Longoloko Wa Mutlhangano Wa Ntiro
Viki Gi Sangulako Hi 10 Ka Novembro
Lisimu 205
10 men: Zitiviso za bandla. Kumbuka lezi a muwoneleli wa ntiro a zi wulako xungetano hi mizamo ya bandla ya ku eneta a xipanze hi ku nyikela a xitlukana Xana Wa Zi Lava Ku Tiva A Zinene? Kota lezi a vahuweleli vo tala va sinako va sangulile ku nyikela a marevista A Sentinela ga 1 ka Novembro ni Despertai! ga Novembro, ramba lava va nga kona lezaku va wula lezi va nyikelisako zona a marevista hi kuhumelela.
15 men: Hlakulela A Moya Wa Liranzo Ni Wa Wuhana. Kanelo wu vekiwako hi dota na wu seketelwa ka A Sentinela ga 15 ka Novembro wa 2008, maphajina 6-7.
20 men: “Hi Na Ni Titshomba Ta Lisima Ta Ku Avela Vanwani.”a A xikhati lexi u kambisisako a nzimana 2, ramba lava va nga kona lezaku va wula a zinene za Biblia zo kongoma lezi zi va kokeleko hlengeletanweni ya Jehova kutani lezi va zi tsakeleko nguvu kusukela kubapatizweni kabye.
Viki Gi Sangulako Hi 17 Ka Novembro
10 men: Zitiviso za bandla. Zitiviso zi hlawulilweko ka Wutireli Ga Hina Ga Mufumo.
15 men: Kwadru Ga Ziwutiso.b
20 men: “Wa Zi Kota Kuva Mugonzisi!”c Bhulisana ni muhuweleli kutani phayona loyi a hlulileko a kutizwa na a nga ringanelwi hi ku fambisa a xigonzo xa Biblia. Xana i khegelisile kuyini ka Jehova lezaku a kuma xivuno? Xana a hlengeletano yi mu vunile hi tindlela muni to kongoma kasi ava mugonzisi wo buva? Hi wihi a nchachazelo a wu kumako hi ku hlengela ntirweni wa ku fambisa zigonzo za Biblia?
Viki Gi Sangulako Hi 24 Ka Novembro
Lisimu 217
10 men: Zitiviso za bandla. Lera a mubiko wa timali ni magezu ya kubonga a minyikelo. Wula mabhuku lawa ma ta nga nyikelwa hi Dezembro, niku ngha u maha mukombiso munwe kutani yimbiri ya manyikelela ya wona.
20 men: Bhulisana ni vaingiseli hi ku tirisa a tinzimana to kari ti hlawulilweko ka xipimo 16 xa bhuku A Biblia Gi Gonzisako, a ku patsa ni maphajina 222-3, ma wulawulako hi Khisimuso ni Mibuzo Ya Lembe Giswa. Khanyisa a xilaveko xa ku nga ti ngheniseli ka wudakwa ni ka guwa lezi zi tolovelako ku mahiwa mibuzweni leyo.
15 men: Ti Longisele Ku Nyikela A Sentinela ga 1 ka Dezembro ni Despertai! ga Dezembro. Songa hi kukomisa lezi zi nga nzeni ka marevista, u tlhela u wutisa a vaingiseli lezaku hi tihi tinzima leti va alakanyako ku ngalo ti nga ha tsakisa vanhu lomu xipanzeni xa nwina. Hi zihi ziwutiso ni mitsalo yi nga tiriswako kasi ku maha xingheniso xa tinzima leto? Kombisa lezi a xingheniso xa xikombiso xi nga ka Wutireli Ga Hina Ga Mufumo xi nga ha tirisiswako zona. Ngha a ginwe ga madota gi maha mukombiso wo koma lowu gi nga wu longisela, wu seketelwako ka nzima yi yelanako ni matshamela ya lomu xipanzeni.
Lisimu 208
Viki Gi Sangulako Hi 1 Ka Dezembro
10 men: Zitiviso za bandla. Alakanyisa a vahuweleli lezaku va neha a mibiko ya ntiro wa simu ya Novembro.
15 men: Matshango ya laha bandleni. Tivisa bandla xungetano hi lezi a xipanze xi enetisilweko zona kunyikeleni ka xitlukana Xana Wa Zi Lava Ku Tiva A Zinene? Kombela lava va nga kona lezaku va hlawutela a matshango va vileko nawo kunyikeleni ka xitlukana lexi kutani a xikhati lexi va nga xi tirisa kasi ku sangula a zigonzo za Biblia. Tlhela u hlawutela a matshango ma tiyisako hlana ma yelanako ni kunyikelwa ka bhuku A Biblia Gi Gonzisako hi Novembro. A tshango ginwe kutani mambiri yo hlawuleka ma nga ha mahelwa mukombiso.
20 men: “Longisela Lava Va Ha Hiko Vaswa Lezaku Va Yimisana Ni Kukanetwa.”d A xikhati lexi u kambisisako a nzimana 2, komba hi kukomisa lezi a mahungu ma nga ka bhuku Raciocínios hasi ka “Testemunhas de Jeová” ma nga vunisako zona a zigonzani za Biblia lezaku zi hlamula a ziwutiso zi mahiwako hi maxaka kutani vanghana va karatekako hi lezi zi gonzako a Biblia.
[Mitlhamuselo ya lahasi]
a Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.
b Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.
c Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.
d Ngha a mitlhamuselo ya xingheniso yi nga chikeli ka meneti, ku tlhela ku lanzela a kubhulisana ka ziwutiso ni mihlamulo.