Xiyimiso Xa Nhlangano Wa Ntirho
Vhiki Leri Sungulaka Hi May 8
Risimu 125
15 min: Switiviso swa vandlha ni switiviso leswi hlawuriweke eka Vutirheli Bya Hina Bya Mfumo. Pfuxeta xihloko lexi nge “Ku Valanga Miako Ya Rhavi Ra Afrika Dzonga.”
30 min: “Ku Hlayisa Tiholo Ta Hina Ta Mfumo.” Bulo hi swivutiso ni tinhlamulo. Kombisa ndlela leyi rungula leri ri tirhaka ha yona endhawini ya ka n’wina. Hlamusela swilaveko swa ku hlayisa Holo ya n’wina ya Mfumo ni xiyimiso xa ku yi basisa. Khutaza hinkwavo leswaku va kombisa moya wa ku xixima ndhawu ya vona ya vugandzeri hi ku hlayisa holo minkarhi hinkwayo.
Risimu 201 ni xikhongelo xo pfala.
Vhiki Leri Sungulaka Hi May 15
Risimu 134
10 min: Switiviso swa vandlha. Xiviko xa timali.
15 min “Tsima Ra Ku Aka Tiholo Ta Mfumo.” Nkulumo ya swivutiso ni tinhlamulo. Hlamusela ndlela leyi vandlha ri nga va pfunaka ha yona lava pfumalaka Holo ya Mfumo. Loko vandlha ra ka n’wina ri ta swi kota ku pfuna vandlha ra le kusuhi ni ra ka n’wina, huvo ya vakulu yi nga vulavurisana ni vandlha rero hi ku kongoma, kumbe loko mi lava ku pfuna vandlha leri nga ekule na n’wina, va nga ha vulavula ni mulanguteri wa xifundzha kumbe Sosayiti.
20 min: Va Hlawule Hi Ndlela Ya Vutlhari. Nkulumo leyi sekeriweke eka Xihondzo xo Rindza xa October 15, 1997, matluka 19-21, tindzimana 3-16. Rungula leswi phofuriweke hi maphayona lama hisekaka, lama kombisaka xivangelo xo va ma titwa ma tirhise vutomi bya wona hi ndlela leyi vuyerisaka ni leyi ma tiseleke ntsako lowukulu ni ku eneriseka. Khutaza vayingiseri hinkwavo leswaku va anakanyisisa hi mintokoto yoleyo ni ku anakanyisisa hi ku va maphayona.
Risimu 203 ni xikhongelo xo pfala.
Vhiki Leri Sungulaka Hi May 22
Risimu 36
12 min: Switiviso swa vandlha. Pfuxeta Bokisi Ra Swivutiso.
20 min: “Tshamani Mi Hitekile.” Nkulumo ya swivutiso ni tinhlamulo. Hlamusela leswaku ha yini swi ri swa xihatla leswaku hi tshama hi hitekile hi tlhelo ra moya hambileswi hi nga tiviki siku ni nkarhi. (Vona Xihondzo xo Rindza xa November 1, 1995, tluka 20.) Kandziyisa leswaku ku hlanganyela hi xitalo evutirhelini i yin’wana ya tindlela letinene ta ku tshama hi xalamukile enkarhini lowu wa makumu, lowu hi hanyaka eka wona.
13 min: Swilaveko swa vandlha.
Risimu 83 ni xikhongelo xo pfala.
Vhiki Leri Sungulaka Hi May 29
Risimu 135
12 min: Switiviso swa vandlha. Tsundzuxa hinkwavo leswaku va siya swiviko swa ntirho wa vona wa le nsin’wini wa May. Endla nkombiso wo koma wa ku fambisiwa ka nyiko ya June. Kombisa ndlela ya ku sungula dyondzo ya Bibele, u tirhisa dyondzo 13 ya broxara leyi nge Leswi Xi Swi Languteleke.
15 min: “Ku Kuma Ntsako eNtirhweni Wa Wena Wo Kwetsima.” Nkulumo. Hlamusela leswaku ha yini hi ri ni xivangelo xa ku tsaka evutirhelini bya hina. (Vona Insight, Vholumo 2, tluka 120.) Hlamusela swilo leswi tolovelekeke, leswi hi nga swi endlaka leswaku hi kuma ntsako lowu engetelekeke.
18 min: Ku Hlaya Ka Bibele Loku Vuyerisaka. Nkulumo ni nkombiso lowu sekeriweke eka Buku Yo Letela Ya Xikolo, matluka 34-5, tindzimana 6-7. Nongonoko wa ku hlaya Bibele lowu tolovelekeke, lowu tinhla-nkulu ta Bibele ti sekeriweke eka wona, i xiphemu xa dyondzo ya Xikolo xa Vutirheli bya le Tilweni. (Vutirheli Bya Hina Bya Mfumo bya December 1999, tluka 7) Hlamusela ndlela leyi ku hlaya loku ka vhiki ni vhiki ku nga endliwaka ha yona hi ndlela leyi tsakisaka ni leyi humelelaka, hi munhu ha un’we ni hi mindyangu. Hlamusela ndlela yo endla ndzavisiso leswaku munhu a ta kurisa matwisiselo ya yena ya Bibele. Kombela ndyangu wu kombisa ndlela leyi wu tameleke matsalwa ya nhlayo wa vhiki rero wa xikolo. Wu kandziyisa yinhla yin’we kumbe timbirhi leti tsakisaka kutani wu endla ndzavisiso eka Watch Tower Publications Index kumbe eka Insight on the Scriptures. Kombisa ndlela leyi ku hlaya Bibele ku nga hi vuyerisaka swinene ha yona, ku hi pfuna ku ri “tamela khwatsi rito ra ntiyiso.”—2 Tim. 2:15.
Risimu 95 ni xikhongelo xo pfala.
Vhiki Leri Sungulaka Hi June 5
Risimu 37
10 min: Switiviso swa vandlha. Hlamusela malunghiselelo ya ntirho wa nsimu hi June 16.
20 min: “Lunghelo Leri Pfulekeleke Vana.” Nkulumo leyi katsaka ni vayingiseri. Rungula mintokoto leyi kumekaka eka Xihondzo xo Rindza xa December 1, 1996, tluka 13, ndzimana 15. Kombela vana leswaku va hlamusela ndlela leyi va tsakeleke ku fambisa timagazini ha yona. Kombela n’wana un’we kumbe vambirhi va kombisa ndlela yo olova ya ku fambisa timagazini hi yindlu ni yindlu. Khutaza vatswari leswaku va famba ni vana va vona loko va ya fambisa timagazini vhiki rin’wana ni rin’wana.
15 min: “‘Ku Kamberiwa Loko U Faneleka’—Njhani?” Nkulumo hi nkulu. Kombisa lunghiselelo ra Matsalwa ra ku va ni malandza ya vutirheli evandlheni. (Vona Insight, Vholumo 2, tluka 409.) Kombisa leswaku vamakwerhu va fanele ku fikelela swilaveko swihi leswaku va ta fanelekela ku va malandza ya vutirheli. (Vona buku ya Vutirheli Bya Hina, matluka 55-7.) Kombisa tindlela leti malandza ya vutirheli ma pfunaka ha tona, u khutaza vamakwerhu lava engetelekeke leswaku va lwela ku fanelekela lunghelo leri.
Risimu 82 ni xikhongelo xo pfala.