Xi Hlayise

Swingheniso Leswi Ringanyetiweke Swo Fambisa Tibroxara

Eka xiengetelo lexi ku ni swiringanyeto swo hambana-hambana leswi nga ku pfunaka ku lunghiselela swingheniso swo fambisa tibroxara. Swiringanyeto leswi swi nga ha cinciwa leswaku swi fanela swiyimo swa le ndhawini ya ka n’wina. Ku nga ha tirhisiwa ni swingheniso swin’wana leswi tirhaka. Swingheniso swa tibroxara leswi nga ringanyetiwangiki eka xiengetelo lexi swi nga ha lunghiseleriwa hi ku tirhisa xikombiso xa swingheniso leswi ringanyetiweke laha.—Vona Vutirheli Bya Hina Bya Mfumo bya January 2005, tl. 8.

Xiringanyeto xin’wana ni xin’wana lexi nga laha ka tluka leri xi katsa (1) ku sungula bulo hi xivutiso lexi pfuxaka ku tsakela, (2) matluka lawa u nga kumaka tinhla leti u vulavulaka ha tona ni (3) tsalwa leri faneleke leri nga hlayiwaka loko mi ri karhi mi bula. U nga ha tirhisa marito ya wena n’wini loko u tsakela ku yisa bulo emahlweni, hi ku ya hi nhlamulo ya munhu wa kona.

Buku Ya Vanhu Hinkwavo

“Xana u ehleketa leswaku Bibele yi tamele ndzayo leyi tirhaka namuntlha?”—tl. 22, marito lama nga ekusuhi ni xifaniso; tl. 23, ndz. 3 eka bokisi; Swiv. 25:11.

Hulumendhe Leyi Nga Ta Tisa Paradeyisi

“Vanhu vo tala a va wu kumi ntlhantlho wa swiphiqo leswi va langutanaka na swona namuntlha. Xana u ehleketa leswaku yi ta kala yi va kona hulumendhe leyi nga ta tlhantlha swiphiqo leswi?”—tl. 3, ndz. 1; Mat. 6:9, 10.

Ku Humelela Yini Hi Hina Loko Hi Fa?

“Loko vanhu lava hi va rhandzaka va fa, swi tolovelekile leswaku hi tivutisa leswaku va kwihi ni leswaku xana hi ta tlhela hi va vona. Xana na wena u kale u tivutisa swivutiso swo tano?”—Swivutiso leswi nga eka xifunengeto xa le ndzhaku; Yobo 14:14, 15.

Loko U Feriwa Hi Loyi U N’wi Rhandzaka

“Namuntlha hi fambisa broxara leyi, leyi chaveleleke ni ku nyika ntshembo eka vanhu va timiliyoni lava feriweke hi varhandziwa va vona. Xana u tshame u tivutisa leswaku hi wihi ntshembo lowu nga kona hi vafi?”—tl. 27, ndz. 3; Yoh. 5:28, 29.

“Xana u tshama u tivutisa leswaku u nga n’wi chavelela njhani munhu la feriweke hi loyi a n’wi rhandzaka?”—tl. 20, ndz. 1; Swiv. 17:17.

Tsakela Vutomi eMisaveni Hi Masiku!

“Vanhu vo tala va ehleketa leswaku vutomi lebyi nga heriki byi ta kumeka ntsena etilweni, xana wena u ri yini hi ku hanya laha misaveni hilaha ku nga heriki?”—Xifaniso lexi nga exifunengetweni; Nhlav. 21:4.

Vito Ra Xikwembu Leri Nga Ta Tshama Hi Masiku

“Vo tala va hina ha xi tiva xikhongelo lexi sungulaka hi ku ‘Tata wa hina la nge matilweni, vito ra wena a ri hlawuriwe.’ (Mat. 6:9, Bibele—Mahungu Lamanene) Kambe xana a wu swi tiva leswaku ku ponisiwa ka hina ku titshege hi ku tiva vito rolero?”—tl. 28, ndz. 1; Rhom. 10:13.

Xana U Fanele Ku Pfumela Eka Vunharhu-un’we?

“Vanhu va ni mavonelo yo hambana-hambana hi leswaku Xikwembu i xa muxaka muni. Xana u ehleketa leswaku leswi hi swi pfumelaka i swa nkoka?”—tl. 3, tindz. 3, 7-8; Yoh. 17:3.