Xiyimiso Xa Nhlangano Wa Ntirho

Vhiki Leri Sungulaka Hi October 13

Risimu 215

10 min: Switiviso swa vandlha ni Switiviso leswi hlawuriweke eka Vutirheli Bya Hina Bya Mfumo. Hi ku tirhisa swiringanyeto leswi nga eka tluka 12, endla minkombiso yimbirhi yo fambisa Xihondzo xo Rindza xa October 15 ni Xalamuka! ya November 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena. Enkombisweni wun’wana, kombisa ndlela yo endla riendzo ro vuyela eka munhu loyi u hambaka u n’wi tisela timagazini. Veka xisekelo xa ku tlhela u vuya hi ku n’wi komba bokisi leri nge “Enkandziyisweni Werhu Lowu Landzelaka.”—Vona Vutirheli Bya Hina Bya Mfumo bya October 1998, tl. 12, tindz. 7-8.

20 min: “Tirhela Yehovha Hi Ku Tsaka.”a (Hinkwavo va fanele va va ni xiengetelo xa Vutirheli Bya Hina Bya Mfumo bya January 2002 eka mbulavurisano lowu.) Endzhaku ko vulavurisana hi ndzimana 4, boxa leswaku hi November ku ta fambisiwa broxara leyi nge Leswi Xi Swi Languteleke ni buku leyi nge Vutivi. Hi ku komisa pfuxeta xingheniso xin’we eka leswi ringanyetiweke eka xiengetelo xa Vutirheli Bya Hina Bya Mfumo bya January 2002. Kutani endla nkombiso lowu eka wona vamakwerhu va titolovetaka xingheniso lexi. Khutaza hinkwavo leswaku va lunghiselela kahle va nga si ya ensin’wini.

15 min: “Ku Hlengeletana Swin’we Leswaku Hi Dzunisa Yehovha.”b Tirhisa swivutiso leswi nga eka xihloko lexi. Khutaza hinkwavo leswaku va va kona eka nongonoko hinkwawo, ku sukela hi siku ro sungula ku ya fikela hi Sonto nindzhenga. Kandziyisa xilaveko xo tirhisa leswi hi swi dyondzaka ematshan’weni yo yingisela ntsena. Hi February ku ta va ni mpfuxeto wa tinhla ta ntsombano. Khutaza hinkwavo leswaku va tsala tinhla.

Risimu 172 ni xikhongelo xo pfala.

Vhiki Leri Sungulaka Hi October 20

Risimu 86

10 min: Switiviso swa vandlha. Nyikela xiviko xo koma malunghana ni nsimu leyi nga aviwangiki. Hlamusela malunghiselelo yo hetelela ya vhiki ra November 1 na 2, 2003, ni ku khutaza hinkwavo leswaku va hlanganyela.

15 min: “Matimba Ya Tivhidiyo Ma Nyikela Vumbhoni.” Bulo ni vayingiseri. Endzhaku ko vulavula hi swikombiso leswi nga eka xihloko lexi, kombela vayingiseri va hlamusela vuyelo lebyi va veke na byona hikwalaho ko komba van’wana tivhidiyo leti. Mavandlha lama nga riki na yona michini ya tivhidiyo ma nga bula hi swilaveko swa vandlha.

20 min: “Ku Ambala Kahle Swi Kombisa Ku Chava Xikwembu.”c Yi fanele yi nyikeriwa hi nkulu. Tirhisa swivutiso leswi nga eka xihloko lexi. Kombela makwerhu loyi a nga ni vuswikoti byo hlaya leswaku a hlaya ndzimana yin’wana ni yin’wana.

Risimu 112 ni xikhongelo xo pfala.

Vhiki Leri Sungulaka Hi October 27

Risimu 64

10 min: Switiviso swa vandlha. Xiviko xa timali. Tsundzuxa vahuweleri leswaku va siya swiviko swa vona swa ntirho wa nsimu wa October. Tsundzuxa hinkwavo leswaku va pfuxeta tinhla ta vona ta nongonoko wa nhlengeletano yo hlawuleka ya siku rin’we ya lembe ra ntirho leri hundzeke leswaku va ta hlamula eka Nhlangano wa Ntirho wa vhiki leri taka. Hi ku tirhisa swiringanyeto leswi nga eka tluka 12, endla minkombiso yimbirhi yo fambisa Xihondzo xo Rindza xa November 1 ni Xalamuka! ya November 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwa wun’we ntsena. Eka nkombiso wun’we, kombisa ndlela yo hlamula lava sivaka bulo va ku “A ndzi swi tsakeli.”—Vona buku leyi nge Ku Hlamulana, tl. 16.

