Xana Jesu hi yena Nungungulu wa Ntamu Wontlhe?

Hlamulo wa Bhibhiliya

A valala va Jesu va wa mu lumbeta ku wa ti fananisa na Nungungulu. (Johani 5:18; 10:30-33) Hambulezvo, Jesu a nga tshukangi a ti byela ku i ka cikhundla cin’we ni Nungungulu wa Ntamu Wontlhe. I te ngalo: “Papayi wa hombe a ku hundza mina.” — Johani 14:28.

A valandzeli vo sangula va Jesu va wa nga mu woni na a fana ni Nungungulu wa Ntamu Wontlhe. Hi cikombiso, mupostoli Pawule i tsalile ku andzhako ka loku Jesu a vhuxilwe, Nungungulu “i no mu tlakusa [Jesu] aya ka cikhundla co tlakuka.” Zva zwala ku Pawule i wa nga kholwi ku Jesu i wa hi Nungungulu wa Ntamu Wontlhe. Loku zvi wa tshamisile lezvo, Nungungulu i wa ta mu tlakusisa kuyini Jesu aya ka cikhundla co tlakuka? — Va Le Filipi 2:9.