Xiyimiso Xa Nhlangano Wa Ntirho

Vhiki Leri Sungulaka Hi October 9

Risimu 11

8 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

12 min: “Xana Ndzi Fanele Ku Rhurha?” Nkulumo hi nkulu. Hlamusela leswaku ha yini swi lava ku tirhisa vutlhari loko u lava ku rhurhela kun’wana. Hlamusela ndlela leyi ndzayo leyi kumekaka eka Swivuriso 22:3 yi nga tirhisiwaka ha yona. Katsa ni tinhlamuselo ta swilemukiso leswi kumekaka eka Xihondzo xo Rindza xa August 15, 1988, tluka 22.

25 min: “Gidi Ra Malembe Lerintshwa—Xana Vumundzuku Byi Ku Khomele Yini?” Bulo leri hanyaka hi mulanguteri wa ntirho. Endzhaku ko hlaya xitiviso lexi rhumeriweke ni papila leri Sosayiti yi ri rhumeleke vakulu ra June 20, 2000, nyikani un’wana ni un’wana wa vayingiseri kopi ya Kingdom News No. 36. Kutani yana emahlweni ni bulo ra swivutiso ni tinhlamulo hi xihloko xexo. Hlamusela malunghiselelo lawa vandlha ra ka n’wina ri ma endleke leswaku ku hlanganisiwa nsimu hinkwayo. Kombisa ndlela leyi vanhu lava ha ku sungulaka ku hlanganyela ni vana va nga pfuniwaka ha yona leswaku va faneleka ku va vahuweleri lava nga khuvuriwangiki. Endla nkombiso wo koma. Kandziyisa xilaveko xa leswaku un’wana ni un’wana a hlanganyela hi xitalo eka tsima leri.

Risimu 53 ni xikhongelo xo pfala.

Vhiki Leri Sungulaka Hi October 16

Risimu 104

15 min: Switiviso swa vandlha. Xiviko xa timali. Bula hi malunghiselelo lama endliweke ku ya tirha nsimu leyi nga aviwangiki hi mahelo-vhiki yo hetelela ya October. Tsundzuxa vahuweleri leswaku timagazini ta Xihondzo xo Rindza na Xalamuka! ti ta fambisiwa swin’we ni Kingdom News No. 36 hi mahelo-vhiki.

15 min: “Xana Wa Swi Tlangela Swilo Swo Kwetsima?” Nkulumo hi nkulu. Kandziyisa nkoka wa ku va kona masiku hinkwawo manharhu ya ntsombano wa muganga.

15 min: “Timhaka Ta N’wina Hinkwato A Ti Endleke Hi Rirhandzu.” Bulo ra swivutiso ni tinhlamulo. Hlamusela swin’wana swa swiphiqo leswi vaka kona loko vanhu va nga landzeli minkongomiso leyi khumbanaka ni ku kuma byetlelo.

Risimu 131 ni xikhongelo xo pfala.

Vhiki Leri Sungulaka Hi October 23

Risimu 150

13 min: Switiviso swa vandlha.

16 min: “Yingisa Marito Lama Hlawulekisiweke.” Swivutiso ni tinhlamulo. Kandziyisa swivangelo swa leswaku ha yini hinkwerhu hi fanele ku va hi tshamisekile loko xiyimiso xi sungula.

16 min: “Tikhome Hi Ndlela Leyinene Leyi Dzunisaka Xikwembu.” Nkulu u bula ni ndyangu hi xihloko lexi. Va pfuxeta leswi va faneleke ku swi endla leswaku va tshama va hlelekile, va kombisa mikhuva leyinene, ku tenga ni ku va xikombiso lexinene hi ku tilunghisa ni ku tikhoma lokunene etindhawini ta mani na mani.

Risimu 211 ni xikhongelo xo pfala.

Vhiki Leri Sungulaka Hi October 30

Risimu 167

8 min: Switiviso swa vandlha. Tsundzuxa vahuweleri hinkwavo leswaku va siya swiviko swa ntirho wa nsimu wa October.

