Ntungu Wa Xivundza​—U Nga Wu Hlula Njhani?

• “Kwalomu ka hafu ya vanhu lavakulu eUnited States va vika leswaku va ni xivundza, nhlayo leyi tlakukeke ngopfu yi le xikarhi ka vanhu lava ha riki vantshwa.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[Nhlangano Wa Rihanyo Wa Misava Hinkwayo] wu tivise khomixini ya ntshamisano wa vanhu leswaku yi tlhantlha xiphiqo xa xivundza tanihileswi xi xungetaka rihanyo, yi kondletela ntshamisano wa vanhu hi ku hatlisa naswona yi hatlisisa swintshuxo ematikweni hinkwawo.”​—Nhlangano Wa Rihanyo Wa Misava Hinkwayo, November 15, 2023.

Bibele yi hi nyika xitsundzuxo lexinene lexi hi pfunaka ku kondletela ku hanyisana lokunene ni vanhu.

Milawu ya Bibele leyi nga pfunaka

Hunguta ku tihungasa loku ku hambanisaka ni van’wana. Ku tihungasa koloko ku katsa ku tirhisa ngopfu social media. Ku ri na sweswo, lava tindlela to vulavula na vanhu hi ku kongoma kutani u endla vanghana va ntiyiso.

• Nawu wa Bibele: “Munghana wa ntiyiso u kombisa rirhandzu mikarhi hinkwayo, I makwenu wa ntiyiso loko u ri emaxangwini.”​—Swivuriso 17:17.

Lava tindlela to pfuna van’wana. Ku endlela van’wana swilo leswinene a swo tiyisa vuxaka ntsena kambe swi tlhela swi endla leswaku hi titwa hi tsakile.

• Nawu wa Bibele: “Ku nyika swi tisa ntsako lowukulu ku tlula ku amukela.”​—Mitirho 20:35.

Nghena eka website ya hina leswaku u kuma rungula leri pfunaka leri humaka eBibeleni mayelana ni ndlela yo kuma vanghana lavanene.