Lwisana Ni Xivundza Hi Ku Endla Xinghana—Ndlela Leyi Bibele Yi Nga Ku Pfunaka Hayona

Nyimpi ya ku lwisana ni xivundza yi ve ya nkoka eka rihanyo ra misava hinkwayo hi 2023. Xana xi kona lexi nga hlulaka xivundza?

• Dr. Vivek Murthy, ku nga dokodela jenerala wa U.S. u ri: “xivundza ni ku tihambanisa ni vanhu i nxungeto lowukulu eka rihanyo ni ntsako wa hina.” Kambe u engetela a ku: “Hi nga lwisana na wona.” Njhani? “Hi ku endla swo karhi siku rin’wana ni rin’wana leswaku hi tiyisa vuxaka bya hina.”a

Xivundza a xi vangiwi hi ku tihambanisa ni vanhu ntsena. Van’wana va nga khomiwa hi xivundza niloko va ri exikarhi ka vanhu. Swi nga ri na mhaka leswaku xivundza xa hina xi vangiwa hi yini, Bibele yi nga hi pfuna. Yi ni xitsundzuxo lexinene lexi nga hi pfunaka ku lwisana ni xivundza ni ku tiyisa vunghana bya hina.

Milawu ya Bibele leyi nga pfunaka

Vulavurisana kahle ni vanhu. Leswi a swi katsi ku byela van’wana ndlela leyi u titwaka hayona ntsena kambe swi katsa ni ku va muyingiseri lonene. Loko u kombisa ku rhandza van’wana, vunghana bya n’wina byi ta ya byi tiya.

• Nawu wa Bibele: “Mi nga ehleketi hi leswi vuyerisaka n’wina ntsena, kambe ehleketelelani ni van’wana.”—Vafilipiya 2:4.

Vana ni vanghana vo hambanahambana. Tiyimisele ku endla xinghana ni vanhu lavakulu kumbe lavatsongo eka wena kumbe lava humaka eka ndhavuko kumbe rixaka leri nga faniki ni ra wena.

• Nawu wa Bibele: ‘Rhandzani hi mbilu yo basa.’—2 Vakorinto 6:13.

Leswaku u kuma rungula leri engetelekeke ra ndlela yo va ni xinghana lexi tiyeke ni van’wana, hlaya nhlokomhaka leyi nge “Satisfying Our Hunger for Friendship.”