Xana U Wu Rindzele Hi Mahlo Ngati Nkarhi . . .

□ lowu u nga ta titwa u hlayisekile naswona u sirhelelekile ekaya ra wena—ku nga khathariseki leswaku i nkarhi wihi wa siku?

□ lowu ku nga ta ka ku nga laveki swilotlelo, swigogo, tialamu, mimbhovo yo hlometela, tidarata, varindzi, timbyana leti rindzaka ni tindlela tin’wana ta vusirheleli ke?

□ lowu u nga ta famba eswitarateni u ri wexe u hlayisekile hi ku helela, hambi ku ri ni vusiku?

□ lowu swidzidzirisi leswi vavisaka ni swiphiqo leswi yelanaka na swona swi nga ta va swa nkarhi lowu hundzeke?

□ lowu hinkwato tinyimpi ti nga ta va tiherile, naswona matlhari ma nga ha endliwi hambi ku hlayisiwa?

□ lowu u nga ta ka u nga karhateki hi swakudya, moya ni mati lama thyakisiweke?

□ lowu vutherorisi, ku khomiwa ka vanhu ni minxungeto ya tibombo swi nga ta herisiwa hi ku helela?

□ lowu swicelwa swa ntumbuluko swa misava swi nga ta sirheletiwa, swi hlayisiwa ni ku tirhisiwa hi vutlhari eka leswi swi nga swinene?

□ lowu makwanga ni vutianakanyi swi nga ta ka swi nga ha vi matimba ya nsusumeto evanhwini?

□ lowu vana va nga ta hlayisa ku tenga ni ku va ni xichavo eka van’wana ni rifuwo ra vona?

□ lowu vavasati va nga ta ka va nga tshikileriwi ni ku xanisiwa ke?

□ lowu milawu ni swiletelo swi nga ta va leswinene naswona swi nga ta tirhisiwa hi vululami ku pfuna hinkwavo?

□ lowu hulumendhe yi nga ta endla makungu lama sekeriweke eka swilaveko swa xiviri naswona hayi eka tipolitiki?

□ lowu ntshunxeko ni ku ringana swi nga ta ka swi nga dyondzisiwi ntsena kambe swi nga ta tirhisiwa?

□ lowu vusiwana byi nga ta ka byi nga ha vi kona, kambe hinkwavo va ta kuma hambi yini lexi lavekaka eka rihanyo, ku hlayiseka ni ntsako wa vona?

□ lowu vana va nga ta rhandziwa ni ku khathaleriwa naswona va nga xanisiwi kumbe ku cukumetiwa?

□ lowu vuvabyi ni rifu swi nga ta herisiwa naswona ku nga ha vi na mintungu leyi chavisaka?

□ lowu un’wana ni un’wana loyi u hlanganaka na yena a nga ta va ni musa, la pfunaka ni la tshembekeke?

□ lowu vutomi bya un’wana ni un’wana byi nga ta xiximiwa, naswona hinkwavo va nga ta kuma ntsako lowu nga heriki?

□ lowu vukhongeri byi nga ta ka byi nga ha vi matimba lama vangaka ku avana, loku vangaka ku sihalala, rivengo ni tinyimpi?

□ lowu hinkwavo va nga ta va ni tindhawu leti ringaneke ni leti tsakisaka ku tshama eka tona, naswona ku nga vi na kaya ku nga ta va nchumu wa nkarhi lowu hundzeke?

Loko u nga vula leswaku ina eka xin’wana ni xin’wana lexi xi nga laha henhla, u ta tsakela ku hlaya swihloko leswi landzelaka.