Xiyimiso Xa Nhlangano Wa Ntirho

Vhiki Leri Sungulaka Hi July 14

Risimu 56

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Mulanguteri wa ntirho u hlamusela hi ta makungu ya ntirho wa nsimu leyi nga aviwangiki. Pfuxetani papila leri vulavulaka hi nsimu leyi nga aviwangiki, ra May 30, 2003, minkandziyiso leyi nga ta fambisiwa, masiku, ndhawu leyi nga ta tirhiwa, byetlelo ni malunghiselelo ya swo famba ha swona. Xana van’wana va nga nghenela vuphayona bya nkarhinyana? Mavandlha lama nga yiki ensin’wini leyi nga aviwangiki ma fanele ma kunguhata ku tirha nsimu ya wona leyi nga tirhiwiki hi xitalo. Hi ku tirhisa swiringanyeto leswi nga eka tluka 4, hlela minkombiso yimbirhi yo fambisa Xihondzo xo Rindza xa July 15 ni Xalamuka! ya August 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena.

15 min: Xana Ku Gandzela Yehovha Ku Hi Vuyerisa Hi Ndlela Yihi? Nkulumo leyi katsaka vayingiseri. Vugandzeri bya ntiyiso i xilotlelo xa ntsako ni vutomi lebyi nga ni xikongomelo. (1) Byi hi pfuna ku langutana ni swiphiqo swin’we ni mivilelo ya vutomi. (Filp. 4:6, 7) (2) Byi hi khutaza ku hlakulela timfanelo leti tsakisaka Xikwembu. (2 Pet. 1:5-8) (3) Byi hi pfuna ku tirhisa nkarhi ni rifuwo ra hina hi ndlela leyinene. (1 Tim. 6:17-19) (4) Byi hi nyika ntshembo wa xiviri. (2 Pet. 3:13) (5) Byi hi pfuna ku hlakulela vuxaka bya le kusuhi na Yehovha. (Yak. 4:8) Kombisa leswaku swilo leswi a swi kumeki exikarhi ka vanhu lava nga n’wi tiviki Yehovha kumbe lava nga n’wi tirheliki.

20 min: “Ku Tlangela Tintswalo Ta Xikwembu.”a Loko mi fika eka ndzima 3, nyikela swiringanyeto swo sungula ntila wa timagazini, hi ku landza rungula leri nga eka Vutirheli Bya Hina Bya Mfumo bya October 1998 tluka 12. Kombela muhuweleri un’we kumbe vambirhi lava fanelekaka, va hlamusela ndlela leyi va yi voneke yi humelela yo sungula tidyondzo ta Bibele. Khutaza hinkwavo leswaku va tivekela pakani yo sungula ni ku fambisa dyondzo ya Bibele.—om-TS tl. 91.

Risimu 176 ni xikhongelo xo pfala.

Vhiki Leri Sungulaka Hi July 21

Risimu 184

10 min: Switiviso swa vandlha. Swiviko swa timali.

10 min: “Xiyimiso Lexintshwa Xa Nhlengeletano Ya Xifundzha.” Nkulumo leyi katsaka vayingiseri. Tivisa siku ra nhlengeletano ya xifundzha leyi landzelaka. Loko vandlha ri ta ya enhlengeletanweni ya rona etin’hwetini ti nga ri tingani leti taka, boxa leswaku lava va lavaka ku khuvuriwa va fanele va tivisa mulanguteri la ungamelaka. Khutaza hinkwavo leswaku va endla matshalatshala lama hlawulekeke yo rhamba swichudeni swa Bibele ni ku va kona eka nongonoko hinkwawo.

25 min: Tekelela Xivindzi Xa Vona Eku Chumayeleni. Mbulavurisano ni vayingiseri lowu sekeriweke ebukwini leyi nge Gandzela Xikwembu matluka 170-1. Kombela vayingiseri leswaku va nyikela tinhlamulo ta swivutiso leswi nga eka ndzimana 7 ni ku katsa matsalwa lama kombisiweke loko va nyikela tinhlamulo ta vona. Hlawula matsalwa yo karhi kutani u ma hlaya. Kandziyisa dyondzo leyi hi yi kumaka eka matsalwa lawa swin’we ni ndlela leyi ma hi pfunaka ha yona leswaku hi va ni langutelo lerinene hi ntirho wa hina wo chumayela.

Risimu 201 ni xikhongelo xo pfala.

Vhiki Leri Sungulaka Hi July 28

Risimu 45

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa July. Hi ku tirhisa swiringanyeto leswi nga eka tluka 4, hlela minkombiso yimbirhi yo fambisa Xihondzo xo Rindza xa August 1 ni Xalamuka! ya August 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena. Eka nkombiso wun’wana, muhuweleri u fanele a va a ri eku nyikeleni ka vumbhoni hi xitshuketa.

15 min: Switiviso swa vandlha.

20 min: “Ku Chumayela Hi Ntlawa Swa Tsakisa.”b Loko mi fika eka ndzima 3, katsa ni tinhlamuselo leti nga eka Bokisi Ra Swivutiso leri kumekaka eka Vutirheli Bya Hina Bya Mfumo bya September 2001. Hi ku komisa vulavurisana ni mulanguteri wa Dyondzo ya Buku ya Vandlha. N’wi vutise hi malunghiselelo yo tirha nsimu lawa a ma endleke ni ndlela leyi ntlawa lowu wu vuyeriwaka ha yona hi ku chumayela swin’we.

Risimu 36 ni xikhongelo xo pfala.

Vhiki Leri Sungulaka Hi August 4

Risimu 178

10 min: Switiviso swa vandlha. Boxa minkandziyiso leyi nga ta fambisiwa en’hwetini leyi. Endla nkombiso wun’we kumbe mimbirhi yo koma leyi nga tirhisiwaka.

20 min: “Ku Fambisa Tibuku eNsin’wini Leyi Nga Ni Tindzimi To Tala.”* Tirhisa swivutiso leswi nga kona laha. Loko mi fika eka ndzima 3, endla nkombiso wa xingheniso xo olova hi ririmi rimbe leri vulavuriwaka ensin’wini ya ka n’wina naswona ku nga riki na vandlha leri tirhisaka ririmi rero.—km-TS 7/02 tl. 1 ndz. 4.

15 min: Vantshwa Va Dzunisa Yehovha! Nkulumo leyi katsaka vayingiseri swin’we ni mimbulavurisano. Ha tsaka loko hi twa vantshwa va nyikela tinhlamulo leti lunghiseleriweke kahle eminhlanganweni. Ku gingiriteka ka vona swin’we ni nhluvuko lowu va wu endlaka eXikolweni xa Vutirheli bya le Tilweni swa hi tsakisa. Va kombisa ripfumelo ra xiviri loko va nyikela vumbhoni ensin’wini. Mahanyelo ya vona lamanene ma yisa ku dzuneka eka Yehovha. (yb88 matl. 53-4) Nhluvuko wa moya lowu va wu endlaka wu ta endla leswaku va kuma malunghelo ya ntirho enkarhini lowu taka. Hi ku komisa vulavurisana ni vantshwa vambirhi kumbe vanharhu va Vakreste lava hisekelaka mintirho ya vandlha. Bumabumela vantshwa evandlheni hikwalaho ka matshalatshala lawa va ma endlaka leswaku va dzunisa Yehovha.

Risimu 49 ni xikhongelo xo pfala.

[Tinhlamuselo ta le hansi]