12 min: Mintokoto Ya Ku Fambisiwa Ka Kingdom News No. 36. Kombela vahuweleri vo hambana-hambana leswaku va rungula vuyelo lebyi khutazaka lebyi va byi kumeke loko va fambisa Kingdom News No. 36. Kombela maphayona ya nkarhi hinkwawo ni ya nkarhinyana leswaku ma phofula ku tlangela ka wona ntirho wo tala lowu endliweke hi nkarhi wa tsima leri ni lunghelo leri ma vaka na rona ra ku tirha ni vahuweleri vo hambana-hambana.

15 min: “Vanhu Van’wana Va Titshege Hi Wena.” Bulo ra swivutiso ni tinhlamulo. Khutaza hinkwavo leswaku va anakanyisisa hi vutihlamuleri lebyi va nga na byona emhakeni ya ku aka mindyangu ya vona ni vandlha. Hinkwerhu hi endla swo tala leswaku hi tiyisa van’wana hi xikombiso xa hina lexinene ni marito lama khutazaka.

10 min: Ku Yimbelela—I Xiphemu Xa Nkoka Xa Vugandzeri Bya Hina. Mufambisi wa dyondzo ya buku u bula ni vahuweleri vambirhi hi ndlela leyi va yimbelelaka ha yona eminhlanganweni ya vandlha. U xiye leswaku swi tikomba va nga tikarhati ngopfu loko va yimbelela. U avelana na vona tinhla leti humaka eka Xihondzo xo Rindza xa February 1, 1997, matluka 27-8. Va kambisisa marito ya rin’wana ra tinsimu leti nga ta yimbeleriwa eka Dyondzo ya Xihondzo xo Rindza ya vhiki rero, hilaha swi ringanyetiweke hakona eka Xihondzo xo Rindza xa July 1, 1999, tluka 20, ndzimana 12. Hi ku tekela vuyimbeleri enhlokweni, hi yimbelela hi ndlela leyi nga ta dzunisa Yehovha hi mbilu hinkwayo.

Risimu 15 ni xikhongelo xo pfala.

Vhiki Leri Sungulaka Hi November 6

Risimu 198

10 min: Switiviso swa vandlha. Bula hi leswi se swi endliweke eku fambisiweni ka Kingdom News No. 36. Vika leswaku se ku hlanganisiwe nsimu yo tanihi kwihi ku ta fikela sweswi ni leswa ha ta endliwaka leswaku yi va yi hlanganisiwile hi November 17.

20 min: Yi Lunghiselele Kahle Minhlangano. Nkulumo ni bulo ni vayingiseri. Vuyelo lebyi hi byi kumaka eminhlanganweni byi titshege ngopfu hi matshalatshala lawa hi ma endlaka ku yi lunghiselela. Pfuxeta swiringanyeto leswi tirhaka leswi nyikiweke eka Xihondzo xo Rindza xa March 1, 1998, matluka 15-16, tindzimana 8-11. Kombela vayingiseri leswaku va hlamusela ndlela leyi va tikarhataka ha yona leswaku va kuma nkarhi wa ku lunghiselela kahle.

15 min: Hinkwerhu Hi Nga Kombisa Leswaku Hi Na Wona Moya Wa Vuphayona. Bulo exikarhi ka mufambisi wa dyondzo ya buku ni mupfuneti wakwe, leri sekeriweke eka Xihondzo xo Rindza xa October 15, 1997, matluka 22-3. Bulani hi ndlela leyi swi nga vaka swinene ha yona loko ko va ni maphayona lama engetelekeke evandlheni ni leswi vahuweleri hinkwavo va nga swi endlaka leswaku pakani leyi yi fikeleriwa. Nakambe bulani hi tindlela ta ku khutaza lava nga maphayona sweswi leswaku va khomelela eka byona ni ndlela leyi ha yona hinkwavo evandlheni va nga hlakulelaka ku hisekela vutirheli.

Risimu 223 ni xikhongelo xo pfala.