Yeremiya
1 Lawa i marito ya Yeremiya* n’wana wa Hilikiya, mun’we wa vaprista va le Anatoti+ doropa la tiko la Benjamini. 2 Yehovha a vulavule na mina hi lembe la wu 13 la ku fuma ka Yosiya+ hosi ya Yuda, lweyi a a li n’wana wa Amoni.+ 3 A tlhele a vulavula na mina nkama a ku fuma Yoyakimi+ hosi ya Yuda lweyi a a li n’wana wa Yosiya, anze ku heleni ka lembe la wu 11 la ku fuma ka Zedekiya+ hosi ya Yuda, lweyi a a li n’wana wa Yosiya, hi nkama lowu vanhu va Yerusalema va nga tekiwa va yisiwa wukaraweni hi wheti ya wu 5.+
4 Yehovha a vulavule na mina a ku:
5 “Ni ku tive* na ni nge se ku vumba ka khwirhi la mamani wa wena,+
Ni ku langile na u nge se psaliwa.+
Ni ku yendle muprofeta ka matiko.”
6 Kambe ni te: “Yehovha Hosi Leyikulu!
A ni swi koti ku vulavula+ hikusa na ha li mufana.”+
7 Yehovha a ni byela a ku:
“U nga hlayi swaku: ‘Na ha li mufana.’
Hikusa u fanele u ya ka hinkwavu lava ni nga ta ku rhuma ka vona,
Funtshi u fanele u va byela hinkwaswu leswi ni nga ta ku byela swona.+
8 U nga chavisiwi hi leswi va nga tshamisa swona,+
Hikusa ‘ni na wena swaku ni ku ponisa,’+ hi mina Yehovha ni swi vulaka.”
9 Se Yehovha a ni khumba nomo hi voko.+ Yehovha a gama a ni byela a ku: “Ni veke marito ya mina ka nomo wa wena.+ 10 Ku sukela ka namuntlha ni ku nyika matimba ya ku khuluma ni vanhu va matiko ni mimfumu, ya ku tsuvula ni ya ku wisetela, ya ku helisa ni ya ku diliza, ya ku yaka ni ya ku byala.”+
11 Yehovha a tlhele a vulavula na mina a ku: “U vona yini Yeremiya?” Ni mu hlamule ni ku: “Ni vona ligadja la nsinya wa mendwa.”
12 Yehovha a ni byela a ku: “Hi swona leswi u nga swi vona hikusa ni tshama na ni nyimele ku yendla leswi ni nga swi hlaya.”
13 Yehovha a tlhela a khuluma na mina ka wumbirhi, a ku: “I mpsini u swi vonaka?” Ni gama ni mu hlamula ni ku: “Ni vona panela lalikulu li vilaka funtshi nomo wa lona wu txuvuke ka tlhelo la sul.”* 14 Yehovha a ni byela a ku:
15 Hikusa ‘ni ta vitana mindjangu hinkwayu ya mimfumu ya tlhelo la norte,’ ku hlaya mina Yehovha,+
‘Yi ta ta; naswona hinkwayu yi ta tivekela switshamu swa wuhosi
Ka tinyanghwa ta Yerusalema,+
Yi ta hlasela mimuru leyi mu rhendzelaka
Ni madoropa hinkwawu ya Yuda.+
16 Ni ta yavanyisa vanhu va mina hi mhaka ya swilo hinkwaswu swa ku biha leswi va swi yendlaka,
Hikusa va ni tshikile,+
Va yendlela swikwembu swin’wani magandzelo+
Va tlhela va khizamela swilo leswi va nga swi yendla hi mavoko ya vona.’+
17 Kambe tilulamisele,
U fanele u nyima u va byela hinkwaswu leswi ni nga ta ku byela swona.
U nga va chavi,+
Swaku ni nga ku chavisi phambheni ka vona.
18 Hikusa namuntlha ni ku yendle swaku u va doropa leli nga ni mimuru ya ku tiya,
Ni tlhela ni ku yendla pilari la nsimbi ni mimuru ya kobre swaku u ta kota ku hlula tiko hinkwalu,+
Tihosi ta tiko la Yuda ni varhangeli va lona,
Ni vaprista ni vanhu va lona.+
19 Phela va ta lwa na wena,
Kambe a va nga ta ku hlula,
Hikusa ‘ni na wena swaku ni ta ku ponisa,’+ ku hlaya mina Yehovha.”