Minhlangano Ya Ntirho Ya May

Vhiki Leri Sungulaka Hi May 4

Risimu 10

8 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo.

15 min: “Moya Wa Yehovha Wu Na Hina.” Swivutiso ni tinhlamulo. Loko u fika eka ndzimana 3, tshaha mintokoto leyi faneleke eka 1998 Yearbook.

22 min: “Hlawula Swihloko Leswi Nga Ta Pfuxa Ku Tsakela Lokukulu Ka Vanhu.” Hlamusela tinhla-nkulu ta xihloko lexi. Hlamusela leswaku hambi ku ri minkandziyiso ya khale leya ha langutekaka yi nga fambisiwa hi ndlela leyi. Kombela vahuweleri leswaku va hlamusela swihloko leswi va swi kombiseke ni vuyelo lebyinene lebyi va veke na byona. Endla nkombiso wa xingheniso lexi nga eka ndzimana 7.

Risimu 212 ni xikhongelo xo pfala.

Vhiki Leri Sungulaka Hi May 11

Risimu 197

10 min: Switiviso swa vandlha. Xiviko xa timali.

20 min:Ku Antswisa Vukona Bya Hina eMinhlanganweni. Un’wana wa vakulu va komiti ya ntirho u hlamusela rungula ra le Xikolweni xa Vutirheli bya Mfumo xa sweswinyana malunghana ni nkoka wa vukona bya hina eminhlanganweni. Huvo leyi Fumaka ya karhateka swinene hikwalaho ka ku hunguteka ka nhlayo ya lava vaka kona eminhlanganweni ematikweni ya le Vupela-dyambu, ku katsa ni laha Afrika Dzonga. Hlamusela nkoka wa ku va kona nkarhi na nkarhi, ku lunghiselela ka ha ri ni nkarhi ni ku hlanganyela. Hinkwerhu, ku katsa ni vakulu, malandza ya vutirheli, maphayona ni mindyangu ya vona hi fanele hi anakanyisisa kahle malunghana ni mukhuva wa hina wa ku va kona eminhlanganweni. Va nyike tinhlayo ta kwala vandlheni ta lava vaka kona eminhlanganweni hinkwayo ni ku boxa swivangelo-nkulu leswi endlaka vamakwerhu va nga vi kona eminhlanganweni. Endla leswaku bulo ri va lerinene naswona ri khutaza.

15 min: Tinhla-nkulu Ta Broxara Leyintshwa Leyi Nge, Buku Ya Vanhu Hinkwavo. Bulo leri katsaka ni vayingiseri ehenhleni ka mhaka leyi ha yona Bibele yi faneriwa hi ku kambisisiwa hi hina. Broxara leyi yi lunghiseleriwe ku pfuna vanhu lava nga ha vaka va dyondzekile kambe va nga tivi swo tala hi Bibele. Ematshan’wini yo va khorwisa leswaku Bibele yi huhuteriwe hi Xikwembu, broxara leyi yi tshika mintiyiso yi tivulavulela. Hi fanele hi yi hlaya ni ku byela van’wana ha yona, ku katsa ni lava hi dyondzaka na vona.

Risimu 48 ni xikhongelo xo pfala.

Vhiki Leri Sungulaka Hi May 18

Risimu 141

8 min: Switiviso swa vandlha.

17 min: “Xana U Nghenisiwe ‘Mutwa eNyameni’”? Swivutiso ni tinhlamulo. Nyika nhlamuselo malunghana ni “Swivutiso Swa Vahlayi” eka Xihondzo xo Rindza xa November 15, 1987, tluka 29.

20 min: “Ha Yini U Hlayisa Rhekhodo Ya Lava Nga Riki Kona eKaya?” Swivutiso ni tinhlamulo. Endla leswaku mhaka leyi yi tirha kwala vandlheni.

Risimu 139 ni xikhongelo xo pfala.

Vhiki Leri Sungulaka Hi May 25

Risimu 137

10 min: Switiviso swa vandlha. Tsundzuxa hinkwavo leswaku va tisa swiviko swa vona swa ntirho wa nsimu swa May.

min: Swilaveko swa vandlha.

20 min: Lexi Ndzi Endlaka Ndzi Vona Nkoka Wa Minhlangano Ya Vandlha. Nkulu u fambisa bulo leri ni ntlawa wa lava vaka kona nkarhi na nkarhi lava yimelaka xiphemu-nkulu xa vandlha, kumbexana ku katsa ni mpatswa lowu tekaneke, munhu la dyuhaleke ni n’wana wa kondlo-a-ndzi-dyi. Va vula xivangelo lexi endlaka leswaku va va kona nkarhi na nkarhi: xinakulobye lexinene, ndzetelo lowu humaka eka Xikwembu ni ndzayo leyinene, leswi va pfunaka ku langutana ni swiphiqo swa siku na siku ni ku tshama va tiyile emoyeni. Tinhlamuselo ti fanele ti kandziyisa ndlela leyi hinkwerhu ka hina hi pfuniweke ha yona hikwalaho ka leswi hi vaka kona eminhlanganweni nkarhi na nkarhi.

Risimu 222 ni xikhongelo xo pfala.