20 min: “Hlutekani eMianakanyweni Tanihi Leswi Makumu Ma Tshinelaka.”d Loko mi fika eka tindzimana 3-4, kombela vayingiseri va hlamusela tipakani ta vona ta moya leti sweswi va ringetaka ku ti fikelela. Katsa ni tinhlamuselo leti kumekaka eka tluka 176 ra buku leyi nge Gandzela Xikwembu.

15 min: “Vana Xikombiso Lexinene eMintirhweni Leyinene.”e Tirhisa swivutiso leswi nga eka xihloko lexi. Kandziyisa nkoka wa ku namarhela malunghiselelo ya byetlelo lawa hi nyikiweke wona. Hlamusela leswaku ha yini swi ri swa nkoka leswaku hinkwerhu hi tikhoma kahle.

Risimu 52 ni xikhongelo xo pfala.

Vhiki Leri Sungulaka Hi November 3

Risimu 147

10 min: Switiviso swa vandlha. Marungula Ya Swa Mfumo.

10 min: Swilaveko swa vandlha.

25 min: Fuwa Hi Mintirho Leyinene. (1 Tim. 6:18) Hi ku tirhisa swivutiso leswi nga laha, nkulu u bula ni vayingiseri hi nongonoko wa nhlengeletano yo hlawuleka ya siku rin’we leyi khomiweke eka lembe ra ntirho leri hundzeke. Kombela vandlha ri hlamusela leswaku ri swi tirhise njhani leswi ri swi dyondzeke. (U nga avela van’wana ka ha ri emahlweni.) Kandziyisa tinkulumo leti landzelaka: (1) “Mintirho Leyinene Ya Vuyerisa Swinene.” (Ekl. 2:11) Ha yini malandza ya Xikwembu ma endla mintirho leyinene leyi hlamuseriweke eRitweni ra Xikwembu ematshan’weni yo endla mintirho ya hava ya misava leyi? (2) “Mi Va Lava Fuweke Hi Ku Ya Hi Langutelo Ra Xikwembu.” (Mat. 6:20) Xana van’wana va ‘tihlayisele xuma etilweni’ hi ndlela yihi naswona va vuyeriwe njhani? (3) “Fuwisa Vutirheli Bya Wena Hi Dyondzo Ya Bibele.” (om-TS tl. 91) I yini leswi nga hi pfunaka ku sungula ni ku fambisa dyondzo ya Bibele? (4) “Mintirho Leyinene eNkarhini Lowu Wa Ntshovelo.” (Mat. 13:37-39) Hi xihi xikombiso xa mintirho leyinene lexi Vakreste vo sungula va xi vekeke, naswona ntirho wa Mfumo wu andze ku fikela kwihi esikwini ra hina? (5) “Mintirho Ya N’wina Leyinene A Yi Dzunise Yehovha.” (Mat. 5:14-16) Xana van’wana va ‘endle ku vonakala ka vona ku voninga’ hi ndlela yihi? (6) “Ku Bumabumela Vantshwa Hi Mintirho Leyinene Leyi Dzunisaka Yehovha.” (Ps. 148:12, 13) Xana vantshwa lava nga Vakreste, lava nga kona exifundzheni xa hina, va n’wi dzunisa njhani Yehovha? (7) “Hambeta U Endla Mintirho Leyinene Kutani U Kuma Mikateko Ya Yehovha.” (Swiv. 10:22) Loko hi tshama hi khomekile emintirhweni leyinene, hi yihi mikateko leyi hi nga yi kumaka hi munhu ha un’we, tanihi ndyangu, tanihi vandlha, tanihi nhlengeletano ya misava hinkwayo?

Risimu 180 ni xikhongelo xo pfala.

[Tinhlamuselo ta le hansi]