Longoloko Wa Mutlhangano Wa Ntiro
Viki Gi Sangulako Hi 14 Ka Julho
10 men: Zitiviso za bandla. Hi ku tirisa a mawonela ma kombisiwako ka phajina 4 kutani mikombiso yinwani yi fanelako xipanze xa nwina, kombisa lezi gi nga nyikeliswako zona A Sentinela ga 1 ka Julho ni Despertai! ga Julho.
15 men: U ‘Tiyile Hlana’ Ke? Kanelo wu seketelwako ka A Sentinela ga 15 ka Maio wa 2006, maphajina 13-16. Khanyisa a lisima la ku xumayela hi kutiya.
20 men: “Hanya Na U Alakanya A Siku Ga Jehova.”a Komba a matshamela yo hlawuleka ya bhuku legi. Vuxeta a longoloko wa xigonzo xa bhuku ni zileletelo za kona zi kumekako ka phajina 3. Kuca vontlhe lezaku vava kona xontlhe xikhati va tlhela va hlamula hi kukhanzakanya. Hi kukomisa, bhulisana ni muhuweleli munwe kutani vambiri, lava va tiviwako hi ku longisela khwatsi a mitlhangano, u tlhela u va wutisa a ku xini xi va kucako a ku maha lezo.
Viki Gi Sangulako Hi 21 Ka Julho
10 men: Zitiviso za bandla. Zitiviso zi hlawulilweko ka Wutireli Ga Hina Ga Mufumo. Alakanyisa lava va nga kona lezaku vata ni A Sentinela ga 1 ka Agosto zinwe ni Despertai! ga Agosto ka Mutlhangano wa Ntiro wa viki gi tako va tlhela va ti longisela kasi ku bhulisana hi zingheniso zi fanelako a xipanze xa nwina.
15 men: Nyikela A Mubiko Wo Gumesa. Kanelo wo hiseka wu vekiwako hi matsalani wa bandla, wu seketelwako ka Organizados para Fazer a Vontade de Jeová maphajina 90-1. Kuca a vahuweleli vontlhe lezaku va maha zontlhe va zi kotako kasi va neha a mibiko ya ntiro wa simu ya Julho ni Agosto kota lezi ti nga tihweti to gumesa ta lembe ga ntiro.
20 men: “Kutilongisela — Nchumu Wa Lisima Maenzweni Yo Wuyela.”b Hi mune wa timeneti, kombisa a muhuweleli wo kari na a wulawula yece a xikhati lexi a ti longiselako kasi ku maha a maenzo yakwe yo wuyela. I cuwuka lomu ka kaderno wakwe a miti leyi a yi enzeleko, zonake a ti yimisela ku tlhelela a vanhu vambiri kumbheleni ka viki legi. Hi kulanzela, i kambisisa lezi a nga zi bhula ni munwe ni munwani wabye ka lienzo lo sangula, a boha a kungo gakwe, zonake a longisela lezi a ta nga gi chikelelisa zona. Ka munwe wabye, i ti longisela a ku ya sangula xigonzo xa Biblia. Ka loyi munwani, i ti longisela a ku ya hlakulela a kutsakela kakwe hi ku tirisa a mawonela ma kombisilweko ka nzimana 5.
Lisimu 189
Viki Gi Sangulako Hi 28 Ka Julho
10 men: Zitiviso za bandla. Alakanyisa vontlhe lezaku va neha a mibiko ya ntiro wa simu ya Julho. Lera a mubiko wa timali ni magezu yo bonga a minyikelo. Wula a mabhuku ma to nyikelwa hi Agosto, niku ngha ku mahiwa a mukombiso munwe.
15 men: A Hi Tshameni Na Hi Alakanyela A Xikhati Lexi Hi Hanyako Ka Xona. Kanelo wo hiseka wu seketelwako ka A Sentinela ga 15 ka Dezembro wa 2006, maphajina 18-19, tinzimana 17-21.
20 men: Ti Longisele Lezaku U Nyikela A Marevista Lawa Ma Ha Hi Ku Chikelako. Kubhulisana ni vaingiseli. Anzhako ka ku songa hi kukomisa lezi zi nga nzeni ka A Sentinela ga 1 ka Agosto ni Despertai! ga Agosto, kombela lava va nga kona lezaku va komba a tinzima leti ti nga ha tsakisako vanhu lomu xipanzeni xa nwina va tlhela va wula a ku hikuyini. Kombela lava va nga kona lezaku va wula a timhaka to kari ti nga nzeni ka tinzima leti va lavako ku maha xingheniso ha tona. Xiwutiso muni xi nga tirisiwako kasi ku sangula bhulo? Hi wihi mutsalo nzeni ka nzima leyo lowu wu nga gonziwako anzhako ka xiwutiso? Hi ku tirisa a zingheniso za xikombiso lezi zi nga ka Wutireli Ga Hina Ga Mufumo kutani xingheniso xo kari xi ta nga nyikiwa hi lava va nga kona, maha a mukombiso wa lezi a ginwe ni ginwani ga marevista lawo gi nga nyikeliswako zona.
Viki Gi Sangulako Hi 4 Ka Agosto
Lisimu 222
10 men: Zitiviso za bandla.
15 men: Xana A Vana Va Wena Va Longile Ku Hlula A Zikarato Lezi Va Kumanako Nazo Xikoleni? Kanelo ni kubhulisana ni vaingiseli. Tlhamusela a zikarato zo kari lezi a vanhu vaswa va maKristu va yimisanako nazo xikoleni. Tlhamusela lezi a vapswali ni vana vabye va nga yi tirisisako zona a Índice das Publicações da Torre de Vigia kasi ku kuma a mahungu ma vunako. Nyika zikombiso zo kari. (Wona a hloko ya mhaka ya hombe “Escola(s)” hasi ka xihlokwana xa mhaka “experiências.”) Kombela lava va wundlilweko mingangweni ya wuKristu lezaku va hlawutela lezi a vapswali vabye va va longiselisileko zona lezaku va yimisana ni zikarato ni ku tirisa a matshinya ya milayo ya Biblia le xikoleni. Va nga ha kumbuka kambe a mitiro ya le xikoleni leyi va yi mahileko hi ku tirisa a timhaka va ti kumileko ka Despertai! Ngha va tlhamusela lezi a ku xumayela a zigonzani-kulobye zi va vikelisileko zona.
20 men: “Hi Hahlula Makhokhola.”c Kombela lava va nga kona lezaku va tlhamusela lezi a mugonzisi wabye wa Biblia a nga va vunisa zona hi lihlaza-mbilu lezaku va tsika a tigonzo ta wukhongeli ga mawunwa, leti va nga khomelele ka tona.
[Mitlhamuselo ya lahasi]
a Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.
b Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.
c Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.