Minhlangano Ya Ntirho Ya August

Vhiki Leri Sungulaka Hi August 5

Risimu 56

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

20 min: “Hi Nga Karhali Eku Twariseni Ka Mahungu Lamanene.” Nkulumo ni ku burisana ni vayingiseri. Katsa ni swiphemu leswi nga eka Insight on the Scriptures, Vholumo 2, tluka 673, ndzimana 1.

15 min: “Huwelela Mahungu Lamanene Ya Mfumo Hi Tibroxara.” (Tindzimana 1-5) Tirhisa ndzimana yo sungula tanihi xingheniso xa nkulumo. Hlamusela hi ndlela leyi khutazaka malunghana ni mimpfuno ya ku tirhisa tibroxara ta Vutomi eMisaveni na “Vonani” evutirhelini. Hlela minkombiso ya mune leyi lunghiseleriweke kahle, leyi kombisaka ndlela leyi maendzo yo sungula ni maendzo yo vuyela ma nga endliwaka ha yona hi ku tirhisa tibroxara leti. Vana ni muhuweleri lontsongo, a pfuniwa hi mutswari wa yena, a kombisa ndlela yo fambisa broxara leyi nge Vutomi eMisaveni. Vahuweleri va nga ha tsakela ku landzela minkombiso leyi ringanyetiweke laha loko va fambisa tibroxara letin’wana.

Risimu 136 ni xikhongelo xo pfala.

Vhiki Leri Sungulaka Hi August 12

Risimu 192

15 min: Switiviso swa vandlha. Xiviko xa timali. Katsa ni tinhlamuselo letinene leti nga eka xihlokwana lexi nge “Tindlela To Hoxa Xandla,” eka Xihondzo xo Rindza xa December 1, 1993, matluka 29-31.

15 min: “Huwelela Mahungu Lamanene Ya Mfumo Hi Tibroxara.” (Tindzimana 6-8) Hlamusela leswi nga endzeni ka broxara leyi nge Hulumendhe hi ku komisa. Kombisa swingheniso leswi ringanyetiweke swa riendzo ro sungula ni riendzo ro vuyela. Khutaza hinkwavo leswaku va tlhelela lomu va fambiseke kona broxara.

15 min: “Minyikelo Leyi Seketelaka Ku Ndlandlamuxiwa Ka Ntirho Wa Sosayiti Wa Misava Hinkwayo.” Nkulumo leyi hisaka hi nkulu. Katsa ni tinhlayo ta nhluvuko wa ntirho wa Mfumo ematikweni man’wana lama ku vulavuriwaka ha wona, hilaha swi vikiweke hakona eka Yearbook.

Risimu 9 ni xikhongelo xo pfala.

Vhiki Leri Sungulaka Hi August 19

Risimu 174

10 min: Switiviso swa vandlha. Marungula Ya Swa Mfumo.

15 min: “I Mani La Fanelekaka Ku Chumayela?” Nkulu u bula hi xihloko lexi ni vahuweleri vambirhi kumbe vanharhu. Kandziyisa leswaku hi kuma ndzetelo lowunene lowu nyikeriwaka, lowu hi endlaka leswaku hi hloma kahle tanihi vatirheli va Xikwembu. Ku hava xivangelo xo titwa hi nga faneleki ku chumayela.

20 min: “Ndlela Yo Endla Vadyondzisiwa Hi Buku Leyi Nge Vutivi.” Bula ni vayingiseri hi tindzimana 17-26 eka xiengetelo xa Vutirheli Bya Hina Bya Mfumo bya June 1996. Hlela mintokoto ya kwala vandlheni ka ha ri emahlweni ya lava fambisaka tidyondzo hi ku tirhisa buku leyi nge Vutivi. Va nga hlamusela ndlela leyi va swi tirhiseke ha yona swiringanyeto leswi kumekaka eka xiengetelo lexi ni ndlela leyi va pfunekeke ha yona eku fambiseni ka dyondzo ya Bibele ya le kaya hi ndlela leyi humelelaka swinene. Khutaza hinkwavo leswaku va xi hlayisa xiengetelo lexi ni ku xi pfuxeta hi voxe loko va sungula dyondzo leyintshwa.

Risimu 189 ni xikhongelo xo pfala.

Vhiki Leri Sungulaka Hi August 26

Risimu 104

15 min: Switiviso swa vandlha. Hlamusela “Nongonoko Lowuntshwa Wa Nhlengeletano Yo Hlawuleka Ya Siku Rin’we.” Vika nhluvuko lowu nga kona ensin’wini leyi nga aviwangiki. Tivisa vandlha hi malunghiselelo ya September. Burisana ni muhuweleri un’we kumbe vambirhi malunghana ni ku humelela loku va veke na kona hi nkarhi wa tsima. Matsalana ni vafambisi va dyondzo ya buku va fanele va vona leswaku swiviko hinkwaswo leswi xiyekaka swa ntirho wa nsimu swa lembe ra ntirho ra 1996 swa tisiwa. Tsundzuxa vahuweleri leswaku va vika ntirho wa vona wa nsimu wa August hi ku hatlisa.

15 min: Ku Khumbeka Hi Tidyondzo Ta Vana Va Wena. Nkulumo hi nkulu. Hlamusela rungula leri nga eka matluka 2-5 ya broxara leyi nge Timbhoni Ta Yehovha Ni Dyondzo, u kombisa ndlela leyi hi tlangelaka ha yona ndzetelo lowunene lowu nyikeriwaka exikolweni. Kombisa ndlela yo hlamusela vadyondzisi hi vutlhari xivangelo xo va hi rhangisa tipakani ta moya ematshan’weni ya ku hlongorisa swilo swa le henhla swa misava. Vatswari va fanele va nyika vadyondzisi va vana va vona kopi ya broxara leyi nge Dyondzo, loko va nga si endla tano. Katsa ni tinhla leti nga eka “Mahetelelo,” eka tluka 31. Khutaza vatswari ku tirhisa swiringanyeto leswi nga eka Awake! ya September 8, 1988, tluka 11.

15 min: Hlamusela Tibuku Leti Nga Ta Fambisiwa Hi September. Hi ta tirhisa buku leyi nge U Nga Hanya Hi Masiku aParadeyisini eMisaveni. Hlamusela xivangelo lexi endlaka leswaku ku va ni xilaveko xa leswaku vanhu va kuma rungula leri buku leyi yi nga na rona. (Vona Xihondzo xo Rindza xa April 1, 1988, matluka 25-6, tindzimana 17-18.) Yisa nyingiso eka swifaniso leswi kokaka mahlo leswi nga eka matluka 3, 11-13, na 156-8 ebukwini leyi. Hlamusela tindlela leti swifaniso leswi swi nga tirhisiwaka ha yona ku sungula mabulo. Vana ni muhuweleri la nga ni vuswikoti a kombisa xingheniso xo koma hi ku tirhisa rin’wana ra Matsalwa lama kombisiweke eka matluka 156-8. Loko vandlha ra ha ri ni tikopi ta buku leyi nge Ku Endla Vutomi Bya Ndyangu Wa Wena Byi Tsakisa exitokweni, ti nga ha fambisiwa.

Risimu 113 ni xikhongelo xo pfala.