Xiyimiso Xa Nhlangano Wa Ntirho

Vhiki Leri Sungulaka Hi December 13

Risimu 47

10 min: Switiviso swa vandlha ni Switiviso leswi hlawuriweke eka Vutirheli Bya Hina Bya Mfumo. Hlamusela malunghiselelo yo hlawuleka yo tirha nsimu hi December 25 na hi January 1. Tirhisa swiringanyeto leswi nga eka tluka 8 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa December 15 ni Xalamuka! ya January 8. Ku nga ha tirhisiwa ni swingheniso swin’wana leswi tirhaka. Nkombiso ha wun’we a wu kombise ndlela leyi hambaneke yo vulavurisana ni lava va sivaka bulo hi ku vula va ku, “Mina se ndzi wu tiva kahle ntirho wa n’wina.”—Vona buku leyi nge Ku Hlamulana, tl. 20.

15 min: “Mpfuno Wa Wena Wa Laveka.”a Hi ku komisa vulavurisana ni nkulu. N’wi kombele a hlamusela leswi n’wi khutazeke ni ku n’wi pfuna leswaku a faneleka ku va nkulu evandlheni.

20 min: “Hi Nga Ma Chumayela Njhani Maxaka?”b Tirhisa swivutiso leswi kumekaka eka xihloko lexi. Kombela vayingiseri va hlamusela hi ku komisa leswi va swi endleke leswaku maxaka ma tsakela loko va ma chumayela.

Risimu 17 ni xikhongelo xo pfala.

Vhiki Leri Sungulaka Hi December 20

Risimu 68

5 min: Switiviso swa vandlha.

20 min: “Ndlela Leyi Xikolo Xa Vutirheli Bya Le Tilweni Xi Hi Pfunaka Ha Yona.” Nkulumo hi mulanguteri wa xikolo. Katsa ni tinhlamuselo leti nga eka xiengetelo xa Vutirheli Bya Hina Bya Mfumo bya October 2004. Hlela ka ha ri ni nkarhi leswaku ku va ni muhuweleri un’we kumbe vambirhi lava nga ta hlamusela ndlela leyi xikolo xi va pfunaka ha yona.

20 min: “Tivekele Tipakani Ta Moya Leswaku U Dzunisa Xikwembu.” Nkulumo leyi katsaka ku bula ni vayingiseri, leyi sekeriweke eka Xihondzo xo Rindza xa July 15, 2004, matl. 21-3. Endla leswaku yi tirha evandlheni.

Risimu 50 ni xikhongelo xo pfala.

Vhiki Leri Sungulaka Hi December 27

Risimu 36

15 min: Switiviso swa vandlha. Xiviko xa timali. Tsundzuxa vahuweleri leswaku va siya swiviko swa ntirho wa nsimu wa December. Tirhisa swiringanyeto leswi nga eka tluka 8 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa January 1 kumbe Xalamuka! ya January 8.

30 min: Swilaveko swa vandlha.

Risimu 8 ni xikhongelo xo pfala.

Vhiki Leri Sungulaka Hi January 3

Risimu 27

10 min: Switiviso swa vandlha. Marungula Ya Swa Mfumo. Boxa minkandziyiso leyi nga ta fambisiwa hi January.

20 min: “Ku Fambisa Tidyondzo Ta Bibele Leti Endlaka Nhluvuko—Xiyenge 4.” Endzhaku ko endla xingheniso lexi nga hetiki minete lexi sekeriweke eka ndzimana 1, vana ni nkombiso wa ntlhanu wa timinete lowu sekeriweke eka ndzimana 2 na 3, laha mufambisi wa dyondzo ya Bibele a kombaka xichudeni ndlela yo lunghiselela dyondzo. Lava endlaka nkombiso a va tirhise ndzimana leyi nga ebukwini leyi nge Vutivi kumbe broxara leyi nge Leswi Xi Swi Languteleke. Ku ta landzela bulo ra swivutiso ni tinhlamulo eka tindzimana 2-5, leri nga ta kandziyisa tinhla-nkulu ta nkombiso wolowo.

15 min: “Ntirho Lowu Sekeriwaka Hi Xikwembu.”c Katsa ni tinhlamuselo leti humaka ebukwini leyi nge Timbhoni Ta Yehovha I Vachumayeri Va Mfumo Wa Xikwembu, matl. 547-8.

Risimu 79 ni xikhongelo xo pfala.

[Tinhlamuselo ta le hansi]