Tito
1 Mina Pawulo, ni nga mutirhi wa Xikwembu ni mupostolo wa Yesu Kreste, ni nga ni lipfumelo la ku fana ni la vanhu lava nga langiwa hi Xikwembu ni wutivi la ntiyiso leli fambisanaka ni ku tinyiketela ka Xikwembu, 2 leli seketeliwaka ka ntshembo wa wutomi la ku kala li nga heli+ leli Xikwembu lexi kalaka xi nga hembi+ xi nga li tshembisa khale swinene; 3 kambe xi nga yendla swaku rito la xona li tiviwa hi nkama wa kona hi ku tirhisa ntirho wa ku chumayela lowu xi nga ni nyika wona+ hi ku landza nawu wa Muponisi wa hina, ku nga Xikwembu, 4 ni tsalela Tito, lweyi a nga n’wana ka mina hi mhaka ya lipfumelo leli hi nga na lona ni ku:
Timpsalu tatikulu ni ku rhula leswi taka hi ka Xikwembu Papayi na Kreste Yesu Muponisi wa hina a swi ve na wena.
5 Ni ku siye Kreta swaku u lulamisa swilo leswi a swi hume ndleleni ni ku veka madoda ka doropa lin’wani ni lin’wani, hi ku landza leswi ni nga ku byela swona ni ku: 6 Doda li fanele li va munhu lweyi a kalaka a nga na xa ku soliwa hi xona, a nga ni nsati mun’we, a nga ni vana lava nga vapfumeli lava kalaka va nga lumbetiwi swaku va ni mahanyelo ya ku biha kumbe swaku a va yingisi.+ 7 Hikusa leswi doda* li nga mutirheli wa Xikwembu, li fanele li nga na xa ku soliwa hi xona, li nga tiwomisi nhloko,+ li nga hantliseli ku kwata,+ li nga vi xidakwa, li nga rhandzi ku lwa, li nga naveli ku pfuneka hi ndlela ya wukanganyisi, 8 kambe li rhandza ku yamukela vapfhumba,*+ li rhandza swa ku lulama, li pimisa kahle,+ li lulama, li tshembeka,+ li tikhoma,+ 9 li namarhela rito la ku tshembeka loko li djondzisa+ leswaku li ta kota ku tiyisa hi djondzo yayinene+ ni ku laya+ lava kanetaka.
10 Hikusa ku ni vavanuna va ku tala lava kalaka va nga swi lavi ku yingisa, lava vulavulaka swilo swa ku kala swi nga pfuni nchumu, ni vakanganyisi, ngopfungopfu lava vulaka swaku swo boha ku tsema nsuvu.*+ 11 Va miyeti vanhu volavo hikusa va wonha mindjangu hi ku djondzisa swilo swa ku kala swi nga faneleki, hi ku lava ku ganya xanchumu hi ku va kanganyisa. 12 Mun’we wa vona lweyi a nga muprofeta wa vona a te: “Vakreta va tshamela ku hemba, i swiharhi leswi nga ni nghozi, i vanhu va magolo* naswona i malolo.”
13 Mhaka leyi i ntiyiso. Kutani tama u va laya swinene leswaku va ta tiya* lipfumelweni, 14 va nga yingiseli minkaringana ya Vayuda ni minawu ya vanhu lava tshikaka ntiyiso. 15 Swilo hinkwaswu swi basile ka vanhu lava nga basa;+ kambe a xi kona lexi nga basa ka vanhu lava nga chaka ni lava kalaka va nga na lipfumelo, hikusa mimpimiso ni lipfalu la vona swi chakile.+ 16 Va vula swaku va tiva Xikwembu kambe va xi yala hi mintirho ya vona,+ va nyenyentsa naswona a va yingisi, a va faneleki ku yendla ntirho ni wun’we wawunene.