Tipisalema
Ka mayextru. Pisalema ya Davhida. Lisimu.
139 Yehovha Xikwembu xanga, u ni kambisisile funtshi wa ni tiva.+
2 Wa swi tiva loko ni tshama ni loko ni nyima.+
U twisisa mimpimiso ya mina na u li kule.+
3 Wa ni vona loko ni famba ni loko ni yetlela;
U tiva tindlela ta mina hinkwatu.+
4 U tiva leswi ni lavaka ku swi vula
Na ni nge se swi hlaya, wena Yehovha.+
5 U ni rhendzelile ka matlhelo hinkwawu;
U veke voko la wena henhla ka mina.
6 A ni swi koti ku yi twisisa ndlela leyi u ni tivaka hi yona.
Yi tlakuke hintamu lakakuva a ni nge swi koti ku yi fikelela.+
7 Ni nga ya kwini leswaku ni baleka matimba ya wena ya ku kwetsima,
Naswona ni nga tumbela kwini leswaku u nga ni voni?+
9 Hambiloko a no haha hi ku hantlisa ku fana ni ku vonakala ka dlambu loko li xa
Ni ya tshama awugamu ka lwandle,
10 Ni kolanu voko la wena a li ta ni kongomisa
Voko la wena la xinene a li ta ni khoma.+
11 Loko no vula ni ku: “Phela munyama wu ta ni tumbeta!”
Kutani wusiku leli nga ni rhendzela a li ta txintxa li va ku vonakala.
12 Hambi hi munyama a wu nge ku pfaleli swaku u ni vona,
Wusiku li ta fana ni nhlikanhi;+
Ka wena munyama wu fana ni ku vonakala.+
14 Na ku dzunisa hikusa ni yendliwe hi ndlela ya ku hlamalisa.+
Mintirho ya wena ya hlamalisa,+
Ni swi tiva kahle leswo.
15 Marhambu ya mina a ma nga tumbelanga ka wena
Nkama ni nga yendliwa axihundleni,
16 Matihlo ya wena ma ni vonile na ni nge se psaliwa;
Swirho swa mina hinkwaswu a swi tsaliwile ka buku la wena,
Hambi ni masiku lawa swi nga yendliwa hi wona,
Na ku nge se va ni xin’we xa swona.
17 Hi mhaka leyo, mimpimiso ya wena i ya lisima hintamu ka mina!+
I yikulu hintamu, Xikwembu xa mina!+
18 Loko ni zama ku yi konta, i yinyingi ku tlula swiribyani swa misava.+
Loko ni pfuka, na ha li na wena.*+
19 Xikwembu xanga, loko ntsena a wo dlaya vanhu va ku biha!+
Vadlayi* a va ta ni tshika,
20 Lava va vulavulaka ku biha hi wena;
I valala va wena lava delelaka vito la wena.+
21 Yehovha Xikwembu xanga, indjhe a ni va nyenyi lava ku nyenyaka,+
Ni tlhela ni nyenya lava ku terekelaka?+
22 Na va nyenya hintamu;+
I valala lavakulu va mina.
23 Ni kambisise, wena Xikwembu xanga, u tiva mbilu ya mina.+
Ni kambisise, u tiva mimpimiso ya mina leyi karhatekaka.+