Xiyimiso Xa Nhlangano Wa Ntirho
Vhiki Leri Sungulaka Hi August 14
Risimu 114
12 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Bula hi xiviko xa ntirho wa le nsin’wini xa July xa vandlha ra ka n’wina. Ku sele mahelo-vhiki mambirhi ntsena eka August, hikokwalaho khutaza hinkwavo leswaku va hlanganyela evutirhelini n’hweti yi nga si hela. Pfuxeta xiyimiso xa mahelo-vhiki xa minhlangano ya ntirho wa nsimu.
15 min: “Lwana Nyimpi Leyinene Ya Ripfumelo.” Xingheniso xa wena xi nga tluli minete kutani ku landzela bulo ra swivutiso ni tinhlamulo. Kuma tinhla leti engetelekeke eka buku leyi nge Vutirheli Bya Hina, matluka 44-5, ku kombisa ndlela leyi vafambisi va Dyondzo ya Buku ya Vandlha va hlelaka ntirho wa nsimu emintlaweni ya vona, kutani va yisa nyingiso eka un’wana ni un’wana la lavaka ku pfuniwa hi ku kongoma leswaku a hlanganyela entirhweni lowu ni ku vika vutirheli bya yena nkarhi ni nkarhi.
18 min: Ndlela Leyi Ku Ya eXikolweni Ku Nga Ku Vuyerisaka Ha Yona. Tatana u vulavula ni vana vakwe ku va pfuna va tlangela leswaku ha yini dyondzo ya le xikolweni yi vuyerisa. (Vona buku leyi nge Swivutiso Leswi Vantshwa Va Swi Vutisaka, matluka 133-9.) Vantshwa vo tala va vona onge ku ya exikolweni namuntlha i ntlhontlho lowukulu emisaveni ya vanhu lava nga lawulekiki. Nakambe va titwa va phirhekile, va hetelela va vona onge leswi va swi dyondzaka a swi nge va pfuni nchumu. Tatana u pfuxeta misinya ya milawu ya Matsalwa ni swivangelo leswi twalaka swa leswaku ha yini ku ri vutlhari ku kuma dyondzo leyi ringaneke ya le xikolweni. U khutaza vana vakwe ku dyondza kahle ni ku rhiya ndleve etlilasini.
Risimu 127 ni xikhongelo xo pfala.
Vhiki Leri Sungulaka Hi August 21
Risimu 143
12 min: Switiviso swa vandlha. Xiviko xa timali. Endla nkombiso wa le ntirhweni wa nsimu lowu lunghiseleriweke kahle, lowu kombisaka ndlela ya ku hlamula xivutiso lexi nge: “Hikwalaho ka yini Xikwembu lexi nga ni rirhandzu xi pfumelela ku xaniseka ku heta nkarhi wo leha swonghasi?” (Ku Hlamulana, matluka 106-7.) Khutaza hinkwavo leswaku va hlanganyela evutirhelini eka mahelo-vhiki lawa.
8 min: “Nongonoko Lowuntshwa Wa Siku Ra Nhlengeletano Yo Hlawuleka.” Nkulumo. Vula siku ra nhlengeletano yo hlawuleka leyi landzelaka loko ri tivisiwile, kutani u khutaza hinkwavo leswaku va va kona siku hinkwaro. Khutaza vahuweleri leswaku va rhamba vanhu lava ha ku tsakelaka ni swichudeni swa Bibele.
25 min: “Xana Wa Tivuyerisa?” Swivutiso ni tinhlamulo.
Risimu 152 ni xikhongelo xo pfala.
Vhiki Leri Sungulaka Hi August 28
Risimu 165
10 min: Switiviso swa vandlha. Tsundzuxa hinkwavo leswaku va siya swiviko swa ntirho wa nsimu wa August. Vafambisi va Dyondzo ya Buku ya Vandlha va fanele ku vona leswaku hinkwavo lava nga emintlaweni ya vona va vika, leswaku swiviko hinkwaswo swi va swi hlanganisiwile hi September 6. Bula hi tinhla ta nkoka ta papila leri humaka eka Sosayiti leri a ri kongomisiwe eka mavandlha hinkwawo ra July 1, 2000, malunghana ni ku vika. Tivisa hi leswi endliweke ensin’wini leyi nga aviwangiki. Tivisa vandlha hi malunghiselelo ya September. Bula ni un’we kumbe vambirhi hi ndlela leyi va humeleleke ha yona ku ta fika sweswi.
15 min: Swilaveko swa vandlha.
20 min: “Vantshwa Va Vuyeriwa Hi Minhlangano.” Bulo ra swivutiso ni tinhlamulo leri fambisiwaka hi nkulu. Loko mi fika eka ndzimana 8, boxa swilo leswi tirhaka leswi nga pfunaka ku tshama u xalamukile ni ku yingisela eminhlanganweni. (Vona Xalamuka! ya October 8, 1998, matluka 23-4.) Khutaza vatswari leswaku va tiyisa voko loko swi ta emhakeni ya leswaku vana va vona va va kona nkarhi na nkarhi eminhlanganweni.—Vona ntokoto lowu nga eka Xihondzo xo Rindza xa September 1, 1997, tluka 25.
Risimu 176 ni xikhongelo xo pfala.
Vhiki Leri Sungulaka Hi September 4
Risimu 196
15 min: Switiviso swa vandlha. Bokisi Ra Swivutiso. Kombela leswaku vahuweleri va rungula mintokoto leyi va yi kumeke loko va nyikela vumbhoni hi xitshuketa.
10 min: Nkarhi Lowu Hi Hanyaka Eka Wona Wu Hlawulekile. Nkulumo hi nkulu leyi sekeriweke eka Xihondzo xo Rindza xa November 15, 1996, matluka 22-3.
20 min: “Xana Wa Tiyisela?” Nkulumo leyi katsaka ni ku bula ni vayingiseri. Khutaza hinkwavo leswaku va anakanyisisa hi ndlela leyi ha un’we a humeleleke ha yona loko a tiyisela evutirhelini bya Vukreste. Ku ni xilaveko xa ku titiyisa emoyeni loko u tivona u tsana. Katsa tinhlamuselo leti humaka eka Xihondzo xo Rindza xa October 1, 1999, matluka 20-1, tindzimana 17-21. Kombela vahuweleri vambirhi kumbe vanharhu lava tiyiseleke nkarhi wo leha hi vutshembeki leswaku va vula lexi va xi endlaka leswaku va kota ku tiyisela.
Risimu 206 ni xikhongelo xo pfala.