Xiyimiso Xa Nhlangano Wa Ntirho

Vhiki Leri Sungulaka Hi January 12

Risimu 224

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va languta vhidiyo leyi nge Transfusion-Alternative Health Care—Meeting Patient Needs and Rights leswaku va tilunghiselela bulo leri nga ta va kona eNhlanganweni wa Ntirho wa vhiki ra January 26. Hi ku tirhisa swiringanyeto leswi nga eka tluka 4, kombisa ndlela yo fambisa Xihondzo xo Rindza xa January 15 ni Xalamuka! ya February 8. Nkarhi wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena. Endzhaku ka nkombiso wun’wana ni wun’wana, kandziyisa leswi hi swi dyondzeke eka wona.

15 min: “Vutlharhi Lebyi Humaka Eka Xikwembu I Bya Risima”a Loko nkarhi wu pfumela, kombela vayingiseri leswaku va hlamusela matsalwa lama kombisiweke.

20 min: “Xiyisisa Ndlela Leyi U Tirhisaka Nkarhi Wa Wena Ha Yona.”b Kombela vayingiseri va hlamusela leswi va swi endlaka ku papalata leswaku swilo swa moya swi nga kavanyetiwi hi timhaka leti nga nyawuriki.

Risimu 186 ni xikhongelo xo pfala.

Vhiki Leri Sungulaka Hi January 19

Risimu 95

5 min: Switiviso swa vandlha. Tsundzuxa hinkwavo hi Nhlangano wa Ntirho wo hlawuleka wa vhiki leri taka, lowu eka wona hi nga ta va hi pfuxeta vhidiyo leyi nge Patient Needs and Rights hi tlhela hi bula ni ku phakela khadi ra Advance Medical Directive/Release.

10 min: Bokisi Ra Swivutiso. Nkulumo leyi nyikeriwaka hi nkulu.

15 min: Swilaveko swa vandlha.

15 min: Tirhisa Rito Ra Xikwembu eVuton’wini Bya Wena Siku ni Siku. Nkulumo leyi katsaka ku bula ni vayingiseri. Khutaza hinkwavo leswaku va xi tirhisa kahle xibukwana lexi nge Ku Kambisisa Matsalwa Siku Ni Siku—2004. Bulani hi marito yo rhanga eka tluka 3 na 4. Vutisa vayingiseri leswaku hi wihi nkarhi lowu vona va wu kumaka wu ri kahle eku kambisiseni ka ndzimana ya siku ni siku. Bula ni vandlha hi ndzimana ya siku ra namuntlha swin’we ni nhlamuselo ya kona. Kombela vayingiseri va vula leswaku rungula leri hi nga ri tirhisa njhani. Khutaza vayingiseri leswaku siku ni siku va tinyika nkarhi wo anakanyisisa hi ndlela leyi va nga yi tirhisaka ha yona ndzimana ya siku rin’wana ni rin’wana.

Risimu 73 ni xikhongelo xo pfala.

Vhiki Leri Sungulaka Hi January 26

Risimu 158

12 min: Switiviso swa vandlha. Xiviko xa timali. Tsundzuxa vahuweleri leswaku va tisa swiviko swa vona swa ntirho wa nsimu wa January. Hi ku tirhisa swiringanyeto leswi nga eka tluka 4, kombisa ndlela yo fambisa Xihondzo xo Rindza xa February 1 ni Xalamuka! ya February 8. Nkarhi wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena. Eka wun’wana wa minkombiso leyi, kombisa ndlela yo fambisela muakelani timagazini leti.

18 min: “Vhidiyo Leyi Kombisaka Laha Vutshunguri Se Byi Voyameleke Kona.” Yi fanele yi tameriwa hi nkulu la fanelekaka. Hlaya Mintirho 15:28, 29, kutani hi ku komisa u kandziyisa leswaku xivangelo-nkulu xa Vakreste xo ka va nga pfumeli ku pomperiwa ngati i ku xixima nawu wa Xikwembu lowu vulaka leswaku ngati ya kwetsima. Endzhaku ko vula leswi, sungula bulo leri sekeriweke eka vhidiyo leyi nge Patient Needs and Rights, u tirhisa swivutiso leswi fambisanaka ni xihloko lexi. Gimete hi ku hlaya ndzimana yo hetelela.

15 min: Ku Langutana Ni Swiphiqo Swa Vutshunguri Hi Xivindzi. Nkulumo hi nkulu la fanelekaka, a tirhisa nkulumo leyi humaka erhavini. Pfuxeta tinhla-nkulu leti kumekaka eka xihloko lexi nge “Malunghiselelo Ya Ku Hi Pfuna Leswaku Hi Papalata Ngati.”

Risimu 177 ni xikhongelo xo pfala.

Vhiki Leri Sungulaka Hi February 2

Risimu 204

10 min: Switiviso swa vandlha. Boxa nkandziyiso lowu fambisiwaka hi February.

15 min: Tekelela Pawulo Hi Laha A Tekeleleke Kreste Ha Kona. (1 Kor. 11:1) Bulo ni vayingiseri. Ku fana na Yesu, Pawulo u tinyike nkarhi wa ku chumayela vanhu “lava a va tshuka va va kona.” (Mint. 17:17) Xana leswi hi nga swi endla njhani ensin’wini ya ka hina? I vamani ‘lava va nga kona’ loko hi ri eku xaveni, entirhweni kumbe exikolweni, kumbe loko hi ri eka swo famba ha swona? Xana i vamani lava va nga taka loko hi ri ekaya? Kombela vayingiseri va hlamusela mintokoto leyi va tshameke va va na yona ya ku chumayela vanhu lava va hlanganaka na vona siku ni siku.

20 min: Ku Endla Vapfumeri-kulorhi Va Va Vanghana Va Hina. (Swiv. 18:24; 27:9) Nkulumo leyi katsaka ku bula ni vayingiseri leyi sekeriweke eka Xihondzo xo Rindza xa December 1, 2000, matluka 22-3. Mikateko yin’wana ya ku va evugandzerini bya ntiyiso, i lunghelo ra ku endla vanghana va xiviri. Vunghana bya hina eminhlanganweni, ensin’wini ni hi minkarhi yin’wana bya hi khutaza swinene. Xana hi nga byi endla njhani vunghana ni van’wana evandlheni? Pfuxeta bokisi leri nge “Magoza Ya Tsevu Yo Endla Vunghana Lebyi Nga Heriki,” kutani u kombela vayingiseri va hlamusela ndlela leyi yinhla ha yin’we yi nga tirhisiwaka ha yona loko hi ri ni vamakwerhu.

Risimu 151 ni xikhongelo xo pfala.

[Tinhlamuselo ta le hansi]