Yobo
39 “Wa wu tiva nkama lowu timbuti ta le tintshaveni ti psalaka hi wona?+
U tshama u vona mhunti na yi psala?+
2 Wa swi kota ku konta tiwheti leti ti ti hetaka na ti nge se psala?
Kumbe wa wu tiva nkama lowu ti psalaka hi wona?
3 Ta khizama loko ti psala,
Kutani ku lun’wa* ka tona ku hela.
4 Vana va tona va tiyela, va tlhela va kula nhoveni;
Va famba va nga ha tlheli ka tona.
5 I mani lweyi a nga tlhantlha mbongolo ya nhova,+
Naswona i mani lweyi a nga tlhantlha magoda ya mbongolo ya nhova?
6 Ni yendle swaku yi tshama mananga
Kaya ka yona i tiko leli nga ni munyu.
7 Ya hleka loko ku ni mpfilumpfilu ka doropa;
A yi li twi guwa la lweyi a khayimaka swiharhi.
8 Yi famba yi lava swakudla ka tintshava,
Yi lava swinsinyani swa vherdi.
9 Indjhe a homu ya nhova* yi nga ku tirhela?+
Kumbe yi nga yetlela ka xib’ala xa wena?
10 Indjhe u nga yi boha homu ya nhova u yi yisa ku rimeni,
Kumbe u nga famba na yona u ya rima masimu?
11 U nga ma tshemba matimba ya yona yamakulu,
U yi tirhisa ka ntirho wa wena wa ku tika?
12 Indjhe u nga yi tshemba swaku yi vuyisa ntshovelo wa wena,
Kumbe yi nga wu rhwala yi vuya na wona ka ndhawu leyi u hulelaka ka yona?
13 A yintxa* yi bananisa timpapa ta yona na yi tsakile,
Kambe timpapa ta yona ni tinsiva ta yona swi nga fanisiwa ni swa ntavila?*+
14 Hikusa yi veka matandza ya yona ahansi,
Yi tlhela yi ma fukamela kolanu.
15 Ya khohlwa swaku ma nga ha psanyeteliwa
Kumbe swiharhi swa khwati swi ma psanya.
16 Yi va khomisa ximona vana va yona, ingaku hiloko va nga li va yona;+
A yi chavi swaku yi nga va yi psale mahala.
17 Hikusa Xikwembu xi yi tsone wutlharhi,*
A xi yi nyikanga ku twisisa.
18 Kambe loko yi nyima yi bananisa timpapa ta yona,
Yi hleka kavhalu ni lweyi a fambaka hi lona.
19 Hi wena u nyikaka kavhalu a matimba?+
Hi wena u li yambexaka mavoya yamakulu ka nhamu?
20 U nga yendla swaku li tlula ku fana ni ntete?
Ndlela leyi li mpfhumpfhaka hi yona ya chavisa.+
22 Li poyila ku chava naswona a li chavi nchumu.+
A li tlheli hambi li vona xipada.
23 Nkwama wa ku peta mimpaxwa* wu vanga guwa nkama li tsutsumaka,
A xipada ni tlharhi swa hatima.
24 Li tlulatlula hi mhaka ya ku tsaka, li ya phambheni,
A li tshamiseki loko li twa guwa la ku chayiwa ka limhondzo.
25 Loko li twa guwa la limhondzo li li: ‘Ahaa!’
Li twa ku nun’hwela ka nyimpi na la ha li kule,
Li twa ku huwelela ka varhangeli va nyimpi ni guwa la nyimpi.+
27 Kumbe hi wena u nga byela gama* swaku li hahela henhla hintamu+
Ni ku tlhela li yaka xisaka xa lona ka tindhawu ta le henhla?+
28 Li yetlela henhla ka maribye ya ku leha
Li tshama ka maribye.
29 Li lavetela swakudla na li li kolanu;+
Matihlo ya lona ma vona ndhawu ya le kule swinene.
30 Vana va lona va phuza ngati;
Naswona li tshama na li li ka ndhawu leyi ku nga dlayiwa nchumu.”+