Swikombo Swa Minkandziyiso Leyi Nga Eka Xiyimiso Xa Minhlangano Xa Mahanyelo Ni Ntirho

FEBRUARY 6-12

LESWI HI SWI DYONDZAKA EBIBELENI | ESAYA 47-51

it-1 643 ¶4-5

Ku Dlaya Vukati

Ku Dlaya Vukati Hi Ndlela Yo Fanekisela. Matsalwa ma vulavula hi vukati hi ndlela yo fanekisela. (Esa 54:1, 5, 6; 62:1-6) Xikombo xi tlhela xi vulavula hi ku dlaya vukati hi ndlela yo fanekisela, kumbe ku hlongola nsati.—Yr 3:8.

Mfumo wa Yuda wu hluriwile naswona muti wa Yerusalema wu lovisiwile hi 607 B.C.E., kutani vaaki va wona va yisiwe evuhlongeni eBabilona. Ka ha sale malembe yo tala, Yehovha u vule marito lawa hi ku tirhisa vuprofeta eka Vayuda lava a va ta ya evuhlongeni: “Ri kwihi papila ro dlaya vukati ra mana wa n’wina, loyi ndzi n’wi fambiseke?” (Esa 50:1) “Mana” wa vona kumbe nhlengeletano ya tiko, a a hlongoriwe hikwalaho ka xivangelo, ku nga ri hileswi Yehovha a heriseke ntwanano kutani a dlaya vukati, kambe hikwalaho ka xidyoho xa vona eka ntwanano wa Nawu. Kambe masalela ya Vaisrayele ma hundzukile kutani ma khongelela leswaku Yehovha a tlhela a va ni vuxaka na wona etikweni ra rikwavo. Hikwalaho ka vito rakwe, Yehovha u tlherisele vanhu vakwe etikweni ra rikwavo hilaha a tshembiseke ha kona hi 537 B.C.E., loko ku hundze malembe ya 70.—Ps 137:1-9; vona nhlokomhaka leyi nge VUKATI.