143 ndz. 10]
35. U nga languteli ku hetiseka ka wena n’wini kumbe ka vuxaka bya wena ni vanhu van’wana lava nga hetisekangiki. [Ku hlaya ka Bibele ka vhiki na vhiki; vona w90-TS 3/1 tl. 8.]