Minhlangano Ya Ntirho Ya June

Vhiki Leri Sungulaka Hi June 2

Risimu 181

8 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela xiviko xa ntirho wa nsimu xa n’hweti na n’hweti xa tiko ra ka n’wina ni xa vandlha ra ka n’wina. Tsundzuxa vahuweleri leswaku va yisa swiviko swa ntirho wa vona wa nsimu wa May hi ku hatlisa. Matsalana ni vafambisi va tidyondzo ta buku va fanele va tiyiseka leswaku swiviko hinkwaswo leswi xiyekaka swa ntirho wa nsimu swa tin’hweti leti nga hundza swa tisiwa.

15 min: “‘Tinyiketeleni Swinene.’” Swivutiso ni tinhlamulo.—Nakambe vona Xihondzo xo Rindza xa April 15, 1993, matluka 28-30.

22 min: “Vutivi Lebyi Humaka Eka Xikwembu Byi Hlamula Swivutiso Swo Tala.” La nyikelaka nkulumo leyi u burisana ni vahuweleri vambirhi kumbe vanharhu, ku katsa ni muntshwa. Hlamusela ndzimana 1, u kandziyisa xivangelo xo va buku leyi nge Vutivi yi ri leyi humelelaka swinene eku hi pfuneni ku hlamula swivutiso. Endla nkombiso wa xingheniso, ivi u ringanyeta ku antswisa eka nkombiso wun’wana ni wun’wana.

Risimu 200 ni xikhongelo xo pfala.

Vhiki Leri Sungulaka Hi June 9

Risimu 189

10 min: Switiviso swa vandlha. Xiviko xa timali. Hlamusela malunghiselelo yo hlawuleka ya ntirho wa nsimu wa June 16.

15 min: Xana U Nga Hlanganyela Hi Xitalo eVutirhelini eTin’hwetini Leti Taka? Nkulumo ni ku hlanganyela ka vayingiseri. Vo tala va hina va kunguhata mintirho leyi engetelekeke hi masiku yo wisa ya tin’hweti ta xixika, naswona leswi swi nga ha katsa ku vhaka, ku endzela maxaka, kumbe ku ya eku tihungaseni. Xana hi nga swi hlela njhani swilo leswaku mintirho ya swa le tilweni yi nga honisiwi? Bula hi tinhla leti landzelaka: (1) Ku va kona eminhlanganweni minkarhi hinkwayo, hambiloko u ri ekaya kumbe loko u endzile. (2) Hlela ku hlanganyela nkarhi na nkarhi evutirhelini, naswona loko u ri ekule ni le kaya, rhumela swiviko swa ntirho wa nsimu evandlheni. (3) Famba ni mphakelo wa tibuku leswaku u ta nyikela vumbhoni bya xitshuketa loko u ri eriendzweni. (4) Nyikela vumbhoni nindzhenga na nimadyambu, loko swi koteka. (5) Tsarisela ku va phayona ra nkarhinyana ku ringana n’hweti yin’we kumbe to tala, ngopfu-ngopfu hi nkarhi wa tsima ra nsimu leyi nga aviwangiki. (6) Vakulu endlani leswaku mintirho ya le vandlheni yi tshama yi hlelekile ni ku tiyiseka leswaku xiavelo xa munhu wo karhi xa endliwa loko a nga ri kona.

20 min: Ku Dyondzisa Van’wana—Xilaveko Xa Xihatla. Nkulumo hi nkulu. Hlamusela xiviko xa ntirho wa misava hinkwayo wa 1996 eka tluka 33 ra 1997 Yearbook. Ku endla matshalatshala lamakulu ya ku nyikela vumbhoni hinkwako-nkwako laha vanhu va nga kumekaka kona ku tswala mihandzu. Xilaveko xa xihatla sweswi i ku tlhelela lomu hi fambiseke kona tibuku ni ku dyondzisa vanhu ntiyiso. Loko hi hlangana na vona etindhawini ta mani na mani, hi fanele hi kombela mavito ni tiadirese ta vona hi vutlhari leswaku hi ta kota ku endla riendzo ro vuyela. A hi fanelanga hi byala mbewu ya Mfumo ntsena; hi fanele hi tlhela hi yi cheleta. (1 Kor. 3:6-8) Loko mbewu yi byariwe emisaveni leyinene, madyondziselo lamanene ma nga pfuna munhu leswaku a yi twisisa. (Mt. 13:23) Hi fanele hi hlanganyela hi xitalo naswona hi tirhisa vutshila entirhweni wo dyondzisa hilaha hi nga swi kotaka hakona. (Hev. 5:12a) Hlanganisa ni tinhla leti nga eka xiengetelo xa Vutirheli Bya Hina Bya Mfumo bya June 1996, tindzimana 25-6. Kandziyisa matshalatshala yo sungula tidyondzo hi ku tirhisa broxara leyi nge Leswi Xi Swi Languteleke kumbe buku leyi nge Vutivi.

