Xingheniso Xa Xiyenge 8

Ka switoriya leswi landzelaka hi ta vona swaku Yehovha a mu nyike wutivi la linyingi Solomoni, a tlhela a mu nyika ntirho wa lisima wa ku yaka tempele kambe hi kutsongokutsongo Solomoni a sungule ku khohlwa Yehovha. Se loko wena u li papayi kumbe mamani, tlhamusela n’wana wa wena leswi lava a va gandzela swikwembu swa mavunhwa va nga swi yendla leswaku va tshikisa Solomoni ku gandzela Yehovha. Hi ta tlhela hi vona ndlela leyi mfumu wa Israyele wu nga yavana hi yona. Naswona tihosi ta ku biha ti yendle leswaku vanhu va tshika ku gandzela Yehovha va sungula ku gandzela swikwembu swa mavunhwa. Hi nkama wolowo vaprofeta va ku tshembeka va Yehovha va hluphiwile va tlhela va dlayiwa. Hosi Jezabele a yendle leswaku a 10 wa tinxaka ti sungula ku gandzela swikwembu swa mavunhwa. A ve nkama wa ku karhata hintamu ka Vayisrayele. Kambe Vayisrayele van’wani va ku fana na Hosi Yehoxafati na muprofeta Eliya va tame va tshembeka ka Yehovha.