Risimu 204 ni xikhongelo xo pfala.

Vhiki Leri Sungulaka Hi June 16

Risimu 192

10 min: Switiviso swa vandlha. Ringanyeta tinhla to vulavula ha tona eka timagazini ta sweswinyana.

15 min: Swilaveko swa vandlha.

20 min: Ku Vona Loko Vukhongeri Bya Wena Byi Ri Bya Ntiyiso Kumbe Bya Mavunwa. Nkulu u fambisa bulo leri a ri ni vahuweleri vambirhi kumbe vanharhu lava nga ni vuswikoti, ri sekeriwe eka Xalamuka! (hi Xinghezi) ya December 22, 1989, tluka 18. Handle ko kanakana vanhu vo tala va timbilu letinene va endzeriwa nkarhi na nkarhi. Kambe, ni sweswi a va si yi amukela dyondzo ya Bibele. Hlamusela ndlela leyi tinhla leti nga eka xihloko lexi xa Xalamuka! ti nga tirhisiwaka ha yona leswaku va kota ku vona xilaveko xo teka goza hi ku pfumelelana ni vutivi lebyi kongomeke. Hlamusela tinhla-nkulu leti nga ebukwini leyi nge Vutivi, ndzima 5: “Xana Xikwembu Xi Amukela Vugandzeri Bya Mani?” Hlaya ndzimana 20. Ku fanele ku endliwa maendzo yo vuyela eka vanhu lavo tano leswaku va khutaziwa hi musa ni hi vutlhari leswaku va amukela dyondzo ni ku va kona eminhlanganweni.

Risimu 201 ni xikhongelo xo pfala.

Vhiki Leri Sungulaka Hi June 23

Risimu 193

10 min: Switiviso swa vandlha.

15 min: Xana Va Ri Yini Hi Hina? Nkulumo leyi sekeriweke eka rungula leri kumekaka eka Watch Tower Publications Index 1986-1995, matluka 341-3. Hlawula tinhla leti xiyekaka leti kumekaka ehansi ka xihloko lexi nge “Statements by Others” mayelana ni Timbhoni ta Yehovha—mahanyelo ya hina ni ntirho wa hina. Kombisa ndlela leyi van’wana va tsakisiweke ha yona hi leswi va swi voneke eka hina. Hlamusela xivangelo xo va leswi swi fanele swi hi susumetela leswaku nkarhi na nkarhi hi va ni mahanyelo lamanene ni ku tiyisela entirhweni wa hina. Kombisa ndlela yo tirhisa tinhlamuselo to tano letinene loko hi vulavula ni lava hi va toloveleke ni vanhu lava tsakelaka lava lavaka ku tiva swo tala malunghana na hina.

20 min: “Vatswari—Letelani Vana Va N’wina Leswaku Va Chumayela.” Swivutiso ni tinhlamulo. Katsa ni nkongomiso lowu nga ebukwini leyi nge Vutirheli Bya Hina, tluka 100, ehansi ka xihlokwana lexi nge “Ku Pfuna Lavantshwa.”

Risimu 211 ni xikhongelo xo pfala.

Vhiki Leri Sungulaka Hi June 30

Risimu 197

10 min: Switiviso swa vandlha. Tsundzuxa hinkwavo leswaku va yisa swiviko swa ntirho wa nsimu wa June.

20 min: “Vantshwa—Hi Tihi Tipakani Ta N’wina Ta Moya?” Vatatana vambirhi va burisana hi xihloko lexi. Va kambisisa ndlela yo pfuna vana va vona leswaku va vona nkoka wo tivekela tipakani ta swa le tilweni, leti nga ta va tisela mikateko ya swa moya, ematshan’wini yo tikarhatela swilo leswi vonakaka.—Nakambe vona buku leyi nge Vutirheli Bya Hina, matluka 116-18.

15 min: Ku Lunghiselela Nyiko Ya Buku Ya July. Hlawula broxara yin’we kumbe timbirhi leti tsakiseke vanhu swinene ensin’wini ya n’wina, ivi u hlamusela tinhla-nkulu eka yin’wana ni yin’wana ya tona. Ringanyeta tindlela leti tinhla leti ti nga endliwaka xingheniso ha yona. Tsundzuxa hinkwavo leswaku va tsala swilo hinkwaswo leswi fambisiweke, ni ku tlhelela va ya hlakulela ku tsakela.

Risimu 109 ni xikhongelo xo pfala.